Jn 14:6 - Ikan feg

⁶ Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Meta’

⁶ Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 14:6 ပူးပေါင်းရင်းမြစ်များ

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 1:17

Ŋwiye ya chè anjìm Muse nàʼ mə̀nɔ̀ʼɔ̀. Ìchɔ̀mì fɔrɔ tesiʼ si yèʼe anjìm Yeso Kristo.

Jn 1:4

À ya Ìngam we we nàʼà ìtḛ̀ abə bəd məjìm. Ane, ìtḛ̀ məd ya nàʼà ìzḛzḛ abə bəd məjìm ni kyeri tesiʼ.

Jn 10:28

Mə ya nàʼà ìtḛ̀ ighə̀m imɔʼ inɔb. Chəyi mbɔb biri nɔ̀ʼ ku nim. Chəyi tì wə̀d mɔ̀ʼɔ chì awɔb inga ìtum tikye abo.

Jn 10:7

Yeso ya ywìrì ghà abə mə̀mə̀nənùg məd gha, “Mə ghà kwàʼ tesiʼ inən gha, mo ya kwàʼ inuʼ ikam njə̀g.

Jn 10:9

Mo ya inuʼ ikam. Wə̀d we ne chè inga inum, wì biri pum. Wì biri ya nyḭ̀yḛ, bə̀ chè dùwə̀ ghò kə̀bə̀ agyen.

Jn 14:19

Àsi bùʼ məyi ikə nyumə̀ ne chəyi bəd igun isəg biri ywiri bàd amə. Si ya gha, mbə̰ biri bàd amə. Icheg ne mə̀ yaʼi izɔm, à ya bə̀ icheg ne mbə biri yaʼ izɔm.

Jn 15:1

Yeso ya ghà abə ìmbi mə̀mə̀nənùg gha, “Mo ya azed vayìn ne ko, ne tì wə̀d nɔŋì fìŋ igun. Ìmə Mbaʼ ya wə̀d ne fàʼà inga mben vayìn.

Jn 18:37

Payilèd ya si bìri ibo gha, “Àghò kə anìŋ yaʼ ifɔn?” Yeso ya ywìtì gha, “Àghò ya anìŋ ghà kwàʼ tesiʼ gha mo ya ifɔn. À ya kwàʼ tesiʼ gha, aŋa ya aton ze ne mbi ya gwi amə igun isəg aŋa, gha mə yeʼe ghà tesiʼ. Wə̀d ijìm ne kɔ̀ŋi tesiʼ ya zùghə anug ne mə̀ ghà.”

Jn 5:21

Icheg ne Mbaʼ we zwèmne bəd nàʼà ìtḛ̀ inɔb, à ya icheg ne Ŋwan we bə̀ nàʼà ìtḛ̀ abə bəd mbe ne məd kɔ̀ŋi.

Jn 6:33

Ngəŋ ze ne Ŋwiye we nàʼà à ya məd we ne swiʼi ikaŋ àbɔ̀ŋɔ. À ya məd we ne swiʼi ikaŋ àbɔ̀ŋɔ we nàʼà ìtḛ̀ abə bəd igun isəg.”

Jn 6:51

Mo ya ngə̀ŋ ze ne swiʼi ikaŋ àbɔ̀ŋɔ ne nàʼà ìtḛ̀. Mbə̰ mə̀ jəg ngə̀ŋ izo̰, mbə biri chughi izɔm ane ighə̀m imɔʼ. Ngə̀ŋ ze ne mə̀ biri nàʼ abə wə̀d ijìm igun isəg gha wì jəg bèrì ìtḛ̀, à ya ìmə nyàmnyɔd.”

Jn 6:57

Icheg ne ìmə Mbaʼ we ne yaʼi izɔm ya cha amə, mə we izɔm imbə̀ʼ aməd. À ya bə̀ icheg ne wə̀d ne kuri ìmə nyàmnyɔd biri bə yaʼ ika imbə̀ʼ amə.

Jn 6:68

Sayimùn Pità ya biri ibo gha, “Anɔŋisəg, tì kə ywiri ghò abə we? À ya məyi àghò beri ìngam we ne nàʼà ìtḛ̀ ighə̀m imɔʼ.

Jn 8:32

Mbə̰ biri kyeri tesiʼ, ane, tesiʼ we biri pumni awən.”

Jn 8:51

Mə gha tesiʼ inən gha, wə̀d mə ya zùgrə ìmə ìngam, chəyi tengàŋ biri nɔʼ ku.”

Ɨ̀fàʼì 3:15

Mbə̰ ya zweti wə̀d ne nàʼà ìtḛ̀. Si ya gha, Ŋwiye ya zwemni aməd ane iwu. Mba mbo̰ ya bàd anug ne ya che.

Ɨ̀fàʼì 4:12

Chəyi wə̀d mɔ̀ʼɔ ndəŋ ne tì wì pùmni bəd imbə̀ʼ icheg ne chəyi ikum ndəŋ ywìrè igun isəg ne Ŋwiye nàʼi abə bəd ne tì tì karì wì pùmni awa.”

Ɨ̀fàʼì 9:2

Àŋwàʼrì ze ya ni tòʼrì wə̀d ne Sɔl yaʼi abə bəd inga məchamì Ŋwiye mbe a Dàmaskòs. Ze biri ghì mbɔb kyeri gha Sɔl mə̀ bàd bəd mɔ̀ʼɔ angu ne bène abɔ̀ʼ Inɔnjì we ne Yeso yaya chwìte, kə̀ àkə mə̀yi kə̀ àkə mbaŋà, məd we tì wì gwitì awɔb kɔd niŋ ghò a Jèrusalèm ane bəd ndəŋ.

Rm 15:16

Ane ya ni ghì gha, mə̀ yaʼ wə̀d àfàʼì chɔ̀m abə Yeso Kristo, ne məd tɔmi amə abə bəd mbe ne kayi mə̀Ju. Mə ya chètè ikən chɔm gho̰ icheg wə̀d mbàn Ŋwiye ni ghì gha bəd mbe ne kayi mə̀Ju si yaʼ kwàʼ aghi àfàtì chɔm abə Ŋwiye, bə̀ yaʼ bəd ne Azwighi Ŋwiye ghi awɔb mbi təm zen imbìghè abə Ŋwiye.

Rm 5:2

À ya anjìm Yeso Kristo ne tì nyi inga ìchɔ̀mì gho̰ ne tì yaʼi inga tèchɔ̀ŋ. Ane, tì we kɔ̀mɔ̀ igo nɔ̀ŋɔ̀ ikɔndi ghɔ̀mɔ̀ ni chughi tì Ŋwiye inga kə̀tə̀d məd.

Rm 5:21

Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

1 Kɔrèn 15:45

À ya bə̀ ane ne ze yaʼi inga Àŋwàʼrì Ŋwiye gha, “Ìtḛ̀ ya yaʼ inga Adàm we ne ya yaʼi wə̀d mbègtog.” Adàm we ne si nwḭ̀yḛ̀ ya Azwighi ze ne nàʼà ìtḛ̀.

Efesùs 2:18

À ya anjìm Kristo ne Azwighi Ŋwiye ghi awa mba məjìm, mə̀Ju fɔrɔ bəd ne kayi mə̀Ju, tì bèrì apan imbìghè abə Ŋwiye ne yaʼi ìwa Mbaʼ.

Kòlosè 2:17

Inug mbo̰ ijìm ne mbə̰ mbe kiri ghiyə ya àzìŋə ne chwìye inug ne biri yeʼe. Tì we tì tì bad tesiʼ we ne yaʼi inga ighi mbo̰ ijìm məyi anyumə̀ ne tì yaʼi ane ifɔti tì Kristo.

Kòlosè 2:9

Aton ya gha, ka Kristo ya yeʼe igun isəg icheg wə̀d, məd ya kwàʼ Ŋwiye ane inug ijìm.

Kòlosè 3:4

Ìwən ìtḛ̀ tesiʼ ya ìtḛ̀ ìwi Kristo. Ane, anyumə̀ ne məd biri yeʼe inga ighumni kyen məd, mbə̰ inən biri bə yaʼ inga ighumni kyen we.

Mə̀Hibrù 7:25

Ane, Yeso we tì wì pùmni bəd mbe ne yeʼe abə Ŋwiye anjìm məd mà nyumə̀ ijìm imbə̀ʼ icheg ne məd we dèghè abə Ŋwiye atog inɔb.

Mə̀Hibrù 9:8

Azwighi Ŋwiye ze chwìye ane inug mbo̰ gha chəyi mbi ya kiri fiʼi inɔnjì ni nyi inga asiŋi ne zḛ mànì imbə̀ʼ icheg ne mbi yaya kiri ghùmnə Ŋwiye inga Azuŋ Ŋwiye mbègtog.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Pità 2:4

Mbə̀ yèʼe abɔ̀ʼ məd, məd we ne yaʼi iteg we ne yaʼi izɔm. Bəd ya to̰ awɔb məd, si ya gha, Ŋwiye ya chɔʼ aməd. À ya iteg ne taŋ bɔ̀ŋ imbìghè abə Ŋwiye.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

1 Jɔn 1:8

Tì mə̀ gha chəyi tì beri anug tibɔ̀ŋ inga ina, nji tì ya tàmba ìwa nyɔd. Chəyi tesiʼ yaʼi inga inug mbe ne te ghà.

1 Jɔn 2:23

Wə̀d we ne to̰ yi Ŋwan, fə bə̀ ton yi Mbaʼ. Wə̀d we ne bḛ Ŋwan, fə bə̀ bḛ Mbaʼ.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

1 Jɔn 5:6

Anyumə̀ ne Yeso Kristo ya yeʼe, wì ya chwi gha zìye ya Ŋwan Ŋwiye icheg ne wì ya niŋi mənib fɔrɔ icheg ne wì ya chəmni anəm igun azed abaʼri. Chəyi wì ya niŋi məyi mənib. Wì ya niŋ mənib bə̀ chə̀mni anəm. Azwighi Ŋwiye zìye ze bḛ gha anug azo̰ ya tesiʼ imbə̀ʼ icheg ne Azwighi Ŋwiye ya ghà tesiʼ.

2 Jɔn 1:9

Wə̀d ne chəyi wì chè imbìghè ni ghì inug mbe ne Kristo chwìti, chəyi tengàŋ yaʼi ane anug amɔʼ tì Ŋwiye. Wə̀d ne chè imbìghè ni ghì inug mbe ne Kristo chwìti, ya wə̀d ne yaʼi ane anug amɔʼ tì Ŋwiye fɔrɔ Ŋwan Ŋwiye.

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

Ɨnû 19:11

Mə ya bàd icheg ne ikaŋ àbɔ̀ŋɔ fiʼe, bə̀ bàd nyam mə̀kara fu fu mɔ̀ʼɔ angu. Mbi ya kàrà mbaŋà ze ne kɔ̀ʼɔ nyam mə̀kara ze ane Wə̀d inug tesiʼ bə̀ kàrà ane Wə̀d ne ghà anug bə̀ fàʼà. À ya wə̀d ne sàʼa bəd bə̀ màʼà ibid ane icheg ne koʼi.

Ɨnû 20:15

Wə̀d ne chəyi mbi ya bàri ikum məd inga àŋwàʼrì abɔ̀ʼ bəd mbe ne biri jəg ìtḛ̀, mbi ya màʼ aməd inga atəŋ iywid kyen ze.

Ɨnû 22:1

Angirə̀ we ya chwi igyi kyen we ne mənib məd mbe nàʼà ìtḛ̀. Igyi we ya zḛ njànda kwàʼ icheg kristà. Wi yaya dùwə̀ aton atən ifɔn àzi Ŋwiye tì Ŋwan njə̀g.

Ɨnû 22:17

Azwighi Ŋwiye tì Àyi igən gha, “Yeʼe!” Wə̀d ijìm ne zughi anug azo̰ mənyìʼ bə̀ gha “Yeʼe!” Wə̀d ne adɔʼ mənib ze ko aməd, wì yeʼe no ane mənib mbe ne nàʼà ìtḛ̀. Wì yeʼe no kwàʼ ako ne chəyi wì nàʼi ikab

Ɨnû 3:14

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼrè ifeti bəd Kristo we a Làwùdisìyà gha, ‹Ìngam gho̰ nɔ̀ʼ abə wə̀d we ne ikum məd ya À ya ane. Məd ya ghàmà tesiʼ. Məd ya bə̀ ghìyə̀ inug mbe ne wì gha. Ŋwiye ya chè anjìm məd tàngi ighi ijìm.

Ɨnû 3:7

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Fìlàdefìyà gha, ‹Ìngam gho̰ nɔ̀ʼ abə wə̀d ìzḛzḛ we ne yaʼi tesiʼ. Məd bèrì afiʼì ze ne yaʼi àzi ifɔn Dèvid. Wì mə fìʼì nəb, chəyi wə̀d ne tì wì wùbì. Wì mə wùbì nəb, chəyi wə̀d ne tì wì fiʼì.