Jn 14:26 - Ikan feg

²⁶ Si ya gha, ìmə Mbaʼ biri chà Àwètìbə̀d ane ìmə ikum. À ya wə̀d ne nàʼà tikə abə bəd. Məd ya Azwighi Ŋwiye. Wì biri chwi inug ijìm inən, bə̀ ghì mbə̰ ya wènde inug ijìm mbe ne mə gha inən.

Meta’

²⁶ Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

Jn 14:26 ပူးပေါင်းရင်းမြစ်များ

Matìyò 1:18

Aŋa ya icheg ne mbi ya gwi Yeso Kristo angu: Jòseb ya fə nyi igun Mèri we ne yaʼi ngɔb Yeso ni nam. Si ya gha, bɔŋ mbɔb ya se nàma, Azwighi Ŋwiye ya fə ghì Mèri si tìbùmə̀.

Matìyò 1:20

Anyumə̀ ne wì yaya kiri kɔndɔ, angirə̀ Anɔŋisəg ya yèʼe ibo anjə̀m, pè ghà ibo gha, “Jòseb, ŋwan inga inəbi ifɔn Dèvid, imbə̀ʼ àghò bɔ awe ni niŋ Mèri ane ìwe iweg. À ya Azwighi Ŋwiye ghi wì bɔŋ ibum.

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Matìyò 3:11

Mə ya nàʼà mənib inən ni chwi gha mbə̰ fə bə̀ŋì ìtən fìŋ sìkì inug tibɔ̀ŋ. Si ya gha, wə̀d we ne yèʼe inum anjìm wì bèrì ati chè amə. Chəyi mə̀ koʼi ni bèʼì itami məd. Məd biri chà Azwighi Ŋwiye igun inən bə̀ chà iywid igun inən.

Mk 12:36

Azwighi Ŋwiye ya ghì Dèvid ghà zìye gha, Anɔŋisəg ya ghà abə ìmə Anɔŋisəg gha, Chughi inum aba abo jəghi, pè ane nyùmə̀ ne mə̀ biri nɔ̀ŋì ìmbe bəd ìpàb ine aton ighog.”

Mk 13:11

Anyumə̀ ne mbi gwi awən ghò imbìghè itog bəd ne sàʼa aben, imbə̀ʼ mbə̰ nwìʼè awən nyɔd imbə̀ʼ anug ne mbə̀ biri ghà. Mbə̀ gha məyi anug ze ne Ŋwiye gha inən ane nyùmə̀ we imbə̀ʼ icheg ne à ya Azwighi Ŋwiye ghàmà, kayi mbə̰.

Lk 1:15

Wì biri yaʼ ijiʼi wə̀d imbìghè abə Anɔŋisəg. Imbə̀ʼ wì no yi mənoʼ ka ka ka. Azwighi Ŋwiye biri sweg inga məd ni ko ane nyùmə̀ ne mbi biri gwi aməd.

Lk 1:35

Angirə̀ ya ywìtì ibo gha, “Azwighi Ŋwiye biri yeʼe igun ine. Ika Ŋwiyekɔʼ biri bə kəndi awe. Ane, bəd biri se kàrà ŋwan ìzḛzḛ gho̰ ne àghò biri gwi, ane Ŋwan Ŋwiye.

Lk 1:41

Kwàʼ anyumə̀ ne Àlisabèd ya zughi ichaʼri ìwi Mèri, ŋwan ya nəki ibo inga fibum. Azwighi Ŋwiye ya bə̀ sweg inga Àlisabèd.

Lk 1:67

Azwighi Ŋwiye ya sweg inga Zàkàriyà, mbaʼ ìwi Jɔn, wì ghà ikən Ŋwiye gha,

Lk 11:13

Mbə̰ bəd inug tibɔ̀ŋ kə mə̀ kyèri icheg ni nàʼ ighi chɔm chɔm abə ìmbən bɔn, mbə̀ si kɔ̀ndi icheg ne Mbaʼ we ikaŋ àbɔ̀ŋɔ biri nàʼ Azwighi Ŋwiye abə bəd mbe ne bìre ibo.”

Lk 2:25

Anyumə̀ we, wə̀d mɔ̀ʼɔ ya yaʼ a Jèrusalèm ne ikum məd ya Simìyòn. Wì ya yaʼ wə̀d ne ghìyə̀ inug ne koʼi bə̀ bèrì ibɔ Ŋwiye. Wì yaya bə̀ ghɔ̀mɔ̀ nyùmə̀ ne Ŋwiye biri ghì gha bəd Izre pum. Azwighi Ŋwiye ya yaʼ igun məd.

Lk 24:49

Mə biri nàʼ Azwighi Ŋwiye ze ne ìmə Mbaʼ ya kàʼi gha zìye biri nàʼ inən. Si ya gha, mbə̀ chughi a Jèrusalèm aŋa ghɔ̀m, pè ane nyùmə̀ ne Azwighi Ŋwiye yeʼe ikaŋ àbɔ̀ŋɔ igun inən si nàʼ ika inən.”

Lk 3:22

Azwighi Ŋwiye swiʼi ikaŋ icheg bupə pè nàŋa igun məd. Gì mɔ̀ʼɔ ya ghàm ikaŋ àbɔ̀ŋɔ gha, “Àghò ya ìmə Ŋwan Mbaŋà ne mə̀ taŋ kɔ̀ŋ. Mə gyèndi ako imbə̀ʼ awe.”

Jn 1:33

Chəyi mo inum ya bi kyèri gha məd ya Wə̀d we ne Ŋwiye ya kàʼi ni chà. Si ya gha, anyumə̀ ne Ŋwiye ya tɔmi amə gha mə̀ yeʼe se nàʼà mənib abə bəd, wì ya ghà inum gha, ‹Wə̀d we ne àghò biri bàd Azwighi ze swiʼi ikaŋ àbɔ̀ŋɔ nàŋa igun məd, kyeri gha à ya wə̀d we ne biri nàʼ Azwighi Ŋwiye abə bəd›.

Jn 12:16

Chəyi atog abə mə̀mə̀nənùg məd ya zḛ imbə̀ʼ anug azo̰ ane nyumə̀ we. Si ya gha, anyumə̀ ne Ŋwiye ya zwemne Yeso iwu, ghì bəd se ghùmnə aməd, mbi ya kə wèndi gha, Àŋwàʼrì Ŋwiye ya ghà inug mbe imbə̀ʼ Yeso, ane inug mbe bə̀ dù kwàʼ icheg ne mbi ya ŋwàʼri.

Jn 14:16

Mə biri ghì gha, ìmə mbaʼ naʼa Àwètìbə̀d ndəŋ ne biri chughi tì inən ane ighə̀m imɔʼ.

Jn 14:25

Mə fə ghà inug mbo̰ ijìm inən ne mə̀ kiri yaʼi tì inən.

Jn 15:26

Wì ya chè imbìghè ni gha, “Àwètìbə̀d biri yeʼe . Mə biri ghì ìmə Mbaʼ chà aməd inən. Məd ya Azwighi ne nɔ̀ʼɔ̀ abə ìmə Mbaʼ. Wì ya gha tesiʼ. Anyumə̀ ne wì yèʼe, wì biri tòʼrì inug imbə̀ʼ amə abə bəd.

Jn 16:7

Mə gha tesiʼ inən gha, mə̀ ya ghò anìŋ imbə̀ʼ mbə̀ jəghə ìchɔ̀mì. Àmə chəyi mə̀ gho, chəyi Àwètìbə̀d biri yeʼe. Ane, mo mə̀ ghò, mə biri chà aməd wì yèʼe.

Jn 2:22

Ane, anyumə̀ we ne Yeso ya si zwème ane iwu, mə̀mə̀nənùg məd ya ki si wèndi anug ne yaʼi inga Àŋwàʼrì Ŋwiye, bə̀ si wèndi anug ne Yeso ya ghum ghà inɔb.

Jn 20:22

Wì ya ghàm ane si zwèg igun inɔb, ghà inɔb gha, “Azwighi Ŋwiye yeʼe igun inən.

Jn 6:45

Bədkə̀n Ŋwiye ŋwàʼrì inga Àŋwàʼrì Ŋwiye gha, ‹Ŋwiye biri chwiti inug abə wə̀d ijìm.› Wə̀d ne zughi anug ne Ŋwiye we ghà bə̀ zùgri inug mbe, tengàŋ biri yeʼe inum.

Jn 7:39

Mənib mbe ne nàʼà ìtḛ̀ ya Yeso yaya gha Azwighi Ŋwiye ne biri si yèʼe igun bəd mbe ne nɔŋi ìwɔb ibḛfiŋ igun məd. Anyumə̀ we ne məd yaya ghàmà ane, chəyi Azwighi Ŋwiye ya kiri yèʼe inga bəd imbə̀ʼ icheg ne chəyi Ŋwiye ya kiri nɔ̀ Yeso ikaŋ bə̀ ghì wì beri ighumni.

Ɨ̀fàʼì 1:2

Mə ya mə̀tì inug mbe anene ghò pè ane aneg ze ne Ŋwiye ya niŋi aməd ikaŋ àbɔ̀ŋɔ. Bɔŋ Yeso ya se ghò ikaŋ, wì ya fə bì chè anjìm Azwighi Ŋwiye nàʼ tikə abə bədtɔm mbe ne wì ya chɔʼi.

Ɨ̀fàʼì 1:4

Aneg mɔ̀ʼɔ, icheg ne wì ya yaʼi tì inɔb, wì ya pati awɔb gha, “Imbə̀ʼ mbə̰ nɔʼɔ awən a Jèrusalèm. Mbə̀ chughi aŋa ghɔ̀m ineʼi we ne mə̀ ya gha inən gha ìmə Mbaʼ ya kàʼ ni chà inən.

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

Ɨ̀fàʼì 11:16

Mə ya si wèndi anug ne Anɔŋisəg ya gha gha, ‹Jɔn yaya nàʼà mənib inən, si ya gha, Ŋwiye biri nàʼ àzi Azwighi inən.›

Ɨ̀fàʼì 13:2

Anyumə̀ ne mbi yaya ghùmnə Anɔŋisəg bə̀ chùghə njèg bə̀ chàʼrà Ŋwiye, Azwighi Ŋwiye ya ghà inɔb gha, “Mbə̀ chiye Bànabàs tì Sɔl icha, nɔ̀ŋì awɔb ane àfàʼì ze ne mə̀ kari awɔb gha mbe faʼa.”

Ɨ̀fàʼì 13:4

Azwighi Ŋwiye ya tɔmɔ Bànabàs tì Sɔl. Ane, mbi ya swiʼi ghò a Sèlusìyà. Mbi ya nɔ̀ʼ angu nyi abaŋ igyi ghò a Sayiprùs.

Ɨ̀fàʼì 15:28

Azwighi Ŋwiye fə ghì tì taŋ kyèri gha, ze bɔ̀ŋ gha imbə̀ʼ tì ziye awa inug ndəŋ igun inən chèyi ane mbo̰ ne mbə̀ beri ni fàʼ.

Ɨ̀fàʼì 15:8

Ane, Ŋwiye ne kyeri fìŋ abə bəd məjìm fə chwi gha zìye fə bə̀ chɔʼ awɔb icheg ne we bə̀ nàʼà àzi Azwighi inɔb kwàʼ icheg ne wì ya bə nàʼ ina.

Ɨ̀fàʼì 16:6

Pɔl tì Sayilàs fɔrɔ Timotì ya chè inga Fìrigìyà fɔrɔ inga aba aben ze Gàlesìyà imbə̀ʼ icheg ne chəyi Azwighi Ŋwiye ya bḛ gha mbe ghama Ìngam Ŋwiye inga Esìyà.

Ɨ̀fàʼì 2:33

Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Ɨ̀fàʼì 2:4

Azwighi Ŋwiye ya sweg inga inɔb mbɔb məjìm. Ane, mbi ya si ko se ghàmà tìngam iben ndəŋ icheg ne Azwighi Ŋwiye yaya nàʼà ika inɔb.

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Ɨ̀fàʼì 20:35

Ikuchèg gho̰ ne mə̀ yaya fàʼà inug ijìm angu, ya mə̀ yaya chwìte inən gha ze bɔ̀ŋ ni taŋ fàʼ imbə̀ʼ wètì bəd ne chəyi àzɔb. Mə yaya fàʼà ane nè kɔ̀ndɔ ìngam we ne Anɔŋisəg Yeso ya ghàmi məd məd gha, ‹Ŋwiye ya zìyè àbɔrɔ̀bɔd ze igun wə̀d ne nàʼà chè wə̀d ne nìŋə.›”

Ɨ̀fàʼì 28:25

Icheg ne chəyi mbɔb məjìm ya yaʼi ane ichug imɔʼ, mbi ya dù inga nəb Pɔl. Mbi ya dù anyumə̀ ne wì ya gha anug azo̰ amɔʼ inɔb gha, “Azwighi Ŋwiye ya kòʼ icheg ne ze ya che anjìm wə̀dkə̀n Ŋwiye Àzayà ghà abə ìmbən mə̀mbaʼ mbe aneg gha,

Ɨ̀fàʼì 5:3

Icheg ne wì ya nàʼi ane, Pità ya biri ibo gha, “Ànàniyàs, aton àghò sàŋi gha Sàtàn nyi ine inga fìŋ tàmbi awe anìŋ àkə gha? Àghò mə̀tì anug ako abə Azwighi Ŋwiye icheg ne àghò fḛ asiŋi ìseg sɔ̀bri ikab nɔ̀ŋì anjìm.

Ɨ̀fàʼì 7:51

Mbə̰ ya bəd ne kà atog! Ìtən fìŋ fɔrɔ ìmbən ìtɔ̀ŋi ya icheg ìmbi bəd mbe ne kayi mə̀Ju: Mbə̰ ya ghìyə̀ inug kwàʼ icheg ìmbən mə̀mbaʼ aneg. Chəyi mbə̰ mbe zùgrə Azwighi Ŋwiye mà nyumə̀ ijìm!

Ɨ̀fàʼì 7:55

Si ya gha, Stifə̀n ne Azwighi Ŋwiye ya sweghi inga məd ya nɔ̀rì atog nèn ikaŋ, bàd ìzḛzḛ njandi njandi Ŋwiye bə̀ bàra Yeso ne wì yaʼi itəmi aba abo jəghi Ŋwiye.

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 15:16

Ane ya ni ghì gha, mə̀ yaʼ wə̀d àfàʼì chɔ̀m abə Yeso Kristo, ne məd tɔmi amə abə bəd mbe ne kayi mə̀Ju. Mə ya chètè ikən chɔm gho̰ icheg wə̀d mbàn Ŋwiye ni ghì gha bəd mbe ne kayi mə̀Ju si yaʼ kwàʼ aghi àfàtì chɔm abə Ŋwiye, bə̀ yaʼ bəd ne Azwighi Ŋwiye ghi awɔb mbi təm zen imbìghè abə Ŋwiye.

Rm 5:5

Ikɔndi chɔm we ne tì nɔŋi ni ghɔ̀m, chəyi wi biri ghì gha tì bere tìnìrètog imbə̀ʼ icheg ne Ŋwiye fə zì àzi àkɔ̀ŋì inga ìta fìŋ anjìm Azwighi məd ze ne wì nàʼi ina.

1 Kɔrèn 12:3

Amad anìŋ, mə kə̀b gha mbə̀ kyeri gha chəyi tì wə̀d ne Azwighi Ŋwiye yaʼi inga məd gha, “Ndɔ̀n yaʼ igun Yeso.” Mə bə̀ kə̀b gha mbə̀ kyeri gha chəyi tì wə̀d gha, “Yeso ya Anɔŋisəg,” ne kayi Azwighi Ŋwiye ghi.

1 Kɔrèn 6:19

Chəyi mbə̀ kyeri gha ìtən nyàmnyɔd ya asiŋi ne Azwighi Ŋwiye ze ne Ŋwiye ya nàʼi inən ze chùghə inga? À ya Ŋwiye beri ìtən nyàmnyɔd, kayi mbə̰.

2 Kɔrèn 13:14

Anɔŋisəg Yeso Kristo ghiyə ìchɔ̀mì inən, Ŋwiye bə kɔ̀ŋ awən, Azwighi Ŋwiye bə yaʼ ane ifɔti tì inən mbə̰ məjìm.

2 Kɔrèn 6:6

Tì we chwìye gha tè zen. Tì we chwìye gha tè kyèri inug. Tì we nyìmbe fìŋ bə̀ ghìyə̀ inug ne chwìye gha tè kɔ̀ŋ bəd. Tì ya ghìyə̀ inug mbo̰ ijìm anjìm Azwighi Ŋwiye ne yaʼi inga ina fɔrɔ anjìm icheg ne tì kɔŋi bəd ane fìŋ ifibì.

Efesùs 1:13

Mbə̰ ya bə̀ si yaʼ bəd Kristo anyumə̀ we ne mbə̀ ya zughi ikən tesiʼ, bḛ. À ya ikən chɔm we ghi mbə̰ pum. Mbə̰ ya bḛ Kristo, Ŋwiye bə̀ nàʼ àzi Azwighi inən icheg ne wì ya kàʼi ane aneni ne chwìye gha mbə̰ ya si bəd məd.

Efesùs 1:17

Mə ya chè imbìghè ni ya chàʼrà Ŋwiye gha, Ŋwiye ìwi ìwa Anɔŋisəg Yeso Kristo ne yaʼi Mbaʼ ne bèrì ighumni ijìm, wì naʼa Àzi Azwighi inən imbə̀ʼ Ze ghiyə awən mbə̀ bere iwe. Mə we bə̀ chàʼrà Ŋwiye gha wì chwi tesiʼ imbə̀ʼ Ŋwiye inən imbə̀ʼ mbə̀ kyere aməd icheg chɔm.

Efesùs 4:30

Imbə̀ʼ mbə̰ ghiyə awən gha Azwighi Ŋwiye ya sɔ̀mnɔ̀ imbə̀ʼ icheg ne Azwighi ze ya aneni ne chwìye gha à ya Ŋwiye beri awən. À ya Azwighi Ŋwiye ze bə̀ chwìye gha aneg ze yèʼe ne Ŋwiye biri zeri ìmbi bəd.

1 Tèsàlonikà 4:8

Wə̀d ne to̰ yi tikə ìto̰, kayi wə̀d mɔ̀ʼɔ ne we to̰. Wì ya to̰ yaʼ Ŋwiye ne nàʼà àzi Azwighi inən.

2 Timotì 1:14

Àghò taŋ nyìmi ineʼi chɔm we ne Ŋwiye ya nàʼi ine. Azwighi Ŋwiye ze ne chùghə inga ina biri wètì awe gha àghò nyimi ineʼi we.

Tayitùs 3:5

chì awa inga ngəʼ. Wì ya chì awa inga ngəʼ imbə̀ʼ icheg ne wì beri àsɔ̀mnəfiŋ igun ina, kayi imbə̀ʼ inug chɔm ne tì ya ghi. Wì ya pumni awa icheg ne Azwighi Ŋwiye ya sò awa tì zen bə̀ bə̀ŋì awa tì si yaʼ icheg bɔn bɔd. Azwighi Ŋwiye ya bə̀ nàʼ ìtḛ̀ feg ina.

Mə̀Hibrù 10:15

Azwighi Ŋwiye bḛ inug mbo̰ ijìm ina. Ze ya bì gha,

Mə̀Hibrù 2:4

Ŋwiye zìye ini ya chwi ineni nɔʼ nɔʼ bə̀ fàʼ iyeti inug kyen kyen ni chwi gha inug ijìm mbe ne mbɔb yaya ghà ya tesiʼ. Ane, Azwighi Ŋwiye yaya bə̀ ghàpà tineʼi abə bəd icheg ne Ŋwiye kɔ̀ŋi.

Mə̀Hibrù 3:7

Azwighi Ŋwiye gha, “Tèchɔ̀ŋ, àghò mə zug Ìngam Ŋwiye,

Mə̀Hibrù 9:8

Azwighi Ŋwiye ze chwìye ane inug mbo̰ gha chəyi mbi ya kiri fiʼi inɔnjì ni nyi inga asiŋi ne zḛ mànì imbə̀ʼ icheg ne mbi yaya kiri ghùmnə Ŋwiye inga Azuŋ Ŋwiye mbègtog.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.

2 Pità 1:21

Chəyi wə̀d mɔ̀ʼɔ ne tì wì toʼrì imbə̀ʼ icheg ne chəyi ikən Ŋwiye mɔ̀ʼɔ ya yeʼe imbə̀ʼ icheg ne wə̀d-aku ya kə̀bi. À ya Azwighi Ŋwiye ya ghì gha bəd gha ikən Ŋwiye.

1 Jɔn 2:20

Àsi awən, Wə̀d Ìzḛzḛ fə zɔʼ awən icheg ne wì nàʼi Azwighi Ŋwiye inən, mbə̰ məjìm bə̀ kyèri tesiʼ.

1 Jɔn 2:27

Àsi awən, Azwighi Ŋwiye ze ne Ŋwiye ya nàʼi inən kiri biri inga inən. Chəyi mbə̀ ywirì kòʼ ni gha wə̀d mɔ̀ʼɔ chwiti inug inən. Ane, Azwighi məd ze chwìte inug ijìm inən. Inug mbe ne Azwighi Ŋwiye ze chwìte ya tesiʼ. Ane, mbə̀ chughi ane ifɔti tì Kristo.

1 Jɔn 5:7

Ane, inug itad mbe angu ne chwìye gha anug azo̰ ya tesiʼ.

Jûd 1:20

Àsi awən, ìmbum mə̀sə̀ʼ ne mə̀ taŋ kɔ̀ŋ, mbə̀ che imbìghè ni ghì inug ne biri ghì mbə̰ kweg inga ìwən ibḛfiŋ we ne zḛ mànì. Mbə̰ ya chàʼrà Ŋwiye icheg ne Azwighi ze nàʼà ika inən.

Ɨnû 2:11

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo. Wə̀d ne che àkwàʼrì, chəyi iwu we ne pè ane ibe biri bètì aməd.›”