Jn 14:24 - Ikan feg

²⁴ Wə̀d ne chəyi wì kɔ̀ŋ amə, chəyi tengàŋ biri zugri ìtum tikə. Inug mbo̰ ne mə ghà inən kayi mə ghàmà ane ìmə ighəm. À ya ìmə Mbaʼ we ne cha amə, gha mə gha.

Meta’

²⁴ Ka wə̀d we nɨ chəi wɨ̀ ghaʼ əmɨ bɨrɨ zu i mɨ ɨŋgam bə̀ nùŋ. Ɨnû mbe nɨ mbə fə zu kaʼi mbum, mbɨ yɨ rɨ əmbɨ Mbǎʼ we nɨ nyaʼa tom əmɨ.

Jn 14:24 ပူးပေါင်းရင်းမြစ်များ

Matìyò 19:21

Yeso ya ywìtì ibo gha, “Àghò mə kə̀b ni bɔ̀ŋ mànì, ndò gho fèn ìmbe ighi ijìm, nàʼ ikab abə bəd ne chəyi àzɔb, àghò biri si taŋ bèrì ighi ikaŋ àbɔ̀ŋɔ. Àghò mə mànì ni ghì ane, si yèʼe bèni abɔ̀ʼ inum.”

Jn 14:10

Àkə chəyi àghò bḛ gha, mə yaʼ ane anug amɔʼ tì ìmə Mbaʼ, ìmə Mbaʼ bə̀ yaʼ ane anug amɔʼ tì inum? Ìngam we ne mə gha inən, à ya ìmə Mbaʼ we ne mə̀ yaʼi ane anug amɔʼ tì məd, nàʼi inum gha mə gha. Chəyi mə̀ ghàmà ane ìmə ighəm. À ya ìmə Mbaʼ we ne mə̀ yaʼi ane anug amɔʼ tì məd we fàʼà inug mbe ne wì kə̀bi.

Jn 14:15

Yeso ya chè imbìghè ni gha, “Mbə̰ mə̀ kɔ̀ŋ amə, mbə̰ biri zugri ìtum tikə.

Jn 14:25

Mə fə ghà inug mbo̰ ijìm inən ne mə̀ kiri yaʼi tì inən.

Jn 3:11

Mə ghà tesiʼ ine gha, tì ya ghà inug ne tì kyeri bə̀ ghà inug ne tì bari, si ya gha, chəyi mbə̰ bəd ne chwìte inug mbe kə̀bə̀ ni bḛ inug ne te ghà.

Jn 3:34

Wə̀d gho̰ ne Ŋwiye cha ya ghàmà Ìngam Ŋwiye imbə̀ʼ icheg ne Ŋwiye we nàʼà àzi Azwighi ibo ne chəyi tì mbi mə̀grì.

Jn 5:19

Yeso ya ywìtì inɔb gha, “Mə gha tesiʼ inən gha, chəyi tì Ŋwan Ŋwiye fàʼ aghi mɔ̀ʼɔ ane ìwi ighəm, wì ya fàʼà məyi aghi ne Mbaʼ məd we fàʼà. Aghi ne Mbaʼ we fàʼà, à ya àzewən ne Ŋwan məd we bə̀ fàʼà.

Jn 5:38

Chəyi mbə̰ mbe bə̀ nɔ̀ŋɔ̀ anug məd inən inga fìŋ imbə̀ʼ icheg ne chəyi mbə̀ nɔŋi ibḛfiŋ igun wə̀d we ne məd cha.

Jn 7:16

Yeso ya ywìtì gha, “Inug mbe ne mə chwìte kayi ìmbum. Mbi nɔ̀ʼ yaʼ abə Ŋwiye ne cha amə.

Jn 7:28

Yeso yaya kiri chwite inug inga mbàn Ŋwiye. Ane, wì ya si ghàm ane gì ka ka gha, “E! Mbə̰ mbe tì mbə̰ kyeri amə bə̀ kyèri asiŋi ne mə̀ nɔʼi angu. Si ya gha, chəyi mə̀ yeʼe igun isəg ane ìmə ighəm. Wə̀d we ne cha amə, ya wə̀d ne ghà tesiʼ. Chəyi mbə̀ kyeri aməd.

Jn 8:26

Mə bèrì inug nɔʼ nɔʼ ni ghà imbə̀ʼ awən. Mə bə̀ bèrì inug nɔʼ nɔʼ ni zì isaʼi igun inən. Wə̀d we ne ya cha amə we gha tesiʼ. Ane, inug mbe ne mə zughi ibo, à ya mbiwən ne mə ghà abə bəd igun isəg.”

Jn 8:28

Yeso ya si ghà inɔb gha, “Anyumə̀ ne mbə biri nɔ̀ Ŋwan Wə̀d ikaŋ azed abaʼri, mbə biri si kyèri gha mo ya wə̀d we ne mə̀ ya gha inən gha mo ya ìwiwən. Mbə biri bə si kyèri gha, chəyi mə fàʼà anug mɔ̀ʼɔ ane ìmə ighəm. Mə ya ghà məyi inug mbe ne ìmə Mbaʼ we ghà inum gha mə̀ gha.

Jn 8:38

Inug mbe ne mə gha inən ya tesiʼ. À ya inug ne ìmə Mbaʼ ya chwi inum anyumə̀ ne mə̀ ya yaʼi tì məd. Si ya gha mbə̰ ya ghìyə̀ yaʼ inug mbe ne mbə̀ ya zughi abə ìmbən mə̀mbaʼ.”

Jn 8:42

Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.