Jn 14:12 - Ikan feg

¹² Mə gha tesiʼ inən gha, “Wə̀d ne nɔŋi ibḛfiŋ igun inum, tengàŋ biri fàʼ inug mbe ne mə fàʼà. Tengàŋ biri fàʼ iyeti inug ne chè mbo̰ imbə̀ʼ icheg ne mə̀ ya anìŋ ghò abə ìmə Mbaʼ.

Meta’

¹² Mə ghà rəsìʼ ɨ nən ni wə̀d we nɨ ben ɨnû mbe nɨ mɨə ghàə̀ bɨrɨ bɨ ghɨ ɨnû mbe nɨ mɨə ghɨ̀ə̀. Məd bɨrɨ ghɨ ɨnû nɨ che mbɔ̂, ɨmbə̀ʼ ɨghəm nɨ mə wɨə wò əsɨ Mbǎʼ.

Jn 14:12 ပူးပေါင်းရင်းမြစ်များ

Matìyò 21:21

Yeso ya ywìtì inɔb gha, “Mə gha tesiʼ inən gha, mbə̰ mə̀ bèrì ibḛfiŋ ne chəyi mbə̰ mbe jə̀mə̀, nji chəyi mbə̀ biri ghì məyi anug azo̰ ne mə ghi ane azed fig azo̰. Mbə̰ mbe tì mbə̰ bə̀ ghà abə iwum gho̰ gha, ‹Nɔ̀ʼɔ ghò fen inga igyi tìbà!› wi bə̀ ghì ane.

Mk 11:13

Wì ya təm bàd ane agha se ne ibo azed yaya ikaŋ. Wì ya gha si zì tindi ghò iban ghò nèn gha, zi wa biri bàd fitam azed mɔ̀ʼɔ ikaŋ? Anyumə̀ ne wì ya pè aton azed ze, wì ya bàd məyi ibo azed imbə̀ʼ icheg ne nyùmə̀ we kayi nyùmə̀ ne mə̀fig yaya ko.

Mk 16:17

Bəd mbe ne bḛ biri ghì ineni inug mbo̰: Mbi biri kamni izwighi tibɔ̀ŋ chì inga bəd ane ìmə ikum; mbi biri ghàm tìngam iben ndəŋ;

Jn 14:28

Mbə zug icheg ne mə gha, ‹Mə biri zàmbi sàŋì awən, si ya gha, mə biri ywiri yeʼe bàd awən.› Mbə̰ mə̀ kɔ̀ŋ amə, nji mbə̰ biri ya gyènde gha mə ghò bàd ìmə Mbaʼ imbə̀ʼ icheg ne ìmə Mbaʼ chè amə.

Jn 16:7

Mə gha tesiʼ inən gha, mə̀ ya ghò anìŋ imbə̀ʼ mbə̀ jəghə ìchɔ̀mì. Àmə chəyi mə̀ gho, chəyi Àwètìbə̀d biri yeʼe. Ane, mo mə̀ ghò, mə biri chà aməd wì yèʼe.

Jn 4:37

Àzo̰ ya icheg ìngam we ne mbe tùmə gha, ‹Wə̀d ifibì nyɔ̀ʼ, wə̀d ndəŋ si fòʼ.›

Jn 5:20

Ane, ìmə Mbaʼ kɔ̀ŋ ìwi Ŋwan, chwi ighi ijìm ibo. Wì biri ywiri ghì Ŋwan məd fàʼ iyeti inug ne faŋi chè mbo̰. Ane, anug biri chè awən.

Jn 7:33

Yeso ya gha, “Chəyi mə̀ biri yaʼ tì inən ane nyùmə̀ ne sa. Mə biri bə̀ndì ghò amə abə wə̀d we ne cha amə.

Jn 7:39

Mənib mbe ne nàʼà ìtḛ̀ ya Yeso yaya gha Azwighi Ŋwiye ne biri si yèʼe igun bəd mbe ne nɔŋi ìwɔb ibḛfiŋ igun məd. Anyumə̀ we ne məd yaya ghàmà ane, chəyi Azwighi Ŋwiye ya kiri yèʼe inga bəd imbə̀ʼ icheg ne chəyi Ŋwiye ya kiri nɔ̀ Yeso ikaŋ bə̀ ghì wì beri ighumni.

Ɨ̀fàʼì 10:46

Anug ya chè awɔb imbə̀ʼ icheg ne mbi ya zug icheg ne bəd mbe yaya ghàmà tìngam iben ndəŋ bə̀ ghùmnə Ŋwiye. Pità ya si ghà gha,

Ɨ̀fàʼì 16:18

Wì yaya ghìyə̀ anìŋ ane ineg nɔʼ nɔʼ. Aneg mɔ̀ʼɔ, Pɔl ya gaŋ, ghàbri ghà abə Azwighi tibɔ̀ŋ ze gha, “Mə ghà ine ane ikum Yeso Kristo, che du inga ŋwan gho̰!” Azwighi tibɔ̀ŋ ze ya chè dù kwàʼ ati.

Ɨ̀fàʼì 19:12

Wì ya ghì gha, asiŋi ndwi ne Pɔl yaya fùghə nìme tì ndwigun ze ne wì yaya zìyè fàʼà te beri ika. Ane, bəd yaya nìŋə ndwi te ghò bètè bəd ne ghɔ̰ inga, ighɔn mèghè. Ndwi te yaya bə̀ ghìyə̀ izwighi tibɔ̀ŋ dùwə̀ inga bəd.

Ɨ̀fàʼì 2:33

Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Ɨ̀fàʼì 2:41

Bəd mbe ya zug ìngam we ne Pità ya ghàmi, bḛ. Ane, mbi ya niŋ mənib. Bəd ne ya yète abɔ̀ʼ bəd Kristo ya yaʼ ka bəd chuʼ titad.

Ɨ̀fàʼì 4:16

Mbi ya ghàm mbɔb mbɔb gha, “Ze kə anìŋ tì ghənə abə bəd mbo̰? Wə̀d ijìm inga Jèrusalèm aŋa fə kyeri gha bəd mbo̰ fàʼ ayeti anug ne che ibo. Chəyi inɔnjì ina ni ton.

Ɨ̀fàʼì 4:33

Bədtɔm Kristo ya chè imbìghè ni chètì abə bəd gha Anɔŋisəg Yeso fə zweme ane iwu. Mbi yaya ghàmà ne chəyi mbe bɔ. Ŋwiye ya ghì ìchɔ̀mì nɔʼ nɔʼ inɔb.

Ɨ̀fàʼì 4:4

Mbi ya jiʼì gwì awɔb ane, si ya gha, bəd nɔʼ nɔʼ abɔ̀ʼ bəd mbe ne ya zughi ìngam we ya nɔ̀ŋì ìwɔb ibḛfiŋ igun Yeso Kristo. Inun bəd mbe ne ya nɔŋi ìwɔb ibḛfiŋ igun Yeso Kristo ya yètè se ghò ka chuʼ ita̰.

Ɨ̀fàʼì 5:15

Inug yeti yeti mbe ne bədtɔm Kristo yaya ghìyə̀ ya ghì gha bəd se nìŋə ìmbɔb bəd ighɔn ghò nɔ̀ŋɔ̀ igun mənɔnjì fɔrɔ igun tìsa iban inɔnjì ni gha, anyumə̀ ne Pità we chè, àzìŋə məd ze tì ze chè igun mbi mɔ̀ʼɔ, ghù awɔb.

Ɨ̀fàʼì 6:7

Ane, Ìngam Ŋwiye ya chè imbìghè ni kweg. Inɔ̰ bəd ne yaya yètè abɔ̀ʼ mə̀mə̀nənùg inga Jèrusalèm yaya tḭ tḭ ghò gho imbìghè. Bəd mbàn Ŋwiye nɔʼ nɔʼ ya bə̀ bḛ Kristo.

Ɨ̀fàʼì 8:7

Izwighi tibɔ̀ŋ yaya kyḛ chè dùwə̀ inga bəd nɔʼ nɔʼ. Bəd ne ya buʼrə fɔrɔ bəd ne ighog ya swèʼe ya bɔti.

Ɨ̀fàʼì 9:34

Pità ya ghà ibo gha, “Enìyàs! Yeso Kristo fə ghù awe. Nɔ̀ʼɔ titighe, kad àze abaʼ.” Enìyàs ya nɔ̀ʼ kwàʼ ati.

Ɨ̀fàʼì 9:40

Pità ya chà awɔb mbɔb məjìm isəg, gɔ̀m itog inwḭ aseg, chàʼra Ŋwiye, si ghàbri nyɔd nèn awu wə̀d ze, ghà gha, “Tàbità, Nɔ̀ʼɔ titighe!” Tàbità ya fìʼì aghə. Anyumə̀ ne wì ya bàri Pità, wì ya nɔ̀ʼ chùghi.

Rm 15:19

Aghi ne ghi bəd mbe ne kayi mə̀Ju bə̀ŋì ìtɔb fìŋ bḛ Ŋwiye ya inug yeti yeti mbe ne mbɔb bari fɔrɔ icheg ne Azwighi Ŋwiye ghi gha mbɔb bḛ Ŋwiye. Àze ghì mə bèrì ika ni chètì ikən chɔm gho̰ imbə̀ʼ Kristo; ni ko a Jèrusalèm, ghò anene ghò pè aba aben ze a Ìlirikùm.