Jn 14:11 - Ikan feg

¹¹ Mbə̀ bḛ anug ne mə̀ gha inən gha, mə yaʼ ane anug amɔʼ tì ìmə Mbaʼ, məd bə̀ yaʼ ane anug amɔʼ tì inum. Mbə̰ mə̀ to̰ awən ni bḛ anug ne mə̀ gha, mbə̀ bḛ məyi imbə̀ʼ iyeti inug ne mbə̀ bàri ne mə fàʼà.”

Meta’

¹¹ Mbə̀ ben ni mə̀ wɨ ənɨ ənû ə mɔʼ mbɨ Mbǎʼ mbɨ ni Mbǎʼ wɨ ənɨ ənû ə mɔʼ mbɨ num. Mbə̀ mɨ ton ben ə, njɨ mbə ben yeʼ ɨmbə̀ʼ ɨchî nɨ mbə̀ zə ɨnû mbe ənɨ mɨə ghɨ̀ə̀.

Jn 14:11 ပူးပေါင်းရင်းမြစ်များ

Jn 10:25

Yeso ya ywìtì gha, “Mə ya fə gha inən, si ya gha, chəyi mbə̀ bḛ. Iyeti inug mbe ne mə fàʼà ane ikum ìmə Mbaʼ mbe ghìyə̀ bəd kyere wə̀d we ne mə̀ yaʼi ìwiwən.

Jn 10:32

Yeso ya ghà inɔb gha, “Mə fə fàʼ iyeti inug nɔʼ nɔʼ ne ìmə Mbaʼ nàʼi ika gha mə fàʼa inən. Àkə ayeti anug azeg inga inug nɔʼ nɔʼ mbo̰ ne mbə̰ mbe kə̀bə̀ ni tumbi mə imbə̀ʼ àzewən?”

Jn 10:38

Mo mə̀ ya fàʼà inug mbe. Ka chəyi mbə̀ jiʼì kə̀b ni bḛ amə, mbə̀ bḛ yaʼ inug mbe ne mə ghìyə̀. Àze biri ghì mbə kyeri gha ìmə Mbaʼ we ane anug amɔʼ tì inum. Mo inum we bə̀ ane anug amɔʼ tì məd.”

Jn 14:10

Àkə chəyi àghò bḛ gha, mə yaʼ ane anug amɔʼ tì ìmə Mbaʼ, ìmə Mbaʼ bə̀ yaʼ ane anug amɔʼ tì inum? Ìngam we ne mə gha inən, à ya ìmə Mbaʼ we ne mə̀ yaʼi ane anug amɔʼ tì məd, nàʼi inum gha mə gha. Chəyi mə̀ ghàmà ane ìmə ighəm. À ya ìmə Mbaʼ we ne mə̀ yaʼi ane anug amɔʼ tì məd we fàʼà inug mbe ne wì kə̀bi.

Jn 14:20

Aneg ze ghi mə̀ kòʼ, mbə biri kyeri gha mo yaʼ ane anug amɔʼ tì ìmə Mbaʼ. Mbə̰ biri bə kyeri gha mbə̰ mbe ane anug amɔʼ tì inum, mo inum bə̀ yaʼ ane anug amɔʼ tì inən.

Jn 5:36

Si ya gha, mə bèrì anug ne chwìye gha wə̀d ne mə̀ yaʼi ìwiwən ze chè anug ze ne Jɔn ya gha. Àfàʼì ze ne ìmə Mbaʼ zì inga ìmə ikye abo gha mə fàʼà, a ze ghàmà imbə̀ʼ amə. Àfàʼì azo̰ ajìm ze chwìye gha à ya ìmə Mbaʼ cha amə.

Ɨ̀fàʼì 2:22

Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Mə̀Hibrù 2:4

Ŋwiye zìye ini ya chwi ineni nɔʼ nɔʼ bə̀ fàʼ iyeti inug kyen kyen ni chwi gha inug ijìm mbe ne mbɔb yaya ghà ya tesiʼ. Ane, Azwighi Ŋwiye yaya bə̀ ghàpà tineʼi abə bəd icheg ne Ŋwiye kɔ̀ŋi.