Jn 13:21 - Ikan feg

²¹ Yeso ya ghà inug mbo̰ ane, fìŋ məd nɔ̀ʼ ko se nàʼà ngəʼ ibo. Wì ya si ghà asaŋ asaŋ gha, “Mə gha kwàʼ tesiʼ inən, wə̀d mɔ̀ʼɔ abɔ̀ʼ inən biri fèn amə.”

Meta’

²¹ Ənɨ Yeso nyaʼa fə gha ɨnû mbɔ̂, fîŋ məd nyaʼa kɔ tɔb əməd əne wɨ̀ nyaʼa gha əsaŋ əsaŋ ni, “Mə ghà rəsìʼ ɨ nən ni wə̀d mɔʼɔ rəbɔʼ nən bɨrɨ fen əmɨ.”

Jn 13:21 ပူးပေါင်းရင်းမြစ်များ

Matìyò 26:21

Anyumə̀ ne mbɔb yaya jə̀ghə, wì ya ghà inɔb gha, “Mə gha tesiʼ inən gha, wə̀d mɔ̀ʼɔ abɔ̀ʼ inən biri fèn mə.”

Matìyò 26:38

Ane, wì ya ghà inɔb gha, “Àsɔ̀mnì fə sweg inum inga fìŋ se kə̀bə̀ ni zweti amə. Mbə̀ chughi aŋa bə̀ yaʼ ikyèʼi.”

Mk 14:18

Anyumə̀ ne mbi yaya jə̀ghə, Yeso ya ghà inɔb gha, “Mə gha tesiʼ inən gha, wə̀d mɔ̀ʼɔ abɔ̀ʼ inən biri fèn amə. Tengàŋ we jə̀ghə tì inum.”

Mk 3:5

Wì ya nḛ̀ awɔb kad chuʼ, gaŋ, ze bə̀ ywìrì taŋ naʼ ngəʼ ibo imbə̀ʼ icheg ne ìtɔb fìŋ ya tu. Wì ya si ghà abə mbaŋà ze gha, “Sème àze abo.” Wì ya sèmì. Ane, abo məd ya ywìrì sèmbè si yaʼ icheg chɔm.

Jn 11:33

Anyumə̀ ne Yeso ya bàri icheg ne Mèri dèghi, fɔrɔ icheg ne mə̀Ju mbe ne ya yeʼe abɔ̀ʼ məd yaya bə̀ dèghè, anug ze ya bètì fìŋ məd, bə̀ taŋ nàʼ ngəʼ ibo.

Jn 11:35

Yeso ya dèg.

Jn 11:38

Anug ze ya ywìrì taŋ nàʼ ngəʼ abə Yeso. Ane, wì ya si ghò atog iseg Lazarɔ̀s. Iseg we ya ibighi ne mbi ya to inga igho, si kə̀ndi ichug ane iteg kyen.

Jn 12:27

Yeso ya ghàm ane, si nɔ̀ʼ gha, “Ìmə fìŋ ze nàʼà ngəʼ inum. Mə kə anìŋ, ghi gha? Tì mə gha, ‹Ìmə Mbaʼ, imbə̀ʼ àghò saŋa awe gha nyùmə̀ ghò yeʼe igun inum?› Indèʼ, mə̀ ya yeʼe igun isəg imbə̀ʼ nyùmə̀ gho̰.

Jn 13:18

Yeso ya tòʼrì inɔb gha, “Chəyi mə̀ gha inug mbo̰ anìŋ, imbə̀ʼ awən mbə̰ məjìm. Mə kyèri bəd mbe ne mə fə chɔʼi. Si ya gha, anug ze ne yaʼi inga Àŋwàʼrì Ŋwiye biri dù ane tesiʼ. Anug ze ya gha, ‹Wə̀d we ne jə̀ghə tì inum fə bə̀ŋə̀ ane ìmə wə̀d pab.›

Jn 13:2

Yeso tì ìmbi mə̀mə̀nənùg yaya jə̀ghə anyumə̀ ikwìri. Ane, Debrə̀ ya fə zì ikɔndi inga fìŋ abə Judàs Ikarìyɔ̀d, ŋwan Sayimùn gha wì fḛ Yeso.

Jn 13:22

Mə̀mə̀nənùg məd ya ghabri nen ìwɔb nyɔd se bìre inga fìŋ gha, “Kə̀ wə̀d ne Yeso ya ghàmà anìŋ imbə̀ʼ aməd àkə we?”

Ɨ̀fàʼì 17:16

Icheg ne Pɔl yaya ghɔ̀mɔ̀ Sayilàs tì Timotì a Atèns, wì ya bàd icheg ne mə̀ŋwiye ako ya sweghi inga ikye aben we. Ane, fìŋ məd ya bə inga.

1 Jɔn 2:19

Bəd ìpàb mbo̰ ya yaʼ abɔ̀ʼ ina. Si ya gha, chəyi mbɔb ya yaʼi ane ifɔti tì Kristo icheg ina. Àkə aghi ne mbɔb ya yaʼi ane ifɔti tì Kristo icheg ina, nji chəyi mbɔb ya du. Icheg ne mbɔb du, ze chwi gha chəyi mbɔb ya yaʼi ìmba bəd.