Jn 12:26 - Ikan feg

²⁶ Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Meta’

²⁶ Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Jn 12:26 ပူးပေါင်းရင်းမြစ်များ

Matìyò 16:24

Yeso ya si ghà abə mə̀mə̀nənùg məd gha, “Wə̀d mɔ̀ʼɔ mə̀ kə̀b ni yaʼ àmə àmə̀nənùg, tengàŋ mənyìʼ ton inug mbe ne nyàmnyɔd məd ze ghə̀ʼrə̀ si bèʼì àzi azed abaʼri bèni abɔ̀ʼ inum.

Matìyò 25:21

Mbaʼ àfàʼì məd we ya ghà ibo gha, ‹Àghò fə fàʼ kwàʼ icheg chɔm. Àghò ya kwàʼ wə̀d àfàʼì chɔ̀m ne fàʼà ane ìze fìŋ ijìm. Icheg ne àghò fə fàʼi ane ìze fìŋ ijìm tì ighi kwa kwa, mə biri nɔ̀ŋì awe igun ighi nɔʼ nɔʼ. Nyi inga nəb tì se fɔrɔ gyènde!›

Mk 8:34

Anyumə̀ ne wì ya gha ane, wì ya kàrì inɔ̰ bəd we bə̀ kàrì ìmbi mə̀mə̀nənùg abɔ̀ʼ məd, ghà inɔb gha, “Wə̀d mɔ̀ʼɔ mə̀ kə̀b ni beni abɔ̀ʼ inum, tengàŋ to̰ yi inug mbe ne nyàmnyɔd məd ze ghə̀ʼrə̀, si bèʼì àze azed abaʼri beni abɔ̀ʼ inum.

Lk 12:37

Ŋwiye biri zì àbɔrɔ̀bɔd igun bəd àfàʼì mbe ne ìwɔb mbaʼ àfàʼì kùrə pè kɔ̀ti awɔb ikyèʼi. Mə gha tesiʼ inən gha, ìwɔb mbaʼ àfàʼì biri zì ndwi àfàʼì, ghà inɔb gha mbe chughi aseg, wì si nàʼ tijəg inɔb.

Lk 6:46

Yeso ya bə̀ ywìrì gha, “Aton ne mbə̰ mbe kàrà amə gha, ‹Anɔŋisəg, Anɔŋisəg›, chəyi mbə̰ mbe bə̀ fàʼà anug ne mə ghà àkə gha?

Lk 9:23

Yeso ya ghà inɔb mbɔb məjìm gha, “Wə̀d mə kə̀b ni beni abɔ̀ʼ inum, tengàŋ to̰ yi inug mbe ne nyàmnyɔd məd ze ghə̀ʼrə̀. Tengàŋ bèʼe àze azed abaʼri mà ineg ijìm bèni abɔ̀ʼ inum.

Jn 10:27

Ìtum njə̀g ya zùghə anug ne mə̀ ghà. Mə kyèri ìtum njə̀g. Ti ya bène abɔ̀ʼ inum.

Jn 13:16

Mə gha tesiʼ inən gha, chəyi ŋwan àfàʼì we kweʼè chè mbaʼ àfàʼì məd. Chəyi wə̀d ne mbi tɔmi aməd we bə̀ kweʼè chè wə̀d ne tɔmi aməd.

Jn 14:15

Yeso ya chè imbìghè ni gha, “Mbə̰ mə̀ kɔ̀ŋ amə, mbə̰ biri zugri ìtum tikə.

Jn 14:3

Anyumə̀ ne mə̀ fə ghò chuʼri asiŋi inən, mə biri yeʼe ni niŋ awən, imbə̀ʼ mbə̀ yaʼi abɔ̀ʼ inum asiŋi ne mə̀ yaʼi angu.

Jn 15:20

Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Jn 17:24

Ìmə Mbaʼ, mə kə̀b gha bəd mbe ne àghò ya nàʼi inum, mbe yaʼ tì inum inga asiŋi ne mə̀ yaʼi angu. Ane, mbi biri bàd ìmə ighumni, ne ya ighumni we ne àghò ya kɔ̀ŋi amə, nàʼ inum, bɔŋ se tànga isəg.

Jn 21:22

Yeso ya ywìtì gha, “Mə kə mə̀ kə̀b gha wì chughi izɔm pè ane nyumə̀ ne mə̀ biri ywiri yeʼe, àze inga àkə aghə? Àghò bèni abɔ̀ʼ inum”

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

Rm 14:18

Bəd mə̀ ya fàʼà abə Kristo ane ikuchèg gho̰, nji Ŋwiye biri ya gyènde tì inɔb, bəd bə̀ bḛ gha mbe fàʼ icheg chɔm.

2 Kɔrèn 4:5

Chəyi tì ya chètè inug imbə̀ʼ ìwa nyɔd. Tì ya chètè yaʼ gha Yeso Kristo ya Anɔŋisəg, mba ya bəd àfàʼì inən imbə̀ʼ Yeso.

2 Kɔrèn 5:8

Tè kyèri kwàʼ tesiʼ tesiʼ gha, ze bɔ̀ŋ ni yaʼ abɔ̀ʼ Anɔŋisəg chè icheg ni yaʼ inga nyàmnyɔd ìzo̰ igun isəg aŋa.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

Fìlipì 1:23

Inug mbo̰ ibe yaʼ inum inga fìŋ. Mə kɔ̀ŋ ni ku amə, ghò abɔ̀ʼ Kristo ne yaʼi anug ne bɔŋi chè.

Kòlosè 3:24

Mbə̀ ya fàʼà ane imbə̀ʼ icheg ne mbə̰ kyèri gha Anɔŋisəg bèrì chùd ne wì biri nàʼ abə bəd məd. À ya Anɔŋisəg Kristo ne mbə̰ mbe fàʼà ibo.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

1 Jɔn 5:3

Ni kɔ̀ŋ Ŋwiye ya ni nɔ̀ŋì tikə məd. Chəyi tikə məd ka ina ni nɔ̀ŋì.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.

Ɨnû 14:4

Bəd mbo̰ ya bəd mbe ne nɔŋi ìtɔb nyàmnyɔd ti zḛ icheg ne chəyi mbi ya nɔ̀ki mə̀yi abu abu. Bəd mbo̰ ya yaʼ fɔ̀d mbaŋà. Mbi yaya bène abɔ̀ʼ Ŋwan njə̀g isiŋi ijìm mbe ne wì yaya ghò. Mbi fə zeri awɔb inga àbùʼì bəd ze igun isəg, ane nàʼ abə Ŋwiye fɔrɔ abə Ŋwan njə̀g icheg ighi mbègtog ne mbi foʼi a mben.