Jn 11:25 - Ikan feg

²⁵ Yeso ya ghà ibo gha, “Mo ya wə̀d we ne zwèmne bəd iwu bə̀ nàʼà ìtḛ̀ abə bəd. Wə̀d ne nɔŋi ibḛfiŋ igun inum biri yaʼ izɔm, ka wi ku.”

Meta’

²⁵ Yeso nyaʼa ghà ɨ bɔ ni, “Mɔ̌ yɨə wə̀d we nɨə zwemnɨə bə̂d bə̀ yeʼ we nɨə nàʼ ɨ̀tènɨ̀. Wə̀d we nɨ ben əmɨ bɨrɨ wɨrɨ chub ɨkǎ, ka wɨ̀ bè kwɨ i.

Jn 11:25 ပူးပေါင်းရင်းမြစ်များ

Lk 23:43

Yeso ya ywìtì ibo gha, “Mə ghà tesiʼ ine, kwàʼ tèchɔ̀ŋ, àghò biri yaʼ tì inum inga paràdayìs.”

Jn 1:4

À ya Ìngam we we nàʼà ìtḛ̀ abə bəd məjìm. Ane, ìtḛ̀ məd ya nàʼà ìzḛzḛ abə bəd məjìm ni kyeri tesiʼ.

Jn 14:19

Àsi bùʼ məyi ikə nyumə̀ ne chəyi bəd igun isəg biri ywiri bàd amə. Si ya gha, mbə̰ biri bàd amə. Icheg ne mə̀ yaʼi izɔm, à ya bə̀ icheg ne mbə biri yaʼ izɔm.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 3:16

Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 3:36

Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”

Jn 5:21

Icheg ne Mbaʼ we zwèmne bəd nàʼà ìtḛ̀ inɔb, à ya icheg ne Ŋwan we bə̀ nàʼà ìtḛ̀ abə bəd mbe ne məd kɔ̀ŋi.

Jn 5:26

Icheg we ne à ya Mbaʼ we ghìyə̀ gha bəd jəg ìtḛ̀ ighə̀m imɔʼ, wè bə̀ nàʼ ika abə Ŋwan məd ni gha wì bə se ghìyə̀ gha bəd jəg ìtḛ̀ ighə̀m imɔʼ.

Jn 6:35

Yeso ya ywìtì inɔb gha, “Mo ya ngə̀ŋ ze ne nàʼà ìtḛ̀. Wə̀d we ne yeʼe inum chəyi njèg biri nɔʼ zaŋ məd. Wə̀d ne zì ìwi ibḛfiŋ igun anug azo̰ ne mə ghà, chəyi adɔʼ mənib biri nɔʼ ko tengàŋ.

Jn 6:44

Chəyi wə̀d mɔ̀ʼɔ ne tì wì yèʼe inum ne chəyi ìmə Mbaʼ we ne chà amə ghi gha wì yeʼe. Mə biri zwemni wə̀d we, ane aneg ìnwḭ.

Ɨ̀fàʼì 3:15

Mbə̰ ya zweti wə̀d ne nàʼà ìtḛ̀. Si ya gha, Ŋwiye ya zwemni aməd ane iwu. Mba mbo̰ ya bàd anug ne ya che.

Rm 4:17

A ze inga Àŋwàʼrì Ŋwiye gha; “Mə fə ghì gha àghò si yaʼ mbaʼ abə iben nɔʼ nɔʼ.” À ya Ŋwiye we ne Abràham ya nɔŋi ibḛfiŋ igun ne beri ika ni zwèmni iwu bəd nàʼ ìtḛ̀ inɔb. À ya məd bə bèrì ika ni ghì gha ighi ne chəyi angu mbe yaʼ.

Rm 8:2

À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

1 Kɔrèn 15:18

Ane ya gha, bəd mbe ne ya bḛ Kristo bɔŋ se kùyə, mbɔb fə nim.

1 Kɔrèn 15:29

Àmə yaʼ ni gha chəyi Ŋwiye biri zwemni bəd, nji aton ne bəd mbe se nìŋə mənib atog abə bəd ne fə ku, àkə gha? Àmə yaʼ ni gha chəyi Ŋwiye biri nɔ̀ʼ zwemni bəd, nji aton ne bəd mbe se nìŋə mənib atog abə bəd ku mbe, àkə gha?

2 Kɔrèn 4:14

Tè kyèri gha icheg ne tì yaʼi ane anug amɔʼ tì Anɔŋisəg Yeso, Ŋwiye biri bə zwemni awa iwu icheg ne wì ya zwemni aməd. Wì biri ghì ane, si niŋ awa tì ìnen tì fɔrɔ təm ibo imbìghè.

Fìlipì 1:23

Inug mbo̰ ibe yaʼ inum inga fìŋ. Mə kɔ̀ŋ ni ku amə, ghò abɔ̀ʼ Kristo ne yaʼi anug ne bɔŋi chè.

Fìlipì 3:10

Anug ne mə̀ kə̀bi ya ni kyeri Kristo bə̀ taŋ kyèri ika we ne Ŋwiye ya zwemni aməd ane iwu. Mə kə̀b ni bə zə̰ ngəʼ icheg ne məd ya bə zə̰ ngəʼ. Mə bə̀ kə̀b ni ku kwàʼ icheg ne məd ya bə ku.

1 Tèsàlonikà 4:14

Tè bḛ gha Yeso ya ku bə̀ zwème. Tè bə̀ bḛ gha Ŋwiye biri niŋ bəd mbe ne fə ku ne ya bḛ Yeso ghì mbi yaʼ tì Yeso.

Ɨnû 1:18

Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.

Ɨnû 20:5

Chəyi àbùʼì bəd ze ne ya fə ku ya zweme ane iwu anene ghò pè ane nyumə̀ ne tituʼ te chuʼ ifibì fə mèghi. Aŋa ya ighəm mbègtog ne bəd zweme ane iwu.

Ɨnû 21:4

Wì biri fug məsi məjìm ane àzɔb aghə. Chəyi bəd biri ywiri ku kə̀ dèg kə̀ chwḛ məsi kə̀ zug tibuʼ imbə̀ʼ icheg ne inug inun fə chè.”

Ɨnû 22:1

Angirə̀ we ya chwi igyi kyen we ne mənib məd mbe nàʼà ìtḛ̀. Igyi we ya zḛ njànda kwàʼ icheg kristà. Wi yaya dùwə̀ aton atən ifɔn àzi Ŋwiye tì Ŋwan njə̀g.

Ɨnû 22:17

Azwighi Ŋwiye tì Àyi igən gha, “Yeʼe!” Wə̀d ijìm ne zughi anug azo̰ mənyìʼ bə̀ gha “Yeʼe!” Wə̀d ne adɔʼ mənib ze ko aməd, wì yeʼe no ane mənib mbe ne nàʼà ìtḛ̀. Wì yeʼe no kwàʼ ako ne chəyi wì nàʼi ikab