Jems 5:13 - Ikan feg

¹³ Wə̀d mɔ̀ʼɔ abɔ̀ʼ inən we wa inga ngəʼ? Tengàŋ chàʼra Ŋwiye. Wə̀d mɔ̀ʼɔ abɔ̀ʼ inən we wa gyènde? Tengàŋ zəʼə tikyeg ghùmni Ŋwiye.

Meta’

¹³ Wə̀d mɔʼɔ rəbɔʼ nən wɨə wa ə ŋgəʼ ə? Wɨ̀ kɔŋgɨ ə Ŋwiə̀. Wə̀d mɔʼɔ rəbɔʼ nən wɨə wa ghaʼrɨ əwi ə? Wɨ̀ kwerɨ ɨkyî yiirɨ ə Ŋwiə̀.

Jems 5:13 ပူးပေါင်းရင်းမြစ်များ

Matìyò 26:30

Anyumə̀ ne mbi ya fə jəghi itari we, mbɔb ya zə̀ʼ ikyeg, si nɔ̀ʼ dù ghò ikaŋ iwum mə̀Olìf.

Lk 22:44

Icheg ne wì ya yaʼi inga ngəʼ kyen, wì ya taŋ chàʼra Ŋwiye ane ìzi fìŋ ijìm. Nìme yaya se dùwə̀ igun məd chə̀mbə aseg kwàʼ icheg anəm.

Lk 23:42

Wì ya si gha, “Yeso, Àghò wendi mə anyumə̀ ne àghò yèʼe icheg ìfɔ̀n.”

1 Kɔrèn 14:15

Aghi ne mə̀ beri ni ghì amad anìŋ àkə aghə? Mə biri ya chàʼrà Ŋwiye ane àmə azwighi, bə̀ chàʼrà Ŋwiye ane ìngam ne mə zùghə. Mə biri ya zə̀ʼə̀ ikyeg ane àmə azwighi bə̀ zə̀ʼə̀ ikyeg ane ìngam ne mə zùghə.

1 Kɔrèn 14:26

Ìmbum məfi fɔrɔ ìtum njàbi, tì kə ywìrè gha? Anyumə̀ ne mbə̀ fɔti asiŋi afibì ni ghumni Ŋwiye; Wə̀d ne beri ikyeg wì zəʼə. Wə̀d ne beri ikə wì naʼa. Wə̀d ne beri anug ne Ŋwiye chwi ibo, wì toʼro. Wə̀d ne chàʼrà Ŋwiye ane tìngam iben ndəŋ, wì chaʼra. Wə̀d ne tòʼrò tìngam te, wì toʼro. Inug mbo̰ ijìm mənyìʼ yaʼ ni ghì gha bəd inga ifeti bəd Ŋwiye mbe təm kà.

Efesùs 5:19

Mbə̀ ya zə̀ʼə̀ tikyeg abə wə̀d imɔʼ imɔʼ. Mbə̀ zəʼə mə̀sam tì tikyeg ne ghùmnə Ŋwiye tì tikyeg ne Azwighi Ŋwiye ze nàʼà. Mbə̀ ya zə̀ʼə̀ tikyeg te ghùmnə Anɔŋisəg ane fìŋ ijìm.

Mə̀Hibrù 5:7

Anyumə̀ ne Yeso ya yaʼi igun isəg, wì yaya chàʼrà Ŋwiye bə̀ dèghè inug abə Ŋwiye kwàʼ ane gì ka ka tì məsi ibo inga aghə. Wì yaya chàʼrà Ŋwiye ne beri ika ni chì aməd ane iwu. Ŋwiye ya zug inug ne wì yaya chàʼrà Ŋwiye ghà imbə̀ʼ icheg ne wì ya swi ìwi nyɔd aseg ni zugri Ŋwiye.

Jems 5:10

Ìmbum məfi fɔrɔ ìtum njàbi, mbə̀ niŋ bədkə̀n Ŋwiye mbe ne ya ghàmi abə bəd ane ikum Anɔŋisəg icheg aneni. Mbɔb ya nyimi fìŋ inga nyùmə̀ ngəʼ.

Ɨnû 14:3

Bəd mbe chuʼ iki ifibì tì ìghum ikwè chɔ̀b ikwè ya təm imbìghè abə atən ifɔn, imbìghè abə ighi izɔm ikwè mbe fɔrɔ imbìghè abə itog bəd mbe, se zə̀ʼə̀ ikyeg feg. Chəyi wə̀d mɔ̀ʼɔ ne tì wì ya kwembi ikyeg we chèyi ane bəd mbe chuʼ iki ifibì tì ìghum ikwè chɔ̀b ikwè ne Ŋwiye ya zeri awɔb igun isəg.

Ɨnû 7:10

Mbi yaya kyḛ ane gì ka ka gha, “Àghò, ìwa Ŋwiye we ne chughi igun atən ifɔn tì ìwe Ŋwan njə̀g fə chì awa inga ngəʼ!”