Jems 2:14 - Ikan feg

¹⁴ Ìmbum məfi fɔrɔ ìtum njàbi, wə̀d ne gha zìye bèrì ibḛfiŋ ne chəyi tìghinùg məd te chwìye, chùd ne wì biri jəg àkə iza? Iku ibḛfiŋ we we tì wi pumni aməd?

Meta’

¹⁴ Mbɨ bɔŋgɔb, njìm nɨ wə̀d bɨrɨ jɨg kɨə yè, əwù ze nɨ wɨ̀ gha ni tə ben ə? Tɨ̀ ɨbenɨ we chɨ̀ əməd rəŋgəʼ ə?

Jems 2:14 ပူးပေါင်းရင်းမြစ်များ

Matìyò 5:20

Mə gha tesiʼ inən gha, àmə chəyi ìmbən inug chɔm bɔŋi chè inug chɔm ìmbi mə̀Farìsi tì mə̀chwitì mə̀nɔ̀ʼɔ̀, nji chəyi mbə̀ biri nyi inga anug ìfɔ̀n ikaŋ.”

Lk 3:11

Jɔn ya ywìtì inɔb gha, “Wə̀d ne beri ndwi tìbe, wì naʼa ndwi ifibì abə wə̀d ne chəyi wì bèri. Wə̀d ne beri tijəg, wì ghapa.”

Lk 6:49

Àsi wə̀d ne zughi àmə anug chəyi wì ya fàʼà, tengàŋ ya icheg wə̀d ne kɔri ìzi nəb ne chəyi mbi bɔmi ati nəb. Anyumə̀ ne igyi gwe, wi tḭ nəb ze, zì bùʼə yɔ̀kɔ̀ yɔ̀kɔ̀.”

Ɨ̀fàʼì 15:9

Chəyi wì ghi gha icha yaʼ igun ina tì inɔb. À ya imbə̀ʼ icheg ne mbi bḛ Yeso ne wì sò ìtɔb fìŋ.

Ɨ̀fàʼì 8:13

Sayimùn zìye ya bḛ Kristo bə̀ niŋ mənib. Anyumə̀ ne mbi ya fə nàʼi mənib ibo, wì ya ko se bène abɔ̀ʼ Filip. Anug ya chè aməd ane ineni inug fɔrɔ iyeti inug ne wì ya bàri Filip we ghìyə̀.

Ɨ̀fàʼì 8:21

Chəyi àghò beri ati kə̀ aba ane àfàʼì azo̰ imbə̀ʼ icheg ne chəyi ìze fìŋ tə̀mi kòʼ imbìghè abə Ŋwiye.

Rm 2:25

Ze chwi gha, anug ne ŋwed wə̀d bèrì ighumni anyumə̀ ne mbə̰ mbe nɔ̀ŋɔ̀ mə̀nɔ̀ʼɔ̀ Muse. Àmə yaʼ ne mbə̰ mbe gùghə̀ mə̀nɔ̀ʼɔ̀ Muse, ane ya gha, anug ne ŋwed wə̀d ya ati ako.

1 Kɔrèn 15:2

Mbə̰ biri pum anjìm ikən chɔm gho̰ àmə yaʼ ne mbə̀ nyimi Ìngam Ŋwiye we ne mə̀ ya gha inən kwàʼ icheg chɔm. Àmə chəyi ane, nji inug mbe ne mbə̀ nɔŋi ibḛfiŋ igun ya ati ako.

1 Kɔrèn 16:22

Ndɔ̀n ze igun wə̀d ne chəyi wì kɔ̀ŋi Anɔŋisəg. Ìwa Anɔŋisəg! Àghò yeʼe!

Gàlesìyà 5:13

Àsi awən, ìmbum məfi fɔrɔ ìtum njàbi, Ŋwiye ya kàrì awən chì ane anug ìbòʼì abə mə̀nɔ̀ʼɔ̀ Muse. Si ya gha, imbə̀ʼ mbə̰ si niŋə awən icheg ne chəyi mbə̀ ywiri yaʼ ìbòʼì abə mə̀nɔ̀ʼɔ̀ Muse se ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ ya se fàʼà yaʼ abə mə̀mbin ane àkɔ̀ŋì,

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

1 Tèsàlonikà 1:3

Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

1 Timotì 1:5

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

1 Timotì 4:8

Anug ni sèmbì nyɔd ze bɔ̀ŋ. Si ya gha, anug ni kyeri Ŋwiye bɔ̀ŋ chè inug ijìm imbə̀ʼ icheg ne Ŋwiye kàʼ inug ina inga nyùmə̀ isəg gho̰ fɔrɔ inga nyùmə̀ isəg we ne yèʼe.

Tayitùs 1:16

Mbɔb mbe gha mbɔb kyèri Ŋwiye, si ya gha, ìtɔb tighi inug ya chwìye gha mbɔb fə ton awɔb Ŋwiye. Ŋwiye ya bà̰ awɔb imbə̀ʼ icheg ne mbɔb ya ghìyə̀ tìzughə̀ abə Ŋwiye. Chəyi tì mbi fàʼ àfàʼì chɔm mɔ̀ʼɔ ka.

Tayitùs 3:8

Aŋa ya ajiʼi anug ne tì beri ni niŋ. Mə kə̀b gha àghò gha inug mbo̰ abə bəd ywìrì kɔ̀mbì ni ghì gha bəd mbe ne bḛ Ŋwiye mbe we awɔb bə̀ ya ghìyə̀ inug chɔm. Inug mbo̰ ya inug chɔm bə̀ yaʼ inug ne biri weti bəd məjìm.

Mə̀Hibrù 11:17

Anyumə̀ ne Ŋwiye ya zweʼri Abràham, à ya ibḛfiŋ ya ghi Abràham chuʼri ìwi nyɔd ni nàʼ Azìg ane aghi àfàtì, ne ŋwan məd yaya məyi Azìg we imɔʼ.

Mə̀Hibrù 13:9

Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.

Jems 1:16

Ìmbum məfi fɔrɔ ìtum njàbi, imbə̀ʼ mbə̰ bḛ awən gha wə̀d mɔ̀ʼɔ tambi awən.

Jems 2:16

Wə̀d mɔ̀ʼɔ abɔ̀ʼ inən mə ghà ibo gha, “Si ghò ane àbɔrɔ̀bɔd. Ghiyə ìze nyàmnyɔd zì ya nɔ̀mbɔ̀. Àghò bə jəg kɔd.” Wì mə ghà ane ne chəyi wì nàʼi ighi mbe ne biri ghì gha nyɔd ifi we kə̀ njàbi ze yaʼ icheg chɔm, chùd ne wì biri jəg àkə iza?

Jems 2:18

Wə̀d mɔ̀ʼɔ biri ghà gha, “Àghò bèrì ibḛfiŋ, mo bèrì tìghinùg chɔm.” Wì mə ghà ane, mə biri ghà ibo gha, “Chwi icheg ne àghò beri ibḛfiŋ witì bèrì tighi inug chɔm inum. Àsi mo, mə biri chwi ìmə ibḛfiŋ ine ane inug chɔm mbe ne mə ghìyə̀.”

Jems 2:26

Icheg ne nyàmnyɔd ne chəyi azwighi inga yaʼi ati ako, à ya bə̀ ane ne ibḛfiŋ ne chəyi wə̀d we ghìyə̀ inug chɔm bə yaʼ ati ako.

2 Pità 1:5

Icheg ne Ŋwiye fə ghi inug mbo̰ ina, mbə̀ kirə ika ni ya ghìyə̀ inug chɔm icheg mbə̀ fə nɔŋi ìtən ibḛfiŋ igun Ŋwiye. Icheg ne mbə̰ mbe ghìyə̀ inug chɔm, mbə̀ bə kirə ika ni taŋ kyeri inug imbə̀ʼ Ŋwiye.