Jems 1:27 - Ikan feg

²⁷ Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.

Meta’

²⁷ Ənû ə Ŋwìə̀ ze nɨ Ŋwiə̀ Mbǎʼ ben ni zɨə zeŋ, nɨ chəi ənû rɨbɔ̀ŋ ɨŋga, yɨ nɨ nəŋgɨ mɨchɨ bə̀ fɔrɨ nɨ nəŋgɨ mɨku əyi mbe nɨə zəə ŋgəʼ. À yɨə bə ni tɨ wə̀d ben i ɨnû rɨŋga ɨsɨg chəkɨ i əməd.

Jems 1:27 ပူးပေါင်းရင်းမြစ်များ

Matìyò 12:32

Ŋwiye biri waʼ inug tibɔ̀ŋ abə wə̀d ne zɔ̀mbi Ŋwan Wə̀d. Àsi ne wə̀d ghàmi anug tibɔ̀ŋ imbə̀ʼ Azwighi Ŋwiye, chəyi Ŋwiye biri nɔʼ waʼ anug tibɔ̀ŋ ze, inga isəg gho̰ fɔrɔ inga isəg feg.”

Matìyò 5:8

Ŋwiye zì àbɔrɔ̀bɔd igun bəd mbe ne ìtɔb fìŋ zḛ, imbə̀ʼ icheg ne mbɔb biri bàd aməd.

Lk 1:6

Mbɔb məjìm ya təm kòʼ imbìghè abə Ŋwiye. Mbɔb yaya zùgrə tikə bə̀ nɔ̀ŋɔ̀ mə̀nɔ̀ʼɔ̀ Anɔŋisəg kwàʼ ane icheg ne koʼi.

Rm 12:2

Imbə̀ʼ mbə̰ ghiyə awən inug icheg we ne bəd inga isəg mbe ghìyə̀. Ane, mbə̀ saŋa Ŋwiye kɔpi ìwən ikuchèg icheg ne məd we nàʼà tikɔndi feg inən. Àze biri ghì gha mbə̀ kyeri inug mbe ne məd kə̀bi. Inug mbe ne məd kəbi ya inug chɔm tì inug ne wì kɔ̀ŋi fɔrɔ inug ne koʼi ibo.

Rm 2:13

Chəyi wə̀d we tə̀mə kòʼò imbìghè abə Ŋwiye məyi imbə̀ʼ icheg ne we zùghə mə̀nɔ̀ʼɔ̀ Muse. Wə̀d ya tə̀mə kòʼò məyi ane we fàʼà inug mbe ne mə̀nɔ̀ʼɔ̀ mbe ghà.

Gàlesìyà 1:4

Anɔŋisəg Yeso Kristo ya fə nàʼ ìwi nyɔd ane aghi àfàtì imbə̀ʼ ìmba inug tibɔ̀ŋ. Wì ya ghì ane ni chì awa inga nyùmə̀ isəg inug tibɔ̀ŋ gho̰. Wì ya ghì ane icheg ne Ŋwiye ne yaʼi ìwa Mbaʼ kə̀bi.

Gàlesìyà 3:11

Ze fə bì dù zen gha, kayi mə̀nɔ̀ʼɔ̀ biri ghì wə̀d təm kòʼ imbìghè abə Ŋwiye imbə̀ʼ icheg ne Ìngam Ŋwiye ya fə bì ghà gha, “Bəd mbe ne təmi kòʼ biri jəg ìtḛ̀ ighə̀m imɔʼ anjìm icheg ne mbi nɔŋi ìwɔb ibḛfiŋ igun Ŋwiye.”

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Gàlesìyà 6:14

Àsi mo, chəyi anug mɔ̀ʼɔ ne mə̀ biri nɔʼ kɔ̀m igo igun chèyi ane anug ze ne iwu Anɔŋisəg Yeso Kristo igun azed abaʼri ya ghi. Icheg ne Yeso Kristo ya ku igun azed abaʼri, chəyi ighi inga isəg beri aghi mɔ̀ʼɔ ni ghì tì inum. Chəyi mə̀ bə bèrì aghi mɔ̀ʼɔ ni ghì tì ighi inga isəg.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

1 Timotì 1:5

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

1 Timotì 5:4

Si ya gha, iku-àyi mə̀ bèrì bɔn kə̀ wì mə bèrì bɔn ane bɔn, bɔn mbe kə̀ bɔn ane bɔn mbe bèrì ni bi nani ni ghì anug abə ìwɔb inəbi ane icheg ne Ŋwiye kə̀bi. Ane, mbɔb biri ywìtì ìchɔ̀mì abə ìmbɔb mə̀mbaʼ fɔrɔ abə ìmbɔb mə̀mbaʼ kyen. Mbɔb ya ghìyə̀ ane imbə̀ʼ icheg ne à ya anug ne bɔŋi abə Ŋwiye.

Tayitùs 2:12

Ìchɔ̀mì we fə chwi ina gha tì to̰ awa inug mbe ne chəyi mbe nàʼà ighumni abə Ŋwiye bə̀ chì adɔʼ ane ighi igun isəg bə̀ nyìmbi ìwa nyɔd se ghìyə̀ inug ne koʼi fɔrɔ inug ne ghùmnə Ŋwiye inga nyùmə̀ isəg gho̰.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

Jems 3:9

Tì we nìŋə inemi ghùmnə Anɔŋisəg, ìwa Mbaʼ inga. Tì we bə̀ nìŋə inemi zìyè ndɔ̀n igun bəd ne Ŋwiye tàngi mbi fug aməd.

Jems 4:4

Mbə̰ ya icheg mə̀yi nami ne kiri nɔ̀kɔ̀ mbaŋà ndəŋ. Àkə chəyi mbə̀ kyeri gha, wə̀d ne jə̀ghə àsə̀ʼ tì isəg ya wə̀d ìpàb Ŋwiye? Mbə̀ kyeri gha, wə̀d ne kɔ̀ŋɔ̀ anug ni jəg àsə̀ʼ tì isəg ya wə̀d ìpàb Ŋwiye.

2 Pità 1:4

Wì ya chè anjìm ika we nàʼ tineʼi te ne wì ya kàʼi ina. À ya tineʼi ne taŋ kà inun bə̀ taŋ bɔ̀ŋ. Wì ya ghì ane ni gha anjìm tineʼi te mbə̰ mbe tì mbə̰ yaʼ icheg Ŋwiye ane ikuchèg, si waʼ inug tibɔ̀ŋ mbe ne bəd inga isəg mbe ghə̀ʼrə̀.

2 Pità 2:20

Àmə yaʼ aghi ne mbɔb ya du inga tika inug tibɔ̀ŋ te inga isəg icheg ne mbɔb ya bḛ ìwa Anɔŋisəg Yeso Kristo ne pùmnə awa, ywìrì kiri gho nyi inga inug mbe, nji inug tibɔ̀ŋ biri fə chìkì awɔb mbi bə chè icheg ne mbi ya bi yaʼ a mbègtog.

2 Pità 3:14

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mbə̰ mbe ghɔ̀mɔ̀ inug mbo̰, mbə̀ kirə ika ni chughi inga ìzḛzḛ. Mbə̀ ghiyə gha imbə̀ʼ Ŋwiye bad yi anug tibɔ̀ŋ mɔ̀ʼɔ igun inən. Mbə̀ bə chughi ane àbɔrɔ̀bɔd tì Ŋwiye.

1 Jɔn 5:18

Tè kyèri gha chəyi wə̀d Ŋwiye mɔ̀ʼɔ angu ne chè imbìghè ni ya ghìyə̀ inug tibɔ̀ŋ. Ŋwan Ŋwiye we kyèʼrè aməd ne chəyi icheg ne tì Wə̀d Tibɔ̀ŋ ywirì zì anə igun məd.