Ɨnû 8:12 - Ikan feg

¹² Angirə̀ ne pè ane ikwè ya fə ìzi tì tàŋ, aba nyùmə̀ amɔʼ inga iba itad tì aba iməg amɔʼ inga iba itad fɔrɔ aba amɔʼ inga iba itad ane titəm iməg ya bə̀ŋə̀ se fḭ fḭ. Aba aneg amɔʼ inga iba itad tì aba izimi amɔʼ inga iba itad ya chughi afub.

Meta’

¹² Aŋgɨrə̀ we nɨ pe ənɨ mbɨ mɨkwè nyaʼa fə i taŋ, əne əghɨ ə mɔʼɔ ə nyaʼa nun əbà ə fibɨ̀ ənɨ mbɨ ghapɨ nyùmə̀ ɨba tad, ənɨ mbɨ ghapɨ ɨmɨg ɨba tad, bə̀ fɔrɨ ənɨ mbɨ ghapɨ rɨtəmɨ ɨba tad. Əba ə fibɨ̀ ənɨ mbɨ tad ənɨ ɨzeŋɨ zeŋɨ mɨ̀mə̌d nyaʼa fin. Chəi nyùmə̀ nyaʼa te ənɨ əba ə fibɨ̀ ənɨ mbɨ ghapɨ əni ɨba tad. Chəi ɨmɨg mbɨ rɨtəmɨ nyaʼa te ənɨ əbà ə fibɨ̀ ənɨ mbɨ ghapɨ ɨzimɨ ɨba tad.

Ɨnû 8:12 ပူးပေါင်းရင်းမြစ်များ

Matìyò 24:29

Yeso ya chè imbìghè ghà abə mə̀mə̀nənùg məd gha, “Kwàʼ anyumə̀ ne ineg ngəʼ mbo̰ fə mèghi, ‹nyùmə̀ biri fin. Chəyi iməg biri ya bə̀ zùʼə. Titəm iməg biri nɔ̀ʼ inga àbɔ̀ŋɔ fèndi aseg. Ŋwiye biri chì ighi mbe ne yaʼi ikaŋ àbɔ̀ŋɔ igun ìmbɔb iti.›

Matìyò 27:45

Ni ko ane mə̀nyùmə̀ ìghum chɔ̀b ibe tisi, isiŋi ya fin inga aben ajìm. Mbi ya fin anene ghò dù ane mə̀nyùmə̀ itad tisi.

Mk 13:24

Yeso ya ghà abə ìmbi mə̀mə̀nənùg gha, “Inga ineg mbe, ane ngəʼ ze fə che yi, ‹nyùmə̀ biri fin, chəyi iməg biri bə zuʼ

Mk 15:33

Anyumə̀ ne àngɔŋ tisi ya fə ka, isiŋi ijìm inga aben ya fin. Isiŋi ya fin anene ghò pè ane mə̀nyùmə̀ mə̀tad tisi.

Lk 21:25

Yeso ya bə̀ ywìrì gha, “Ineni biri dù igun nyùmə̀ tì igun iməg fɔrɔ igun titəm iməg. Àsi igun isəg, iben biri yaʼ inga ngəʼ. Anug biri chè bəd imbə̀ʼ icheg ne igyi tìbà biri ya joʼò chè kɔ̀ʼɔ chè swìʼe.

Ɨ̀fàʼì 2:20

Nyùmə̀ biri bə̀ŋə̀ se fḭ̀yḛ, iməg bə̀ bə̀ŋə̀ se bàŋà icheg anəm. Iyeti inug mbo̰ ijìm biri dù bɔŋ aneg kyen ze ne Anɔŋisəg biri yeʼe ni sɔb isaʼi igun bəd.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

Ɨnû 12:4

Ikɔn məd ya sìmì aba titəm iməg afibì inga iba itad, màʼ igun isəg. Tìsɔ̀ʼ jo ze ya təm imbìghè abə àyi we ne yaya nɔ̀mbɔ, ni gha wì mə gwi, zìye kud ŋwan məd.

Ɨnû 16:10

Angirə̀ we ne pè ane ità̰ ya kwebi agaŋ ze ne ya yaʼi inga akaŋ məd igun atən ifɔn àzi nyam kyen ze. Anyumə̀ ne wì ya kwebi ane, isiŋi ya fin inga asiŋi ze ne nyam kyen ze yaya tùmbə̀. Bəd yaya se kùrə asɔŋ imbə̀ʼ icheg ne mbɔb yaya zə̰ ngəʼ.

Ɨnû 6:12

Mə ya bàd icheg ne wì ya fìʼì afeni ìnen ne pè ane tìfughə. Ìseg ya ghùd kwàʼ ane ika. Nyùmə̀ ya bə̀ŋə̀ se fḭfḭ icheg ndwi dèg firi. Iməg ya bə̀ŋə̀ se bàŋà kə̀m icheg anəm.

Ɨnû 9:15

Angirə̀ we ya seri mbè angirə̀ mbe məkwè sàŋì. Ŋwiye ya fə chuʼri mbè angirə̀ mbe nɔ̀ŋì gha, inga nyùmə̀ gho̰, bə̀ kwàʼ inga aneg azo̰, bə̀ kwàʼ inga iməg gho̰, fɔrɔ inga fituʼ fo̰, mbe zweti aba afibì inga iba itad ane bəd igun isəg.

Ɨnû 9:18

Ngəʼ ka ka ìto̰ titad ya zweti aba bəd afibì inga iba itad ane bəd igun isəg. Ngəʼ ka ka ìto̰ ya yaʼ iywid tì ndiʼ fɔrɔ sɔfɔ̀ ne yaya dùwə̀ ichug abə nyam mə̀kara te.