Ɨnû 7:2 - Ikan feg

² Mə ya bàd angirə̀ ndəŋ ne yaya kɔ̀ʼɔ ane aba ze ne nyùmə̀ we dùwə̀. Wì ya nyimi aghi ze ne Ŋwiye we ne yaʼi izɔm we zìyè ineni igun ìmbi bəd angu. Wì ya kyen ane gì ka ka ghàm abə mbè angirə̀ mbe məkwè ne ya beri ika ni zì anə ane ìseg bə̀ zì anə ane tìbà.

Meta’

² Mə nyaʼa zə aŋgɨrə̀ cherə nɨ nyaʼə kɔʼ rɨ əbà ze nɨ nyùmə̀ ə jwɨ̀ə̀. Wɨ̀ nyaʼa yim əghɨ ze nɨ Ŋwìə̀ we nɨ yeʼ ɨkǎ ə zɨ̀ ənweenɨ ɨgwɨ mbi bə̂d. Wɨ̀ nyaʼa kyeŋ rɨkǎ əbɔʼ mbɨ̀aŋgɨrə̀ mbe mɨkwè nɨ nyaʼa berɨ ɨka nɨ ghɨ əghəm ənɨ ə si bə̀ ghɨ̀ ənɨ rɨ̀bàà.

Ɨnû 7:2 ပူးပေါင်းရင်းမြစ်များ

Matìyò 16:16

Sayimùn Pità ya ywìtì gha, “Àghò ya Wə̀d we ne Ŋwiye zɔ̀ʼi, Ŋwan ìwi Ŋwiye we ne yaʼi izɔm.”

Matìyò 26:63

Yeso ya chim yi tizi. Ane, atog wə̀d igun bəd mbàn Ŋwiye we ya ghà ibo gha, “Gha àze anug tesiʼ ane ikum Ŋwiye we ne yaʼi izɔm, àghò kə Wə̀d we ne Ŋwiye zɔ̀ʼi, ne yaʼi Ŋwan Ŋwiye?”

Jn 6:27

Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

2 Kɔrèn 1:22

bə̀ zì àzi Azwighi inga ina ni chwi gha mba ya bəd məd. Azwighi azo̰ ya aneni ni chwi gha ighi mbe ne Ŋwiye kàʼi ina, wì biri nàʼ ijìm.

Efesùs 1:13

Mbə̰ ya bə̀ si yaʼ bəd Kristo anyumə̀ we ne mbə̀ ya zughi ikən tesiʼ, bḛ. À ya ikən chɔm we ghi mbə̰ pum. Mbə̰ ya bḛ Kristo, Ŋwiye bə̀ nàʼ àzi Azwighi inən icheg ne wì ya kàʼi ane aneni ne chwìye gha mbə̰ ya si bəd məd.

Efesùs 4:30

Imbə̀ʼ mbə̰ ghiyə awən gha Azwighi Ŋwiye ya sɔ̀mnɔ̀ imbə̀ʼ icheg ne Azwighi ze ya aneni ne chwìye gha à ya Ŋwiye beri awən. À ya Azwighi Ŋwiye ze bə̀ chwìye gha aneg ze yèʼe ne Ŋwiye biri zeri ìmbi bəd.

1 Tèsàlonikà 1:9

Mbɔb mbe ghàmà yète ikuchèg ne mbə̀ ya niŋi awa icheg chɔm anyumə̀ ne tì ya yeʼe inən. Mbɔb mbe bə̀ ghà icheg ne mbə̀ fə waʼi mə̀ŋwiye ako se fàʼà abə Ŋwiye tesiʼ we ne yaʼi izɔm.

2 Timotì 2:19

Si ya gha, ati nəb ka ka ze ne Ŋwiye ya fə zi, ze təm kà. Mbe ŋwàʼrì igun gha; “Anɔŋisəg kyèri bəd mbe ne yaʼi ìmbi məd” bə̀ ŋwàʼrì gha, “Wə̀d ijìm ne bḛ gha zìye ya wə̀d Anɔŋisəg Yeso, wì mənyìʼ waʼ inug tibɔ̀ŋ”.

Mə̀Hibrù 12:22

Àsi mbə̰, asiŋi ne mbə̀ yeʼe angu ya ikaŋ iwum Zayɔ̀n, a Jèrusalèm we ne yaʼi ikaŋ àbɔ̀ŋɔ, aben Ŋwiye we ne yaʼi izɔm. À ya asiŋi ne mbè angirə̀ chuʼ tì chuʼ fə fete se gyènde.

Ɨnû 1:3

Ŋwiye zì àbɔrɔ̀bɔd igun wə̀d we ne fɔ̀ŋɔ ikən Ŋwiye gho̰. Ŋwiye bə̀ zì àbɔrɔ̀bɔd igun bəd mbe ne zùghə bə̀ fàʼà inug mbe ne mbi ŋwaʼri inga àŋwàʼrì azo̰ imbə̀ʼ icheg ne nyùmə̀ we ne inug mbo̰ biri dù fə tinde.

Ɨnû 10:1

Mə ya bàd angirə̀ ka ka ndəŋ ne swìʼe ikaŋ àbɔ̀ŋɔ. Pàʼ ya nib məd icheg ndwi màʼi ne wə̀d zi. Tènàbà ya bə̀ dù ikaŋ, chè kad atog ibo. Ìfe məd yaya zḛ kwàʼ icheg achwi. Ighog məd ya yaʼ icheg inemi iywid ne temi kwàʼ icheg ìte.

Ɨnû 10:4

Anyumə̀ ne mbə̀ŋ ze ya kùmi aghəm ìsàmbe, mə̀ ya fə ŋa ŋwàʼrà inug mbe ne mbə̀ŋ ze yaya kùmə̀ ghà inum. Si ya gha, mə̀ ya zug gì mɔ̀ʼɔ ne ya ghàmi ikaŋ àbɔ̀ŋɔ. Gì ze ya gha, “Nɔ̀ŋɔ inug mbe ne mbə̀ŋ ze kùmi ghà ine, ine inga fìŋ. Imbə̀ʼ àghò ŋwaʼra awe aseg, imbə̀ʼ àghò bə gha awe abə wə̀d!”

Ɨnû 16:12

Angirə̀ we ne pè ane tìfughə ya kwebi agaŋ ze ne ya yaʼi inga akaŋ məd igun igyi kyen we ne mbe kàrà ane Ufrèts. Anyumə̀ ne wì ya kwebi ane, igyi kyen we ya zɔm. Wì ya zɔm ane imbə̀ʼ tangi inɔnjì abə məfɔn mbe aba ze ne nyùmə̀ we dùwə̀.

Ɨnû 5:2

Mə ya bə̀ bàd angirə̀ ka ka mɔ̀ʼɔ ne yaya ghàmà ane gì ka ka gha, “Wə̀d ne koʼi ni chi ìnen we fìʼì àŋwàʼrì ze àkə we?”

Ɨnû 8:3

Angirə̀ ndəŋ ya yeʼe pè təm ane ikwijə̀ŋ àfàtì tì akaŋ ìnen mɔ̀ʼɔ ne mbi tangi ane gol. Mbi ya nàʼ ìnen nɔʼ nɔʼ ibo gha wì fɔti abɔ̀ʼ tichaʼri Ŋwiye te ne bəd Ŋwiye məjìm naʼi, si tòn igun ikwijə̀ŋ àfàtì we ne mbi tangi ane gol. Ikwijə̀ŋ àfàtì we ya yaʼ imbìghè abə atən ifɔn ze.

Ɨnû 9:14

Gì ze ya ghà abə angirə̀ we ne beri tàŋ gha, “Àghò seri mbè angirə̀ mbe məkwè ne mbi kɔri awɔb nɔ̀ŋì inga igyi kyen we ne mbe kàrà ane Ufrèts, sàŋì.”

Ɨnû 9:4

Mbi ya ghà inɔb gha imbə̀ʼ mbi chìkə awɔb agyen igun isəg kə̀ ized kə̀ iku ighi zu ndəŋ ijìm. Mbɔb ya bèrì ni zì inə̰ məyi igun bəd mbe ne chəyi mbi beri aneni Ŋwiye inɔb igun ikəŋi isi.