Ɨnû 7:14 - Ikan feg

¹⁴ Mə ya ywìtì ibo gha, “Masà, Chəyi mə̀ kyeri. À ya àghò kyèri.” Wì ya ghà inum gha, “Aŋa ya bəd mbe ne fə che inga ngəʼ ze ne chè abo, si ya gha, chəyi mbi ku. Mbi fə sò ìtɔb ndwi maʼi inga anəm ze Ŋwan njə̀g ti se fùyə.

Meta’

¹⁴ Mə nyaʼa wììrɨ̀ ɨ bɔ ni, “Chəi mə̀ kyerɨ, kyɨə masà. Àwɔ̀ ə kyerɨ.” Wɨ̀ nyaʼa ghà ɨ num ni, “Mbɔ̂ yɨə bə̂d mbe nɨ fə chè ɨŋga ŋgəʼ ze nɨ chè əbɔ, àyɨə chəi mbɨ kwɨ. Mbɨ fə sò tə ngywɨ̌ ɨŋga ənəm ə Wan njɨ̀g tɨ sɨə fuə.

Ɨnû 7:14 ပူးပေါင်းရင်းမြစ်များ

Matìyò 24:21

Aton ya gha, bəd biri taŋ zə̰ ngəʼ ane nyumə̀ we chè aku ngəʼ ijìm ne mbɔb kə kweʼì zən nɔ̀ʼ ane nyumə̀ ne Ŋwiye ya tangi isəg. Chəyi iku ngəʼ we biri bə ywiri yaʼ igun isəg.

Mk 13:19

imbə̀ʼ icheg ne ngəʼ ze ne biri dù inga ineg mbe biri chè ngəʼ ijìm ze ne kweʼì dù ko ane Ŋwiye ya tangi isəg yèʼe pè tèchɔ̀ŋ. Chəyi iku ngəʼ ndəŋ biri ywiri nɔʼ dù icheg izo̰.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Rm 5:3

Kayi məyi ane. Tì ya bə̀ ywìrè kɔ̀mɔ̀ igo imbə̀ʼ icheg ne te zə̰ ngəʼ. Tì ya kɔ̀mɔ̀ igo imbə̀ʼ icheg ne tè kyèri gha ngəʼ ya ghìyə̀ tì kyère icheg ni nyimi fìŋ.

1 Kɔrèn 6:11

Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

2 Tès 1:4

À ya aton ne te kɔ̀mɔ̀ ìwa igo imbə̀ʼ awən inga tifeti bəd Ŋwiye. Tì ya kɔ̀mɔ̀ igo imbə̀ʼ icheg ne mbə̰ zì ibḛfiŋ igun Yeso Kristo kwàʼ icheg chɔm fɔrɔ imbə̀ʼ icheg ne mbə nyìʼè fìŋ anyumə̀ ne mbe chɔ̀ʼɔ ìmbən ibɔʼì ighog fɔrɔ anyumə̀ ne mbə̀ yaʼi inga tiku ngəʼ ijìm.

Mə̀Hibrù 13:12

À ya aton ne chəyi Yeso ya ku inga ikye aben a Jèrusalèm ne bəd mbe chùghə. Wì ya dù si zə̰ ngəʼ ku anjìm isəg ni sò inug tibɔ̀ŋ bəd ane àze anəm.

Mə̀Hibrù 9:14

Ane ya gha, anəm Kristo ze ne Azwighi Ŋwiye ze ne yaʼi ane ighə̀m imɔʼ, ze ya ghi wì tutì ni sò ìmba inug tibɔ̀ŋ ne chəyi məd ya gùghi anug, ze bèrì ika ni chì awa inga inug mbe ne ghìyə̀ iwu yèʼe igun ina. Ze bə̀ bèrì ika ni ghì gha tì ya fàʼà abə Ŋwiye we ne yaʼi izɔm.

1 Pità 1:19

Ŋwiye ya zon awən ane anəm àka inun ze ne Yeso Kristo ya chəmni. Yeso Kristo ya icheg ŋwan njə̀g ne chəyi gəʼ angu.

1 Jɔn 1:7

Tì mə̀ yaʼ inga ìzḛzḛ icheg ne məd bə̀ yaʼ inga ìzḛzḛ, nji tì biri yaʼ ane ifɔti mba mba, anəm Yeso Ŋwan Ŋwiye bə̀ sò ìmba inug tibɔ̀ŋ ijìm.

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

Ɨnû 12:11

Mbɔb fə màʼ ibid chè aməd anjìm iwu Ŋwan njə̀g bə̀ fɔrɔ anjìm ikən chɔm we ne mbɔb yaya ghà. Chəyi mbi yaya bɔ iwu, ka ya bè anyumə̀ ne mbi yaya kə̀bə̀ ni zweti awɔb.

Ɨnû 15:2

Mə ya bàd aghi mɔ̀ʼɔ inga igyi tìbà ne yaya ŋwàŋnà icheg manə̀m tì iywid. Bəd mbe ne ya màʼi ibid chè nyam kyen tɔ tɔ ze ya təm iban igyi tìbà we. À ya mbɔb mbe ne chəyi mbi ya ghumni nyam kyen ze kə̀ aghi-ŋwiye məd. Chəyi mbi ya bə niŋ aneni ane ikum məd. Mbɔb ya nyimi mənɔnjì ne Ŋwiye ya nàʼi inɔb.

Ɨnû 17:6

Mə ya bàd gha àyi we ya fə no anəm bəd Ŋwiye bə̀ no anəm bəd mbe ne yaya chètè inug imbə̀ʼ Yeso. Wì ya no ane be. Anyumə̀ ne mə̀ ya bàri aməd, mə̀ ya yeti chè ati.

Ɨnû 2:9

Mə kyèri icheg ne àghò we zə̰ ngəʼ bə̀ kyèri icheg ne àghò fùmi. Si ya gha, àghò ya wə̀d ikab. Bəd mbe ne gha mbɔb ya mə̀Ju, ne chəyi mbi yaʼi kwàʼ mə̀Ju, mə kyèri inug mbe ne mbɔb mbe ghà ni chìkì ìwe ikum. Mbɔb ya bəd inga ifeti Sàtàn.

Ɨnû 22:14

Ŋwiye zì àbɔrɔ̀bɔd igun bəd mbe ne fə so ìtɔb ndwi ti zen. Ane, mbɔb fə kòʼ ni chè inuʼ ikam nyi inga ikye aben we, jəg titam ane azed ze ne nàʼà ìtḛ̀.

Ɨnû 5:9

Mbi ya zə̀ʼ ikyeg feg gha, “Àghò taŋ kòʼ ni niŋ àŋwàʼrì ze ne mbe kàri kari chì ìnen, fìʼì. À ya ane imbə̀ʼ icheg ne mbi ya kyemi awe. Ane, anjìm anəm ze ne àghò ya tùti igun azed abaʼri, àghò fə zèri bəd chì inga ngəʼ ghì mbi si yaʼ bəd Ŋwiye. Bəd mbo̰ ne àghò zo̰ ya bəd inga tinəbi ijìm, fɔrɔ inga tìngam ijìm, fɔrɔ inga isiŋi ijìm, bə̀ fɔrɔ inga iben ijìm.

Ɨnû 7:9

Anyumə̀ ne anatì njə̀m ze yaya chè, mə yaya nḛ̀, bàd inɔ̰ bəd ne ya yaʼi kwàʼ ìwi kyen, ne chəyi icheg ne tì wə̀d ya taŋ. Bəd mbe yaya nɔ̀ʼɔ̀ inga iben ijìm, inga tinəbi ijìm, inga isiŋi ijìm bə̀ fɔrɔ inga tìngam ijìm. Mbi ya təm imbìghè abə atən ifɔn bə̀ təm imbìghè abə Ŋwan njə̀g. Mbi ya zì ndwi maʼi fu fu bə̀ nyìmi izaŋ.