Ɨnû 6:9 - Ikan feg

⁹ Anyumə̀ ne wì ya fìʼì afeni ìnen ne pè ane ità̰, mə̀ ya nèn aton ikwijə̀ŋ àfàtì, bàd izwighi abə bəd mbe ne mbi ya zweti awɔb anjìm icheg ne mbi yaya chètè Ìngam Ŋwiye fɔrɔ anjìm icheg ne mbɔb ya nyimi anug ni chètì Ìngam Ŋwiye kwàʼ icheg chɔm.

Meta’

⁹ Ənɨ Wan njɨ̀g we nyaʼa kyeʼrɨ ɨneŋ we nɨ pe ənɨ wɨ tân, mə nyaʼa nèŋ əton ɨkwi ɨjə̀ŋ ə̀fààrɨ̀, əne zə ɨzwî bə̂d mbe nɨ mbɨ nyaʼa zwiirɨ ɨmbə̀ʼ ɨchî nɨ mbɨ nyaʼə ghà ɨŋgam Ŋwiə̀ fɔrɨ ɨmbə̀ʼ ɨchî nɨ mbɨ nyaʼa yim ɨŋgam Ŋwiə̀ wɨ kàànɨ̀.

Ɨnû 6:9 ပူးပေါင်းရင်းမြစ်များ

Jn 16:2

Bəd biri kamni awən inga məchamì Ŋwiye. Nyùmə̀ we yèʼe ne wə̀d ne zwète awən biri kɔndi gha zìye ya fàʼà yaʼ àfàʼì ne Ŋwiye kə̀bi.

2 Kɔrèn 5:8

Tè kyèri kwàʼ tesiʼ tesiʼ gha, ze bɔ̀ŋ ni yaʼ abɔ̀ʼ Anɔŋisəg chè icheg ni yaʼ inga nyàmnyɔd ìzo̰ igun isəg aŋa.

Fìlipì 1:23

Inug mbo̰ ibe yaʼ inum inga fìŋ. Mə kɔ̀ŋ ni ku amə, ghò abɔ̀ʼ Kristo ne yaʼi anug ne bɔŋi chè.

Fìlipì 2:17

Ka mə bì ku, àmə anəm biri yaʼ icheg mənoʼ ne mbe zìyè igun ighi àfàtì. Ighi àfàtì mbe ya àfàʼì ze ne mbə̰ mbe fàʼà abə Ŋwiye anjìm icheg ne mbə̀ nɔŋi ibḛfiŋ igun Kristo. Ane, mə we gyènde icheg ne mbə̰ məjìm mbe bə̀ gyènde.

2 Timotì 1:8

Ane, imbə̀ʼ àghò bere awe tìnìrètog ni ghàm imbə̀ʼ anug ìwa Anɔŋisəg kə̀ imbə̀ʼ amə, mo ne yaʼi wə̀d ndəŋ imbə̀ʼ aməd. Àghò chuʼri ìwe nyɔd ni ya zə̰ ngəʼ imbə̀ʼ anug ni chètì ikən chɔm imbə̀ʼ Kristo icheg inum. À ya Ŋwiye we nàʼà ika ina.

2 Timotì 4:6

Àsi mo, mə fə nàʼ ìmə ìtḛ̀ abə Ŋwiye icheg ituti. Nyùmə̀ ne mə̀ biri ku fə tinde.

Mə̀Hibrù 12:23

À ya bə̀ asiŋi ne tifeti bəd Kristo ne ya ŋwan mbèg Ŋwiye ti fete fə bə̀ ŋwàʼrì ìtɔb tikum ikaŋ àbɔ̀ŋɔ. Mbə yèʼe abə Ŋwiye we ne sàʼa bəd məjìm fɔrɔ ane asiŋi ze ne izwighi bəd yaʼi angu. Bəd mbe ne Ŋwiye fə ghi mbi təm kòʼ bə̀ bɔ̀ŋ mànì ya angu.

Ɨnû 1:2

Jɔn fə ŋwàʼrì inug ijìm mbe ne wì ya bàri ne ya inug imbə̀ʼ Ìngam Ŋwiye tì inug imbə̀ʼ Yeso Kristo.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.

Ɨnû 14:18

Angirə̀ ndəŋ, ne ya beri ika igun iywid ya dù iban ikwijə̀ŋ àfàtì pè kyen ane gì ka ka ghà abə angirə̀ we ne beri ibeg tɔ tɔ we gha, “Niŋ ìwe ibeg tɔ tɔ we ne mbe fòʼò ighi angu, sɔ̀pi tìtab vayìn ane ized vayìn mbe ne yaʼi igun isəg. Sɔpi imbə̀ʼ icheg ne titam vayìn te ne yaʼi igun isəg fə tə̀n.”

Ɨnû 16:7

Mə ya zug gì ne yaya kyḛ inga ikwijə̀ŋ àfàtì. Zì yaya kyḛ ghà gha, “E, Anɔŋisəg Ŋwiyekɔʼ, icheg ne àghò we sàʼa bəd we taŋ kòʼ bə̀ yaʼ ikuchèg tesiʼ!”

Ɨnû 19:10

Mə ya zug ane, si gùndi aseg ibo imbìghè ni ghumni aməd. Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì abɔ̀ʼ ine tì ìmbe məfi fɔrɔ ìte njàbi te ne ghà tesiʼ imbə̀ʼ Yeso. Ghumni yaʼ Ŋwiye!” Mə ghà ane imbə̀ʼ icheg ne à ya tesiʼ imbə̀ʼ Yeso we ghìyə̀ gha bədkə̀n gha ikən Ŋwiye.

Ɨnû 2:13

Mə kyèri asiŋi ze ne àghò we chùghə angu. À ya asiŋi ze ne atən ifɔn àzi Sàtàn yaʼi angu. Si ya gha, àghò nyìmi ìmə ikum ane ìze fìŋ ijìm. Chəyi àghò ya waʼi anug ni nɔŋi fìŋ igun inum, ka bèyi ane nyùmə̀ Antipàs we ne yaya ghà inug imbə̀ʼ amə ane ìzi fìŋ ijìm. Mbi ya zweti aməd inga àzən aben, asiŋi ne Sàtàn we chùghə.

Ɨnû 20:4

Mə ya bàd itən ifɔn ne bəd mbe ne mbi ya nàʼi ika inɔb ni saʼ bəd ya chughi igun. Mə ya bə̀ bàd bəd mbe ne mbi ya sɔpi ìmbɔb itog imbə̀ʼ icheg ne mbɔb mbe bḛ Yeso fɔrɔ imbə̀ʼ icheg ne mbɔb mbe ghàmà Ìngam Ŋwiye. Chəyi bəd mbo̰ ya ghumni nyam kyen ze kə̀ ghumni aghi-ŋwiye məd. Chəyi mbi ya bə̀ niŋ aneni aməd igun ìmbɔb ikəŋi isi kə̀ igun ìmbɔb ibo. Mbi ya zweme ane iwu bə̀ tùmbì iben tì Kristo ane tituʼ chuʼ ifibì.

Ɨnû 8:3

Angirə̀ ndəŋ ya yeʼe pè təm ane ikwijə̀ŋ àfàtì tì akaŋ ìnen mɔ̀ʼɔ ne mbi tangi ane gol. Mbi ya nàʼ ìnen nɔʼ nɔʼ ibo gha wì fɔti abɔ̀ʼ tichaʼri Ŋwiye te ne bəd Ŋwiye məjìm naʼi, si tòn igun ikwijə̀ŋ àfàtì we ne mbi tangi ane gol. Ikwijə̀ŋ àfàtì we ya yaʼ imbìghè abə atən ifɔn ze.

Ɨnû 9:13

Angirə̀ we ne pè ane tìfughə ya fə ìzi tì tàŋ. Ane, mə̀ ya zug gì mɔ̀ʼɔ ne ya du inga ndɔŋ te tikwè ne yaʼi ane ikwijə̀ŋ àfàtì we ne mbi bɔmi ane gol. Ikwijə̀ŋ àfàtì we ya yaʼ imbìghè abə Ŋwiye.