Ɨnû 4:9 - Ikan feg

⁹ Ighəm ijìm, ighi izɔm mbo̰ ikwè ya zə̀ʼə̀ ikyeg ghùmnə wə̀d we ne chughi igun atən ifɔn ze bə̀ nàʼà məyakà ibo, məd we ne yaʼi izɔm kwàʼ ane ighə̀m imɔʼ.

Meta’

⁹ Ənɨ ɨghɨ mbe nɨ yeʼ ɨkǎ naʼ wumnɨ, yiirɨ bə̀ nàʼ məben-əwe əmbɨ məd we nɨ chub ɨgun ətən ɨfɔ̀n ze, nɨ wɨ̀ yeʼ ɨkǎ koŋ koŋ,

Ɨnû 4:9 ပူးပေါင်းရင်းမြစ်များ

Mə̀Hibrù 7:25

Ane, Yeso we tì wì pùmni bəd mbe ne yeʼe abə Ŋwiye anjìm məd mà nyumə̀ ijìm imbə̀ʼ icheg ne məd we dèghè abə Ŋwiye atog inɔb.

Mə̀Hibrù 7:8

Tè bàd gha bəd mbàn mbe ane aghaŋ inəbi Levì ne yaya nìŋə aba amɔʼ inga iba ìghum ya bə̀ bəd ne kùyə icheg mə̀mbin. Àsi Mèkisedèg ne ya bə̀ niŋ aba amɔʼ inga iba ìghum ya wə̀d ne yaʼi izɔm ane ighəm imɔʼ icheg ne Àŋwàʼrì Ŋwiye gha.

Ɨnû 1:18

Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.

Ɨnû 10:6

Wì ya nɔ̰ abo ikaŋ ane, bḛ zɔ̀m gha, “Chəyi mbi biri ywìri chìkì nyumə̀.” Wì ya ghàm ane ane ikum Ŋwiye we ne yaʼi izɔm kwàʼ ane ighə̀m imɔʼ, ne ya tangi ikaŋ fɔrɔ ìseg bə̀ tàngi igyi tìbà bə̀ tàngi ighi ijìm mbe ne yaʼi inga isiŋi mbo̰ ijìm.

Ɨnû 15:7

Ane, aghi azɔm mɔ̀ʼɔ abɔ̀ʼ ighi izɔm mbe ikwè ya nàʼ ikaŋ gol ìsàmbe abə mbè angirə̀ mbe ìsàmbe. Aghi ne ya sweghi inga ikaŋ mbe ya agaŋ Ŋwiye we ne yaʼi izɔm kwàʼ ane ighə̀m imɔʼ.

Ɨnû 21:5

Məd we ne ya chughi igun atən ifɔn ze ya gha, “Mbə̀ nḛ, mə tàngi ighi ijìm ane mbi feg!” Wì ya bə̀ ghà inum gha, “Àghò ŋwaʼra anug azo̰ imbə̀ʼ icheg ne inug mbo̰ ya inug tesiʼ ne tì bəd bḛ.”

Ɨnû 4:2

Kwàʼ ati ati, Azwighi Ŋwiye ya ghì mə bàd atən ifɔn mɔ̀ʼɔ ikaŋ àbɔ̀ŋɔ ne wə̀d mɔ̀ʼɔ yaʼi igun ichughi.

Ɨnû 4:8

Ighi izɔm mbo̰ ijìm ya bèrì tibabì tìfughə bə̀ bèrì aghə isiŋi ijìm fɔrɔ aton tibabì. Mbi yaya zə̀ʼə̀ ikyeg tisi ijìm fɔrɔ tizimi ijìm gha, “Anɔŋisəg, Ŋwiyekɔʼ, Àghò zen, Àghò zen, Àghò zen. Àghò ne ya bi yaʼ, ne yaʼi amad anìŋ, ne biri ywiri yeʼe.”

Ɨnû 5:1

Mə ya bàd àŋwàʼrì mɔ̀ʼɔ ne mbe kàri kari ikye abo jəghi abə wə̀d we ne ya chughi igun atən ifɔn. Mbi ya ŋwàʼrì inug inga àŋwàʼrì ze iba ajìm, kad àŋwàʼrì ze, si zì ifeni ane ìnen isiŋi ìsàmbe ni gha imbə̀ʼ wə̀d nɔ̀ʼ fìʼì kirənde mbi nàʼ ika ibo.

Ɨnû 6:16

Mbɔb ya kyen abə tiwum fɔrɔ abə tigho gha, “Mbə̀ suyə igun ina. Mbə̀ nəmbə awa abə Wə̀d we ne chughi igun atən ifɔn. Mbə̀ bə nə̀mbì imbə̀ʼ icheg ne Ŋwan njə̀g we gàŋa ina bə̀ kə̀bə̀ ni chə awa!

Ɨnû 7:15

Ane, mbɔb mbe itəmi imbìghè abə atən ifɔn Ŋwiye fàʼà ibo tisi fɔrɔ tizimi inga mbàn məd. Məd we ne chùghə igun atən ifɔn biri kùbri awɔb.