Ɨnû 4:4 - Ikan feg

⁴ Itən ifɔn ndəŋ ìghum ibe chɔ̀b ikwè ya ywìrì kad atən ifɔn ze chuʼ. Itog bəd mɔ̀ʼɔ ìghum ibe chɔ̀b ikwè ne ya zì ndwi fu fu bə̀ zì ighi itog ifɔn ne mbi tangi ane gol ya yaʼ ichughi igun itən ifɔn mbe.

Meta’

⁴ Ɨtən ɨfɔ̀n cherə ɨwum be chɔ̀b rɨkwè nyaʼa kad ətən ɨfɔ̀n ze. Bə̂d kyeŋ ɨwum be chɔ̀b rɨkwè nyaʼa chub ɨgun ɨtən ɨfɔ̀n mbe. Mbɨ nyaʼa zɨ̀ ngywɨ̌ tɨ rɨ̀fɨ bə̀ zɨ̀ rɨdəm mɨfɔ̀n nɨ mbɨ nyaʼa tekɨ ənɨ gôl.

Ɨnû 4:4 ပူးပေါင်းရင်းမြစ်များ

Matìyò 19:28

Yeso ya ghà inɔb gha, “Mə ghà tesiʼ inən, anyumə̀ ne Ŋwiye biri bə̀ŋì ighi ijìm ane mbi feg, Ŋwan Wə̀d biri chùghi igun atən ifɔn ìzḛzḛ məd. Mbə̰ mbo̰ ìghum chɔ̀b ibe ne beni abɔ̀ʼ inum biri si chùghi igun itən ifɔn se sàʼa tinəbi Izre te ìghum chɔ̀b ibe.

Lk 22:30

Ane, mbə̰ biri jəg bə̀ no inga àmə anug ìfɔ̀n. Mbə̰ biri bə chughi tì inum igun itən ifɔn se sàʼa tinəbi Izre te ìghum chɔ̀b ibe.”

2 Timotì 4:8

Ane, igun aneg ze ne Anɔŋisəg Kristo biri yeʼe ni saʼ isəg, məd we ne sàʼa bəd ane icheg ne koʼi biri nàʼ ineʼi inum. À ya ineʼi we ne məd we nàʼà abə bəd ne ghìyə̀ inug ne təmi kòʼ. Chəyi wì biri nàʼ məyi inum. Wì biri nàʼ fɔrɔ abə bəd mbe ne ghɔ̀mɔ̀ gha wì ywirì yèʼe.

Ɨnû 11:16

Itog bəd mbe ìghum ibe chɔ̀b ikwè ne ya chughi igun ìmbɔb itən imbìghè abə Ŋwiye ya gundi nɔ̀ŋì tìfe aseg se ghùmnə Ŋwiye gha,

Ɨnû 14:3

Bəd mbe chuʼ iki ifibì tì ìghum ikwè chɔ̀b ikwè ya təm imbìghè abə atən ifɔn, imbìghè abə ighi izɔm ikwè mbe fɔrɔ imbìghè abə itog bəd mbe, se zə̀ʼə̀ ikyeg feg. Chəyi wə̀d mɔ̀ʼɔ ne tì wì ya kwembi ikyeg we chèyi ane bəd mbe chuʼ iki ifibì tì ìghum ikwè chɔ̀b ikwè ne Ŋwiye ya zeri awɔb igun isəg.

Ɨnû 19:14

Tinɔ̰ mə̀sogyì mbe ne yaʼi ikaŋ àbɔ̀ŋɔ ya zì ndwi àka inun ne mbi tangi ane linèn ne zḛ bə̀ fùyə. Mbɔb ya kɔʼ igun nyam mə̀kara fu fu si bèni abɔ̀ʼ məd.

Ɨnû 19:4

Itog bəd mbe ìghum ibe chɔ̀b ikwè tì ighi izɔm mbe ikwè ya gundi aseg ghùmni Ŋwiye ne ya yaʼi ichughi igun atən ifɔn. Mbi yaya ghùmnə ghà gha, “À ya ane! Tì ghumni Ŋwiye!”

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Ɨnû 20:4

Mə ya bàd itən ifɔn ne bəd mbe ne mbi ya nàʼi ika inɔb ni saʼ bəd ya chughi igun. Mə ya bə̀ bàd bəd mbe ne mbi ya sɔpi ìmbɔb itog imbə̀ʼ icheg ne mbɔb mbe bḛ Yeso fɔrɔ imbə̀ʼ icheg ne mbɔb mbe ghàmà Ìngam Ŋwiye. Chəyi bəd mbo̰ ya ghumni nyam kyen ze kə̀ ghumni aghi-ŋwiye məd. Chəyi mbi ya bə̀ niŋ aneni aməd igun ìmbɔb ikəŋi isi kə̀ igun ìmbɔb ibo. Mbi ya zweme ane iwu bə̀ tùmbì iben tì Kristo ane tituʼ chuʼ ifibì.

Ɨnû 3:18

Ane, mə we nàʼà ikə ine gha, àghò zon gol inum, ne yaʼi gol we ne mbi tɔ̰ inga iywid, twi kwàʼ icheg chɔm. Àghò mə ghì ane àghò biri bèrì ighi. Àghò bə zon ndwi fu fu zì imbə̀ʼ chì tìnìrètog we ne bəd fə bàri gha àghò we tì ìkyèri ikye. Zon ifuʼ aghə, zì inga àze aghə imbə̀ʼ ywiri bàd isiŋi.

Ɨnû 4:10

Anyumə̀ ne mbɔb mbe ghùmnə aməd we ne chughi igun atən ifɔn ze, itog bəd mbe ìghum ibe chɔ̀b ikwè ya chìyè ìmbɔb ighi atog ifɔn nɔ̀ŋɔ̀ aseg ibo imbìghè, məd we ne yaʼi izɔm kwàʼ ane ighə̀m imɔʼ. Mbɔb ya chìyè ìmbɔb ighi atog nɔ̀ŋì aseg se ghùmnə aməd gha,

Ɨnû 4:6

Aghi mɔ̀ʼɔ ne yaya zùʼə icheg manə̀m bə̀ ŋwàŋi ŋwaŋi icheg aghi mɔ̀ʼɔ ne mbe kàrà ane kristà ya təm imbìghè abə atən ighumni ze. Ighi izɔm mɔ̀ʼɔ ikwè ya kam atən ifɔn ze iba ijìm. Ighi izɔm mbe ya bèrì aghə imbìghè fɔrɔ anjìm.

Ɨnû 5:11

Mə ya ywìrì nèn, si zug gì mbè angirə̀ akam tì akam fɔrɔ chuʼ tì chuʼ. Mbi ya təm chè kad atən ifɔn ze, chè kad ighi izɔm mbe ikwè bə̀ chè kad itog bəd mbe.

Ɨnû 5:14

Ighi izɔm mbe ikwè ya ywìtì gha, “À ya ane!” Itog bəd mbe ya gundi aseg ghùmni Ŋwiye bə̀ ghùmni Ŋwan njə̀g.

Ɨnû 5:6

Mə ya bàd Ŋwan njə̀g ne ya təmi inga fìghàra atən ifɔn, inga fìghàra abə ighi izɔm mbe ikwè fɔrɔ itog bəd mbe. Ze ya chwi kwàʼ icheg ni gha mbi ya fə kyemi Ŋwan njə̀g we, si ya gha, wì ya yi izɔm. Wì ya bèrì ndɔŋ ìsàmbe tì aghə ìsàmbe. Aghə ze ìsàmbe ya izwighi mbe ìsàmbe ne fàʼà abə Ŋwiye, ne Ŋwiye ya chà inga isəg ijìm.

Ɨnû 5:8

Anyumə̀ ne wì ya niŋi àŋwàʼrì ze, ighi izɔm mbe ikwè tì itog bəd mbe ìghum ibe chɔ̀b ikwè, ya gundi aseg imbìghè abə Ŋwan njə̀g we. Wə̀d mɔ̀ʼɔ imɔʼ abɔ̀ʼ inɔb ya nyimi inɔŋi ngyeŋ bə̀ nyìmi ikaŋ ne mbi ya tangi ane gol. Ìnen ya sweg inga ikaŋ mbe. Ìnen we ya ichaʼri Ŋwiye ìwi bəd Ŋwiye.

Ɨnû 6:11

Ane, mbi ya nàʼ ndwi màʼi fu fu abə wə̀d imɔʼ imɔʼ abɔ̀ʼ inɔb. Mbi ya bə̀ ghà inɔb gha, mbe ywìrì ghɔ̀m ane iki nyumə̀ iki piʼì ni ghì gha bəd fə màna zwèti inun bəd àfàʼì mbe ne yaʼi icheg inɔb, bə̀ zweti ìmbɔb məfi mbe ne kòʼi ni ku.

Ɨnû 7:11

Mbè angirə̀ mbe məjìm ne ya təm chè kad atən ifɔn ze, bə̀ chè kad bəd kyen mbe, bə̀ chè kad fɔrɔ ighi izɔm mbe ikwè, mbi ya gùg nɔ̀kì aseg tikubə imbìghè abə atən ifɔn ze, ghùmni Ŋwiye.

Ɨnû 7:9

Anyumə̀ ne anatì njə̀m ze yaya chè, mə yaya nḛ̀, bàd inɔ̰ bəd ne ya yaʼi kwàʼ ìwi kyen, ne chəyi icheg ne tì wə̀d ya taŋ. Bəd mbe yaya nɔ̀ʼɔ̀ inga iben ijìm, inga tinəbi ijìm, inga isiŋi ijìm bə̀ fɔrɔ inga tìngam ijìm. Mbi ya təm imbìghè abə atən ifɔn bə̀ təm imbìghè abə Ŋwan njə̀g. Mbi ya zì ndwi maʼi fu fu bə̀ nyìmi izaŋ.

Ɨnû 9:7

Ngwèmi te ya yaʼ kwàʼ icheg nyam mə̀kara ne mbi chuʼri ni ghò ane ibid. Iku ighi mɔ̀ʼɔ ne mbi zi igun ìmbɔb itog ya yaʼ icheg ighi atog ifɔn ne mbi tangi ane gol. Ìtɔb tìfe ya yaʼ icheg tìfe bəd.