Ɨnû 4:11 - Ikan feg

¹¹ “Anɔŋisəg, ìwa Ŋwiye, Àghò kòʼ gha mbe ghumni awe bə̀ ghà gha Àghò bèrì ika imbə̀ʼ icheg ne à ya Àghò tàngi ighi ijìm. Ighi ijìm bə̀ yaʼ kwàʼ icheg ne àghò ya kə̀bi gha mbe yaʼ.”

Meta’

¹¹ “Ə̀nùŋɨ̀sɨg à Ŋwìə̀, àwɔ̀ ə kùʼ ni wə̀d jìm yiirɨ əwe, nàʼ ɨwumnɨ ɨ ne bə̀ ghà ni à berɨ ɨka, ɨmbə̀ʼ ɨghəm nɨ à nyaʼa tekɨ ɨghɨjìm, ɨghɨjìm mbɨ əŋgu bə̀ yeʼ ɨkǎ ɨchî nɨ à nyaʼa kəbɨ.”

Ɨnû 4:11 ပူးပေါင်းရင်းမြစ်များ

Ɨ̀fàʼì 14:15

“Bəd mbo̰! Aton ne mbə̰ mbe ghìyə̀ inug mbo̰ ina anìŋ àkə gha? Mba ya bəd-aku icheg inən. Tì fə yèʼe tì ikən chɔm inən gha mbə̀ saŋa ighi ako mbo̰ bèni abɔ̀ʼ Ŋwiye we ne yaʼi izɔm. À ya məd ya tangi ikaŋ fɔrɔ ìseg bə̀ tàngi tìbà bə̀ tàngi fɔrɔ ighi ijìm mbe ne yaʼi inga inɔb.

Ɨ̀fàʼì 17:24

Məd ya Ŋwiye we ne ya tangi isəg fɔrɔ ighi ijìm mbe ne yaʼi inga. Məd ya Anɔŋisəg ne tùmbə̀ ikaŋ àbɔ̀ŋɔ fɔrɔ isəg. Chəyi məd we chùghə inga mbàn te ne bəd kɔri.

Rm 11:36

À ya ane imbə̀ʼ icheg ne, à ya Ŋwiye tangi ighi ijìm. À ya anjìm məd ne ighi ijìm yaʼi. Ighi ijìm ya ìmbi məd. Tì ghumni aməd ane ighə̀m imɔʼ. À ya ane.

Efesùs 3:9

Wì ya bə̀ chɔʼ amə gha mə̀ ghiyə wə̀d ijìm kyeri anug azo̰ ne yaʼi inə̀mbi, ne Ŋwiye we ne ya tangi ighi ijìm, ya nə̀mbì inga ìzi fìŋ nɔ̀ʼ ane nyumə̀ ne wì ya tangi isəg.

Mə̀Hibrù 1:10

Ŋwiye ya ywìrì ghà imbə̀ʼ Ŋwan məd gha, “O Anɔŋisəg, àghò ya tangi isəg bə̀ tàngi ikaŋ àbɔ̀ŋɔ ane ìmbe ibo bɔŋ isəg ya se ko.

Mə̀Hibrù 1:2

Àsi inga ìwa nyùmə̀ gho̰ ne isəg we se nwìyḛ̀, wì ya se ghàmà ina anjìm Ŋwan Məd. À ya anjìm Ŋwan məd we ne Ŋwiye ya tangi isəg ijìm. Ŋwiye bə̀ chɔʼ aməd nɔ̀ŋì gha wì ya tùmbə̀ ighi ijìm.

Ɨnû 1:6

Wì ya chɔʼ awa ane məfɔn bə̀ fɔrɔ ane bəd àfàʼì inga anug ìfɔ̀n Ŋwiye. Wì ya ghì ane ni gha tì se fàʼà abə Ŋwiye ne bə yaʼ Mbaʼ məd. Tì ghumni Yeso Kristo ne beri ika ni tùmbì isəg kwàʼ ane ighə̀m imɔʼ! À ya ane.

Ɨnû 10:6

Wì ya nɔ̰ abo ikaŋ ane, bḛ zɔ̀m gha, “Chəyi mbi biri ywìri chìkì nyumə̀.” Wì ya ghàm ane ane ikum Ŋwiye we ne yaʼi izɔm kwàʼ ane ighə̀m imɔʼ, ne ya tangi ikaŋ fɔrɔ ìseg bə̀ tàngi igyi tìbà bə̀ tàngi ighi ijìm mbe ne yaʼi inga isiŋi mbo̰ ijìm.

Ɨnû 14:7

Wì ya ghà ane gì ka ka gha, “Mbə̀ bɔ Ŋwiye bə̀ nàʼ ighumni ibo imbə̀ʼ icheg ne nyùmə̀ we ne məd biri saʼ bəd fə kòʼ. Mbə̀ ghumni aməd we ne ya tangi ikaŋ àbɔ̀ŋɔ, tàngi ìseg, tàngi igyi tìbà bə̀ tàngi ìdùrì!”

Ɨnû 19:1

Anyumə̀ ne azo̰ tì anug ya chè, mə̀ ya zug aghi mɔ̀ʼɔ ikaŋ àbɔ̀ŋɔ ne ya yaʼi icheg gì inɔ̰ bəd ne yaʼi kwàʼ ìwi kyen. Gì ze yaya ghà ane ika gha, “Tì ghumni Ŋwiye! Məd we pùmnə bəd. Bəd ghumni aməd. Məd bèrì ika!

Ɨnû 5:12

Mbi ya zə̀ʼ ikyeg ane gì ka ka gha, “Ŋwan njə̀g we ne mbi ya kyemi we kòʼ gha mbe naʼa ika ibo, nàʼ ighi ibo, nàʼ iwe ibo, nàʼ ighumni ibo bə̀ nàʼ məyakà ibo.”

Ɨnû 5:2

Mə ya bə̀ bàd angirə̀ ka ka mɔ̀ʼɔ ne yaya ghàmà ane gì ka ka gha, “Wə̀d ne koʼi ni chi ìnen we fìʼì àŋwàʼrì ze àkə we?”

Ɨnû 5:9

Mbi ya zə̀ʼ ikyeg feg gha, “Àghò taŋ kòʼ ni niŋ àŋwàʼrì ze ne mbe kàri kari chì ìnen, fìʼì. À ya ane imbə̀ʼ icheg ne mbi ya kyemi awe. Ane, anjìm anəm ze ne àghò ya tùti igun azed abaʼri, àghò fə zèri bəd chì inga ngəʼ ghì mbi si yaʼ bəd Ŋwiye. Bəd mbo̰ ne àghò zo̰ ya bəd inga tinəbi ijìm, fɔrɔ inga tìngam ijìm, fɔrɔ inga isiŋi ijìm, bə̀ fɔrɔ inga iben ijìm.