Ɨnû 4:10 - Ikan feg

¹⁰ Anyumə̀ ne mbɔb mbe ghùmnə aməd we ne chughi igun atən ifɔn ze, itog bəd mbe ìghum ibe chɔ̀b ikwè ya chìyè ìmbɔb ighi atog ifɔn nɔ̀ŋɔ̀ aseg ibo imbìghè, məd we ne yaʼi izɔm kwàʼ ane ighə̀m imɔʼ. Mbɔb ya chìyè ìmbɔb ighi atog nɔ̀ŋì aseg se ghùmnə aməd gha,

Meta’

¹⁰ bə̂d kyeŋ mbe ɨwum be chɔ̀b rɨkwè gundɨ ə si ɨfě məd we nɨ chub ɨgun ətən ɨfɔ̀n, wumnɨ əməd we nɨ ten i koŋ. Mbɨ màʼrɨ̀ tə rɨdəm mɨfɔ̀n ə si ɨfě ətən ɨfɔ̀n ze, kwerɨ ɨkyî ghà ni,

Ɨnû 4:10 ပူးပေါင်းရင်းမြစ်များ

Matìyò 2:11

Anyumə̀ ne mbɔb ya pè inga nəb ze ne ŋwan we ya yaʼi inga, mbɔb ya bàd ŋwan we bə̀ bàd Mèri ngɔb məd. Mbɔb ya gundi aseg ghùmni ŋwan we, nɔ̀ʼ fìʼì ìmbɔb mbì tìkub chì ighi inga, fà ŋwan we. Mbɔb ya nàʼ gol tì frankinsèns fɔrɔ mər.

Lk 24:52

Mə̀mə̀nənùg mbe ya se ghùmnə aməd. Mbi ya bə̀ se taŋ gyènde ghò a Jèrusalèm.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

Ɨnû 10:6

Wì ya nɔ̰ abo ikaŋ ane, bḛ zɔ̀m gha, “Chəyi mbi biri ywìri chìkì nyumə̀.” Wì ya ghàm ane ane ikum Ŋwiye we ne yaʼi izɔm kwàʼ ane ighə̀m imɔʼ, ne ya tangi ikaŋ fɔrɔ ìseg bə̀ tàngi igyi tìbà bə̀ tàngi ighi ijìm mbe ne yaʼi inga isiŋi mbo̰ ijìm.

Ɨnû 11:16

Itog bəd mbe ìghum ibe chɔ̀b ikwè ne ya chughi igun ìmbɔb itən imbìghè abə Ŋwiye ya gundi nɔ̀ŋì tìfe aseg se ghùmnə Ŋwiye gha,

Ɨnû 15:4

O Anɔŋisəg! Àkə we ne chəyi wì biri bɔ awe? Àkə we ne chəyi wì biri ghumni awe? À ya məyi àghò tèzìʼì ne zḛ. Bəd inga iben ijìm biri yeʼe se ghùmnə awe ine imbìghè imbə̀ʼ icheg ne àghò fə ghì wə̀d ijìm bàd ìmbe ìfàʼì ne təm kòʼ.”

Ɨnû 15:7

Ane, aghi azɔm mɔ̀ʼɔ abɔ̀ʼ ighi izɔm mbe ikwè ya nàʼ ikaŋ gol ìsàmbe abə mbè angirə̀ mbe ìsàmbe. Aghi ne ya sweghi inga ikaŋ mbe ya agaŋ Ŋwiye we ne yaʼi izɔm kwàʼ ane ighə̀m imɔʼ.

Ɨnû 19:4

Itog bəd mbe ìghum ibe chɔ̀b ikwè tì ighi izɔm mbe ikwè ya gundi aseg ghùmni Ŋwiye ne ya yaʼi ichughi igun atən ifɔn. Mbi yaya ghùmnə ghà gha, “À ya ane! Tì ghumni Ŋwiye!”

Ɨnû 4:2

Kwàʼ ati ati, Azwighi Ŋwiye ya ghì mə bàd atən ifɔn mɔ̀ʼɔ ikaŋ àbɔ̀ŋɔ ne wə̀d mɔ̀ʼɔ yaʼi igun ichughi.

Ɨnû 4:4

Itən ifɔn ndəŋ ìghum ibe chɔ̀b ikwè ya ywìrì kad atən ifɔn ze chuʼ. Itog bəd mɔ̀ʼɔ ìghum ibe chɔ̀b ikwè ne ya zì ndwi fu fu bə̀ zì ighi itog ifɔn ne mbi tangi ane gol ya yaʼ ichughi igun itən ifɔn mbe.

Ɨnû 4:9

Ighəm ijìm, ighi izɔm mbo̰ ikwè ya zə̀ʼə̀ ikyeg ghùmnə wə̀d we ne chughi igun atən ifɔn ze bə̀ nàʼà məyakà ibo, məd we ne yaʼi izɔm kwàʼ ane ighə̀m imɔʼ.

Ɨnû 5:14

Ighi izɔm mbe ikwè ya ywìtì gha, “À ya ane!” Itog bəd mbe ya gundi aseg ghùmni Ŋwiye bə̀ ghùmni Ŋwan njə̀g.

Ɨnû 5:8

Anyumə̀ ne wì ya niŋi àŋwàʼrì ze, ighi izɔm mbe ikwè tì itog bəd mbe ìghum ibe chɔ̀b ikwè, ya gundi aseg imbìghè abə Ŋwan njə̀g we. Wə̀d mɔ̀ʼɔ imɔʼ abɔ̀ʼ inɔb ya nyimi inɔŋi ngyeŋ bə̀ nyìmi ikaŋ ne mbi ya tangi ane gol. Ìnen ya sweg inga ikaŋ mbe. Ìnen we ya ichaʼri Ŋwiye ìwi bəd Ŋwiye.

Ɨnû 7:11

Mbè angirə̀ mbe məjìm ne ya təm chè kad atən ifɔn ze, bə̀ chè kad bəd kyen mbe, bə̀ chè kad fɔrɔ ighi izɔm mbe ikwè, mbi ya gùg nɔ̀kì aseg tikubə imbìghè abə atən ifɔn ze, ghùmni Ŋwiye.