Ɨnû 4:1 - Ikan feg

¹ Anyumə̀ ne angirə̀ ya màni ni ghàm imbə̀ʼ tikən te tijìm, mə̀ ya nèn ikaŋ àbɔ̀ŋɔ bàd inuʼ nəb mɔ̀ʼɔ ijə. Mə ya ywìrì zug gì mɔ̀ʼɔ icheg ìzi mbègtog. Gì ze ya ghàm icheg tàŋ ne mbi fə. Zì ya ghà inum gha, “Kɔʼ yèʼe aŋa, mə biri chwi inug ne biri dù ine ane nyùmə̀ gho̰ fə che.”

Meta’

¹ Ənɨ mə nyaʼa fə zə ɨnû mbɔ̂ jìm, mə nyaʼa neŋ ɨkaŋ, əne zə ɨchû nəb əfìʼə. Gɨ̂ ze nɨ mə̀ nyaʼa be zu nɨ nyaʼə ghàm ɨ num ɨghabɨ ə taŋ, nyaʼa ghà ni, “Kɔʼ yeʼe əgha. Ənɨ ɨnû mbɔ̂ fə che, mə bɨrɨ chwi ɨnû mbe nɨ berɨ ghɨ̀ ɨ ne.”

Ɨnû 4:1 ပူးပေါင်းရင်းမြစ်များ

Matìyò 3:16

Anyumə̀ ne Yeso ya fə niŋi mənib, wì ya dù inga igyi we. Kwàʼ ati ati, ikaŋ àbɔ̀ŋɔ ya fìʼè, wì bàd Azwighi Ŋwiye ne ya swiʼi yèʼe icheg bupə pè nàŋa igun məd.

Mk 1:10

Anyumə̀ ne Yeso yaya dùwə̀ inga igyi we, wì ya bàd icheg ne ikaŋ àbɔ̀ŋɔ fiʼe, bə̀ bàd Azwighi Ŋwiye ze swìʼe yèʼe igun məd icheg bupə.

Lk 3:21

Anyumə̀ ne bəd məjìm ya niŋi mənib, Yeso ya bə̀ niŋ mənib. Icheg ne wì yaya chàʼrà Ŋwiye, ikaŋ àbɔ̀ŋɔ ya fìʼè,

Jn 16:13

Anyumə̀ ne Azwighi Ŋwiye ze ne ghìyə̀ bəd kyere tesiʼ biri yeʼe, wì biri chwiye tesiʼ ijìm inən. Chəyi wì biri ya ghàmà yaʼ ane ìwi ighəm. Wì biri ya ghà məyi anug ne wì zughi. Wì biri ghà inug ne kiri yeʼe inən.

Ɨ̀fàʼì 10:11

Wì ya bàd icheg ne ikaŋ àbɔ̀ŋɔ fiʼe, bə̀ bàd aghi mɔ̀ʼɔ icheg abo ndwi kyen ne ya swiʼi ikaŋ yèʼe igun isəg. Abo ndwi ze yaya swìʼe yèʼe aseg icheg ze ne mbi nyimi ane tibug tikwè.

Ɨ̀fàʼì 7:56

Wì ya bàd ane si ghà gha, “Mbə̀ nḛ! Mə we bàrà icheg ne ikaŋ àbɔ̀ŋɔ fiʼe bə̀ bàrà icheg ne Ŋwan Wə̀d tə̀mi aba abo jəghi Ŋwiye.”

Ɨnû 1:10

À ya yaʼ igun aneg ze ne bəd Kristo mbe ghùmnə Anɔŋisəg, Azwighi Ŋwiye ya nyi inga inum, mə zug gì ka ka inum anjìm. Gì ze ya ghàm icheg tàŋ gha,

Ɨnû 1:12

Mə ya ghabri nèn ni bàd wə̀d ne ghàmà inum. Anyumə̀ ne mə̀ ya ghabri nèn ane, mə̀ ya bàd itən inam ìsàmbe ne mbi tangi ane gol.

Ɨnû 1:19

Ane, ŋwàʼra inug ijìm mbe ne àghò fə bàri. À ya inug mbe ne yaʼi amad anìŋ tì inug mbe ne biri si dù anjìm.

Ɨnû 11:12

Ane, bədkə̀n mbe məbe ya zug gì ka ka ikaŋ àbɔ̀ŋɔ ne ya kyḛ gha, “Mbə̀ yèʼe aŋa!” Pàʼ ya bèʼì awɔb ghò ikaŋ àbɔ̀ŋɔ. Ìmbɔb bəd ìpàb ya təm se nḛ̀ icheg ne mbe kɔ̀ʼɔ ghò.

Ɨnû 11:19

Ane, mbi ya si fìʼì mbàn Ŋwiye ze ikaŋ àbɔ̀ŋɔ, bàd gha tìkub mə̀nɔ̀ʼɔ̀ Ŋwiye ya yaʼ angu. Àŋwàŋwaŋ ya ŋwàŋ, isiŋi kùm, mbə̀ŋ kum, isiŋi ghùd, afim ka ka chè, awḛ nɔʼ nɔʼ bə̀ fèndi.

Ɨnû 16:17

Angirə̀ we ne pè ane ìsàmbe ya kwebi agaŋ ze ne ya yaʼi inga akaŋ məd inga ifə. Anyumə̀ ne wì ya kwebi ane, gì ka ka ya dù inga atən ifɔn ze ne yaʼi inga mbàn Ŋwiye. Zì ya gha, “Inug ijìm fə mèg!”

Ɨnû 19:11

Mə ya bàd icheg ne ikaŋ àbɔ̀ŋɔ fiʼe, bə̀ bàd nyam mə̀kara fu fu mɔ̀ʼɔ angu. Mbi ya kàrà mbaŋà ze ne kɔ̀ʼɔ nyam mə̀kara ze ane Wə̀d inug tesiʼ bə̀ kàrà ane Wə̀d ne ghà anug bə̀ fàʼà. À ya wə̀d ne sàʼa bəd bə̀ màʼà ibid ane icheg ne koʼi.

Ɨnû 22:6

Angirə̀ we ya ywìrì ghà inum gha, “Ŋwiye we ghà tesiʼ. Ane, tì kòʼ ni bḛ ìngam məd. Anɔŋisəg Ŋwiye ne nàʼà àzi Azwighi abə ìmbi bədkə̀n fə chà ìwi angirə̀ gha wì chwi inug ne biri zàmbi dù abə ìmbi bəd àfàʼì”.