Ɨnû 3:8 - Ikan feg

⁸ Mə kyèri inug mbe ne àghò we ghìyə̀. Nḛ, mə fə fìʼì inuʼ nəb ine ne chəyi tì wə̀d wubì. Mə kyèri gha ìwe ika kə yi, si ya gha, àghò fə ghì inug mbe ne mə̀ ya gha ine. Mə bə̀ kyèri gha, chəyi àghò to̰ amə .

Meta’

⁸ Mə kyerɨ ɨnû mbe nɨ àwɔ̀ ə ghɨ̀ə̀. Zə, mə fə fìʼ ɨchû nəb ɨ ne nɨ chəi wə̀d nɨ tɨ̀ wɨ̀ wùb. Mə kyerɨ ni e ɨka ə kə, àyɨə à fə ghɨ̀ ɨnû mbe nɨ mə̀ nyaʼa gha ɨ ne. Mə bə̀ kyerɨ ni chəi à ton əmɨ.

Ɨnû 3:8 ပူးပေါင်းရင်းမြစ်များ

Lk 12:9

Àsi bəd ne to̰ awɔb awum asaŋ asaŋ, Ŋwan Wə̀d biri bə to̰ yi awɔb imbìghè abə mbè angirə̀ Ŋwiye.

Jn 15:20

Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Jn 17:6

Yeso ya bə̀ chè imbìghè ni ghà abə Ŋwiye gha, “Bəd mbe ne àghò ya chi inga isəg nàʼ inum, mə fə ghì mbi kyeri awe. À ya ìmbe bəd ne àghò ya nàʼi awɔb inum. Mbɔb fə bə̀ zùgri ìwe ìngam.

Ɨ̀fàʼì 14:27

Anyumə̀ ne mbi ya pe a Antìyɔ̀g, mbi ya feti bəd Kristo məjìm, ghà inug ijìm mbe ne Ŋwiye ya ghi anjìm inɔb bə̀ ghà icheg ne wì ya fìʼì inɔnjì abə bəd mbe ne kayi mə̀Ju gha mbe nɔŋi ibḛfiŋ igun Kristo.

1 Kɔrèn 16:9

Mə biri chughi angu ane imbə̀ʼ icheg ne Ŋwiye fə fìʼì apan chɔm inum ni fàʼ àfàʼì kyen kyen angu. Ŋwiye fìʼì ane, si ya gha, chəyi bəd nɔʼ nɔʼ kə̀bi gha mə faʼa àfàʼì ze.

2 Kɔrèn 2:12

Anyumə̀ ne mə̀ ya gho a Truwàs ni chètì ikən chɔm imbə̀ʼ Kristo, mə̀ ya pè bàd gha Anɔŋisəg fə nàʼ apan inum ni fàʼ ibo angu.

Fìlipì 4:13

Tesiʼ ya gha, mə we tì mə fàʼ inug ijìm anjìm Kristo ne nàʼà ika inum.

Kòlosè 4:3

Mbə̀ bə chàʼra Ŋwiye ina gha wì fiʼe inɔnjì ina tì chete ìwa ikən chɔm we ne ya yaʼi inə̀mbi imbə̀ʼ Kristo. À ya anjìm ikən we ne mə̀ yaʼi inga nəb ndəŋ .

1 Timotì 5:8

Wə̀d mə to̰ yi ni wètì ìmbi ifud, ako ako bəd mbe ne yaʼi inəbi məd, tengàŋ fə waʼ ìwi ibḛfiŋ. Iku wə̀d we bə chè wə̀d ne chəyi wì bḛ Kristo.

2 Timotì 4:7

Mə fə zɔ̀ŋ àzɔ̀ŋì chɔm ni fàʼ abə Kristo. Mə fə nòtò ghò pè ane ìnwḭ. Mə fə nɔ̀ŋì ìmə ibḛfiŋ igun Kristo ghò pè ane ìnwḭ.

Jûd 1:4

Mə ya ghàmà anìŋ imbə̀ʼ icheg ne bəd mɔ̀ʼɔ ne chəyi mbe ghùmnə Ŋwiye fə nyaʼ nyi se abɔ̀ʼ inən. Mbɔb fə niŋ anug imbə̀ʼ ìchɔ̀mì we ne ìwa Ŋwiye we ghìyə̀ bə̀ŋì ane apan ni ghì ifanì inug. Mbɔb mbe bə̀ to̰ awɔb Yeso Kristo ne ya məyi məd yaʼi ìwa Mbaʼ àfàʼì bə̀ yaʼ ìwa Anɔŋisəg. Àŋwàʼrì Ŋwiye ya fə ghùm ghà icheg ne Ŋwiye biri chə awɔb.

Ɨnû 2:13

Mə kyèri asiŋi ze ne àghò we chùghə angu. À ya asiŋi ze ne atən ifɔn àzi Sàtàn yaʼi angu. Si ya gha, àghò nyìmi ìmə ikum ane ìze fìŋ ijìm. Chəyi àghò ya waʼi anug ni nɔŋi fìŋ igun inum, ka bèyi ane nyùmə̀ Antipàs we ne yaya ghà inug imbə̀ʼ amə ane ìzi fìŋ ijìm. Mbi ya zweti aməd inga àzən aben, asiŋi ne Sàtàn we chùghə.

Ɨnû 2:2

mə kyèri inug mbe ne àghò we ghìyə̀. Mə kyèri icheg ne àghò fə fàʼi ane ika bə̀ kyèri icheg ne àghò fə nyìʼi inug aton ngəʼ. Mə kyèri gha chəyi àghò kɔ̀ŋi ni bàd bəd mbe ne ghìyə̀ inug tibɔ̀ŋ. Mə bə̀ kyèri gha àghò fə kwàʼrì bəd mbe ne gha mbɔb ya bədtɔm ne mbɔb kayi bədtɔm. Àghò fə kwàʼrì ane bàd gha mbɔb ya bəd inug ako.

Ɨnû 22:7

Yeso gha, “Mbə̀ zug, mə biri zàmbi yeʼe! Ŋwiye zì àbɔrɔ̀bɔd igun bəd mbe ne zùgrə inug mbe ne mbi ŋwaʼri inga àŋwàʼrì azo̰”.

Ɨnû 3:1

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Sadìs gha, ‹Ìngam gho̰ nɔ̀ʼ abə wə̀d we ne nyìme izwighi Ŋwiye mbe ìsàmbe bə̀ nyìme titəm iməg te ìsàmbe. Mə kyèri inug mbe ne àghò we ghìyə̀; mə kyèri gha àghò we ghìyə̀ icheg ni gha àghò we kiri biri izɔm, si ya gha, àghò fə ku.

Ɨnû 3:10

Icheg ne àghò fə nyimi fìŋ nyìʼ inug icheg ne mə̀ ya gha ine, mə biri nə̀m awe ane nyùmə̀ we ne ngəʼ biri yeʼe igun isəg ijìm ni kwàʼrì bəd mbe ne yaʼi igun isəg.

Ɨnû 3:15

Mə kyèri inug mbe ne àghò we ghìyə̀. Chəyi àghò we nɔ̀mɔ̀ kə̀ bə̀ zùyə̀. Mə kə̀b gha àghò ya nɔ̀mɔ̀ kə̀ gha àghò ya zùyə̀!

Ɨnû 3:7

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Fìlàdefìyà gha, ‹Ìngam gho̰ nɔ̀ʼ abə wə̀d ìzḛzḛ we ne yaʼi tesiʼ. Məd bèrì afiʼì ze ne yaʼi àzi ifɔn Dèvid. Wì mə fìʼì nəb, chəyi wə̀d ne tì wì wùbì. Wì mə wùbì nəb, chəyi wə̀d ne tì wì fiʼì.