Ɨnû 3:7 - Ikan feg

⁷ Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Fìlàdefìyà gha, ‹Ìngam gho̰ nɔ̀ʼ abə wə̀d ìzḛzḛ we ne yaʼi tesiʼ. Məd bèrì afiʼì ze ne yaʼi àzi ifɔn Dèvid. Wì mə fìʼì nəb, chəyi wə̀d ne tì wì wùbì. Wì mə wùbì nəb, chəyi wə̀d ne tì wì fiʼì.

Meta’

⁷ Ə̀nùŋɨ̀sɨg nyaʼa bə̀ gha ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Fìlàdelfià ni, 'Ɨŋgam wɔ̂ yɨ rɨ əmbɨ wə̀d we nɨ zeŋɨ, nɨə bə̀ ghà rəsìʼ. Məd ə berɨ əfiʼ ze nɨ yeʼ əzɨ ɨfɔ̀n Dèvîd. Wɨ̀ mɨ fiʼ nəb, chəi wə̀d nɨ tɨ̀ wɨ̀ wùb. Wɨ̀ mɨ wùb nəb, chəi wə̀d nɨ tɨ̀ wɨ̀ fìʼ.

Ɨnû 3:7 ပူးပေါင်းရင်းမြစ်များ

Matìyò 16:19

Mə biri nàʼ afiʼì anug ìfɔ̀n ikaŋ ine. Anug ne àghò to̰ igun isəg, Ŋwiye biri bə ton ikaŋ àbɔ̀ŋɔ. Anug ne àghò bḛ igun isəg, Ŋwiye biri bə bḛ ikaŋ àbɔ̀ŋɔ”.

Matìyò 24:35

Ikaŋ àbɔ̀ŋɔ tì isəg biri chè, si ya gha, chəyi ìmə ìngam biri nɔ̀ʼɔ chè ako.”

Mk 1:24

Wì ya kyḛ ane gì ka ka gha, “Yeso a Nazarèd! Àghò kə̀ beri anug aghə ne ghì tì ina? Àghò wa yèʼe ni nimni awa? Mə kyèri wə̀d ne àghò yaʼi ìwiwən. Àghò ya Wə̀d ìzḛzḛ we ne Ŋwiye tɔ̀mi.”

Lk 1:32

Məd biri yaʼ kwàʼ ijiʼi wə̀d. Bəd biri ya kàrà aməd gha Ŋwan Ŋwiyekɔʼ. Ŋwiye ne yaʼi Anɔŋisəg biri zɔʼ aməd ane ifɔn icheg ne wì ya zɔʼi mbaʼ kyen məd, Dèvid.

Lk 4:34

“Eyì! Yeso a Nazarèd; Aghi ne àghò bèrì ni ghì tì ina àkə aghə? Mə kyèri wə̀d ne àghò yaʼi ìwiwən. Imbə̀ʼ àghò yèʼe anìŋ ni nimni awa? Àghò ya Wə̀dtɔm Ŋwiye ne zḛ.”

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Ɨ̀fàʼì 3:14

Mbə̰ ya ton awən wə̀d ne təmi kòʼ bə̀ təm zen, ghà àzən gha mbe saŋa yaʼ wə̀d ne ya zweti wə̀d.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

Ɨnû 1:11

“Ŋwàʼra inug mbe ne àghò we bàrà inga àŋwàʼrì. Àghò ŋwaʼra inug mbe chà abə tifeti bəd Kristo te ìsàmbe ne yaʼi a Efesùs, tì Sìmayinà, tì Pègamùm, tì Tìyàtirà, tì Sadìs, tì Fìlàdefìyà fɔrɔ Làwùdisìyà.”

Ɨnû 1:18

Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

Ɨnû 15:3

Mbɔb yaya zə̀ʼə̀ ikyeg we ne Muse, wə̀d àfàʼì Ŋwiye ya zə̀ʼi. À ya ikyeg ne Ŋwan njə̀g ya bə zə̀ʼ. Ikyeg we ya gha, “Àghò we fàʼà iyeti inug kyen kyen. Àghò ya Anɔŋisəg, Ŋwiyekɔʼ. Ìmbe mənɔnjì təm kòʼ bə̀ yaʼ mənɔnjì tesiʼ. Àghò ya ifɔn igun bəd məjìm inga iben ijìm.

Ɨnû 16:7

Mə ya zug gì ne yaya kyḛ inga ikwijə̀ŋ àfàtì. Zì yaya kyḛ ghà gha, “E, Anɔŋisəg Ŋwiyekɔʼ, icheg ne àghò we sàʼa bəd we taŋ kòʼ bə̀ yaʼ ikuchèg tesiʼ!”

Ɨnû 19:11

Mə ya bàd icheg ne ikaŋ àbɔ̀ŋɔ fiʼe, bə̀ bàd nyam mə̀kara fu fu mɔ̀ʼɔ angu. Mbi ya kàrà mbaŋà ze ne kɔ̀ʼɔ nyam mə̀kara ze ane Wə̀d inug tesiʼ bə̀ kàrà ane Wə̀d ne ghà anug bə̀ fàʼà. À ya wə̀d ne sàʼa bəd bə̀ màʼà ibid ane icheg ne koʼi.

Ɨnû 19:2

Tì ghiyə ane imbə̀ʼ icheg ne məd we sɔ̀bɔ isaʼi igun bəd ane ikuchèg ne taŋ kòʼ. À ya bə̀ ikuchèg tesiʼ. Wì fə zì ichə igun àkwàrì aka ze ne yaya chìkə̀ isəg icheg ne ze yaya nɔ̀kɔ̀ mbaŋà abu abu. Ŋwiye fə zì ichə igun məd imbə̀ʼ icheg ne wì ya zweti bəd àfàʼì Ŋwiye.”

Ɨnû 2:1

Anɔŋisəg ya ghà inum gha, “Ŋwàʼra abə angirə̀ we ne kyèʼè ifeti bəd Kristo we a Efesùs gha: ‹Wə̀d we ne nyìmi titəm iməg te ìsàmbe inga àzi abo jəghi, ne wì ya yḛ̀ inga itən inam mbe ìsàmbe ne mbi tangi ane gol, wè gha,

Ɨnû 21:5

Məd we ne ya chughi igun atən ifɔn ze ya gha, “Mbə̀ nḛ, mə tàngi ighi ijìm ane mbi feg!” Wì ya bə̀ ghà inum gha, “Àghò ŋwaʼra anug azo̰ imbə̀ʼ icheg ne inug mbo̰ ya inug tesiʼ ne tì bəd bḛ.”

Ɨnû 3:14

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼrè ifeti bəd Kristo we a Làwùdisìyà gha, ‹Ìngam gho̰ nɔ̀ʼ abə wə̀d we ne ikum məd ya À ya ane. Məd ya ghàmà tesiʼ. Məd ya bə̀ ghìyə̀ inug mbe ne wì gha. Ŋwiye ya chè anjìm məd tàngi ighi ijìm.

Ɨnû 4:8

Ighi izɔm mbo̰ ijìm ya bèrì tibabì tìfughə bə̀ bèrì aghə isiŋi ijìm fɔrɔ aton tibabì. Mbi yaya zə̀ʼə̀ ikyeg tisi ijìm fɔrɔ tizimi ijìm gha, “Anɔŋisəg, Ŋwiyekɔʼ, Àghò zen, Àghò zen, Àghò zen. Àghò ne ya bi yaʼ, ne yaʼi amad anìŋ, ne biri ywiri yeʼe.”

Ɨnû 5:9

Mbi ya zə̀ʼ ikyeg feg gha, “Àghò taŋ kòʼ ni niŋ àŋwàʼrì ze ne mbe kàri kari chì ìnen, fìʼì. À ya ane imbə̀ʼ icheg ne mbi ya kyemi awe. Ane, anjìm anəm ze ne àghò ya tùti igun azed abaʼri, àghò fə zèri bəd chì inga ngəʼ ghì mbi si yaʼ bəd Ŋwiye. Bəd mbo̰ ne àghò zo̰ ya bəd inga tinəbi ijìm, fɔrɔ inga tìngam ijìm, fɔrɔ inga isiŋi ijìm, bə̀ fɔrɔ inga iben ijìm.

Ɨnû 6:10

Mbɔb ya biri ane gì ka ka gha, “Atumbisəg, àghò ya Ŋwiye ìzḛzḛ bə̀ Ŋwiye tesiʼ. Agha kə ywìrì sà iye bɔŋ àghò sɔb isaʼi igun bəd igun isəg bə̀ chə awɔb imbə̀ʼ icheg ne mbi ya zweti awa?”