Ɨnû 3:5 - Ikan feg

⁵ Wə̀d ne che àkwàʼrì biri bə zì ndwi fu fu icheg inɔb. Chəyi mə̀ biri nimni ikum məd inga àŋwàʼrì ze ne mbi ŋwàʼri tikum bəd mbe ne biri jəg ìtḛ̀. Mə biri ghà imbìghè abə ìmə Mbaʼ bə̀ ghà imbìghè abə mbè angirə̀ məd gha mə kyèri tengàŋ.

Meta’

⁵ Wə̀d we nɨ baŋ ɨnû rɨbɔ̀ŋ bɨrɨ bɨ zɨ ngywɨ̌ tɨ rɨ̀fɨ ɨghabɨ mɨ̀mə̌d. Chəi mə̀ bɨrɨ nimnɨ ɨkum məd rɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Mə bɨrɨ gha ɨfě mɨ Mbǎʼ bə̀ ghà ɨfě mbɨ̀aŋgɨrə̀ məd ni mə kyerɨ əməd.

Ɨnû 3:5 ပူးပေါင်းရင်းမြစ်များ

Matìyò 10:32

Yeso ya chè imbìghè gha, “Wə̀d ne bḛ imbìghè abə bəd gha zìye kyèri amə, mə biri bə bḛ imbìghè abə ìmə Mbaʼ we ne yaʼi ikaŋ àbɔ̀ŋɔ gha mə kyèri aməd.

Lk 10:20

Ane, imbə̀ʼ mbə̰ si ya gyènde awən gha izwighi tibɔ̀ŋ mbe zùgrə awən. Mbə̀ ya gyènde gha Ŋwiye ŋwàʼrì ìtən tikum inga àŋwàʼrì ikaŋ àbɔ̀ŋɔ.”

Lk 12:8

Mə ghà tesiʼ inən, bəd ne bḛ asaŋ asaŋ gha mbɔb ya ìmbum bəd, Ŋwan Wə̀d biri bə bḛ awɔb imbìghè abə mbè angirə̀ Ŋwiye.

Fìlipì 4:3

E! mə we bə̀ gha ine, àghò ne fàʼà tì inum ane ìze fìŋ ijìm gha àghò wete mə̀yi mbo̰ ghì mbe mana àzɔb achɔb. À ya mə̀yi ne yaya kìrə ika fàʼà tì inum anyumə̀ ne mə̀ yaya chètè ikən chɔm imbə̀ʼ Kristo. Anyumə̀ we, tì yaya fàʼà tì Klemèn fɔrɔ bəd àfàʼì ndəŋ. Ìtɔb tikum ti inga àŋwàʼrì ze ne mbi ŋwàʼrì tikum bəd mbe ne biri jəg ìtḛ̀.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.

Ɨnû 13:8

Bəd ne yaʼi igun isəg məjìm biri ghumni nyam kyen ze, chèyi ane bəd mbe ne Ŋwan njə̀g we ne mbi ya zweti ya fə ŋwàʼri ìtɔb tikum inga àŋwàʼrì ze ne wì ŋwàʼri tikum bəd mbe ne biri jəg ìtḛ̀. Wì ya fə ghum ŋwàʼri ane bɔŋ se tànga isəg.

Ɨnû 17:8

Nyam kyen ze ne àghò ya bàri ya kweʼì yaʼ izɔm. Si ya gha, amad anìŋ, zì fə ku. Zì biri kɔʼ dù inga ibighi kyen we ne chəyi ìnwḭ, si ghò inga asiŋi ze ne zì biri ku nim angu. Anug biri chè bəd mbe ne yaʼi igun isəg ne chəyi mbi ŋwaʼri ìtɔb tikum inga àŋwàʼrì ze ne bɔŋ Ŋwiye ya se tànga isəg wì ya fə ŋwàʼri tikum bəd mbe ne biri jəg ìtḛ̀ inga. Anug biri chè awɔb imbə̀ʼ icheg ne nyam ze ya kweʼì yaʼ izɔm, amad anìŋ zì fə ku. Si ya gha, zì biri ywiri dù.”

Ɨnû 19:8

Ŋwiye fə nàʼ ndwi àka inun ne mbi tangi ane linèn ibo gha wì ziye. kwàʼ ndwi njàndi njàndi ne zḛ.” (Ndwi àka inun ze ya inug chɔm mbe ne bəd Ŋwiye mbe ne təmi zen mbe ghìyə̀.)

Ɨnû 2:11

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo. Wə̀d ne che àkwàʼrì, chəyi iwu we ne pè ane ibe biri bètì aməd.›”

Ɨnû 2:7

Wə̀d ne tì wì zug anug, wì zug anug ne Azwighi Ŋwiye ze ghà abə tifeti bəd Kristo. Mə biri nàʼ ika abə bəd mbe ne bà̰ inug tibɔ̀ŋ gha mbe jəg ane azed ze ne ghìyə̀ gha bəd jəg ìtḛ̀. Azed ze ya inga Paràdayìs Ŋwiye.”

Ɨnû 20:12

Mə ya bàd bəd ne ya fə ku, mbi kwa kwa fɔrɔ mbi kyen kyen. Mbi ya təm imbìghè abə atən ifɔn ze. Mbi ya fìʼì ìŋwàʼrì. Mbi ya bə̀ fìʼì àŋwàʼrì ndəŋ. À ya àŋwàʼrì ne tikum bəd mbe ne biri jəg ìtḛ̀ yaʼi inga. Mbi ya saʼ bəd mbe ne ya fə ku icheg ne ìtɔb tìghinùg ya chwi inga ìŋwàʼrì mbe.

Ɨnû 20:15

Wə̀d ne chəyi mbi ya bàri ikum məd inga àŋwàʼrì abɔ̀ʼ bəd mbe ne biri jəg ìtḛ̀, mbi ya màʼ aməd inga atəŋ iywid kyen ze.

Ɨnû 21:27

Chəyi aghi mɔ̀ʼɔ ne chəyi ze zḛ biri nɔʼ nyi inga aben ze, kə̀ àkə wə̀d ne ghìyə̀ inug ne nàʼà tìnìrètog, kə̀ wə̀d ne ghà inug ako. À ya məyi bəd mbe ne mbi ŋwaʼri ìtɔb tikum inga àŋwàʼrì Ŋwan njə̀g ze ne mbi ŋwaʼri tikum bəd mbe ne biri jəg ìtḛ̀ biri nyi inga aben ze.

Ɨnû 22:19

Wə̀d mɔ̀ʼɔ mə̀ chì anug mɔ̀ʼɔ inga inug mbe ne mbi ŋwaʼri inga àŋwàʼrì azo̰, chəyi Ŋwiye biri bḛ gha tengàŋ jəg titam ane azed ze ne nàʼà ìtḛ̀. Chəyi Ŋwiye biri bə bḛ gha tengàŋ nyi inga ikye aben ìzḛzḛ we ne mbi ŋwaʼri inga àŋwàʼrì azo̰.

Ɨnû 3:12

Mə biri nɔ̀ŋì wə̀d ne che àkwàʼrì wì yaʼ icheg ìte inga mbàn ìmə Ŋwiye. Chəyi wì biri nɔʼ dù inga mbàn ze. Mə biri ŋwàʼrì ikum ìmə Ŋwiye fɔrɔ ikum ikye aben Ŋwiye igun məd. Ikye aben we ya Jèrusalèm feg we ne Ŋwiye swi ikaŋ àbɔ̀ŋɔ. Mə biri bə ŋwàʼrì ìmə ikum feg igun məd.

Ɨnû 3:4

Si ya gha, bəd Kristo mɔ̀ʼɔ iki piʼì mbe a Sadìs ne chəyi mbi kiri kɔpi ìwɔb ikuchèg. Mbi biri zì ndwi fu fu se yḛ̀ tì inum imbə̀ʼ icheg ne mbe taŋ kòʼ ni ghì ane.

Ɨnû 6:11

Ane, mbi ya nàʼ ndwi màʼi fu fu abə wə̀d imɔʼ imɔʼ abɔ̀ʼ inɔb. Mbi ya bə̀ ghà inɔb gha, mbe ywìrì ghɔ̀m ane iki nyumə̀ iki piʼì ni ghì gha bəd fə màna zwèti inun bəd àfàʼì mbe ne yaʼi icheg inɔb, bə̀ zweti ìmbɔb məfi mbe ne kòʼi ni ku.