Ɨnû 3:4 - Ikan feg

⁴ Si ya gha, bəd Kristo mɔ̀ʼɔ iki piʼì mbe a Sadìs ne chəyi mbi kiri kɔpi ìwɔb ikuchèg. Mbi biri zì ndwi fu fu se yḛ̀ tì inum imbə̀ʼ icheg ne mbe taŋ kòʼ ni ghì ane.

Meta’

⁴ Àyɨə bə̂d mɔʼɔ rɨpiî mbɨ ə Sadìs nɨ chəi mbɨ kɨrɨ tab tə ngywɨ. Mbɨ bɨrɨ yen mbɨ num ɨŋga ngywɨ̌ tɨ rɨ̀fɨ, ɨmbə̀ʼ ɨghəm nɨ mbɨ kàŋ kùʼ nɨ ghɨ əne.

Ɨnû 3:4 ပူးပေါင်းရင်းမြစ်များ

Matìyò 10:11

Aben ne mbə̀ nyi inga, kə̀ àkə àze kyen kyen kə̀ àze kwa kwa, mbə̀ kəbə wə̀d ne tì mbə̰ chughi ibo inga achan anene pè ane aneg ne mbə̰ mbe dùwə̀ inga aben ze.

Mk 16:5

Anyumə̀ ne mbi ya nyi inga iseg we, mbi ya bàd ajɔŋ mɔ̀ʼɔ ne ya chughi aba abo jəghi. Wì ya zì ndwi se se ne fu fu. Mbi ya bàd ane, anug chè awɔb.

Lk 20:35

Àsi bəd ne biri kòʼ ni zweme bə̀ nyi inga nyùmə̀ isəg feg, chəyi mbi biri ya nàma kə̀ nàmna bɔn.

Lk 21:36

Mbə̀ ya we awən, chàʼrà Ŋwiye gha Ŋwiye ghiyə awən mbə kyeri inɔnjì ni nòrò abə inug mbe ne biri ghum dù. Ŋwiye bə ghì gha mbə koʼo ni təm imbìghè abə Ŋwan Wə̀d.”

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

2 Tès 1:5

Inug mbo̰ ijìm ya aneni ni chwi gha Ŋwiye ya sàʼa bəd ane ikuchèg ne koʼi. Àzo̰ chwi gha Ŋwiye biri ghì mbə̰ kòʼ ni nyi inga anug ìfɔ̀n məd anjìm ngəʼ ze ne mbə̰ mbe zə̰.

Jûd 1:23

Mbə̀ chiye bəd mɔ̀ʼɔ abɔ̀ʼ inɔb inga iywid, ghì mbe pum. Mbə̀ ya bèrè àsɔ̀mnəfiŋ igun wə̀d imɔʼ imɔʼ. Si ya gha, mbə̀ ya we awən imbə̀ʼ inug tibɔ̀ŋ mbe ne mbɔb mbe ghìyə̀ nɔ̀ʼ chè zɔʼ awən. Mbə̀ ba̰ ka bèyi ìtɔb ndwi imbə̀ʼ icheg ne ìmbɔb inug tibɔ̀ŋ fə zɔʼ ndwi te.

Ɨnû 1:11

“Ŋwàʼra inug mbe ne àghò we bàrà inga àŋwàʼrì. Àghò ŋwaʼra inug mbe chà abə tifeti bəd Kristo te ìsàmbe ne yaʼi a Efesùs, tì Sìmayinà, tì Pègamùm, tì Tìyàtirà, tì Sadìs, tì Fìlàdefìyà fɔrɔ Làwùdisìyà.”

Ɨnû 11:13

Kwàʼ anyumə̀ we, ìseg ya ghùd kwàʼ ane ika. Aba amɔʼ inga iba ìghum ane aben kyen ze ya sùyə̀. Bəd chuʼ ìsàmbe ya ku icheg ne isiŋi ya wùri sùyə̀. Àbùʼì bəd ze ne ya pumi yaya se bìnde nàʼà ighumni abə Ŋwiyekɔʼ ne yaʼi ikaŋ àbɔ̀ŋɔ.

Ɨnû 14:4

Bəd mbo̰ ya bəd mbe ne nɔŋi ìtɔb nyàmnyɔd ti zḛ icheg ne chəyi mbi ya nɔ̀ki mə̀yi abu abu. Bəd mbo̰ ya yaʼ fɔ̀d mbaŋà. Mbi yaya bène abɔ̀ʼ Ŋwan njə̀g isiŋi ijìm mbe ne wì yaya ghò. Mbi fə zeri awɔb inga àbùʼì bəd ze igun isəg, ane nàʼ abə Ŋwiye fɔrɔ abə Ŋwan njə̀g icheg ighi mbègtog ne mbi foʼi a mben.

Ɨnû 19:14

Tinɔ̰ mə̀sogyì mbe ne yaʼi ikaŋ àbɔ̀ŋɔ ya zì ndwi àka inun ne mbi tangi ane linèn ne zḛ bə̀ fùyə. Mbɔb ya kɔʼ igun nyam mə̀kara fu fu si bèni abɔ̀ʼ məd.

Ɨnû 19:8

Ŋwiye fə nàʼ ndwi àka inun ne mbi tangi ane linèn ibo gha wì ziye. kwàʼ ndwi njàndi njàndi ne zḛ.” (Ndwi àka inun ze ya inug chɔm mbe ne bəd Ŋwiye mbe ne təmi zen mbe ghìyə̀.)

Ɨnû 3:18

Ane, mə we nàʼà ikə ine gha, àghò zon gol inum, ne yaʼi gol we ne mbi tɔ̰ inga iywid, twi kwàʼ icheg chɔm. Àghò mə ghì ane àghò biri bèrì ighi. Àghò bə zon ndwi fu fu zì imbə̀ʼ chì tìnìrètog we ne bəd fə bàri gha àghò we tì ìkyèri ikye. Zon ifuʼ aghə, zì inga àze aghə imbə̀ʼ ywiri bàd isiŋi.

Ɨnû 3:5

Wə̀d ne che àkwàʼrì biri bə zì ndwi fu fu icheg inɔb. Chəyi mə̀ biri nimni ikum məd inga àŋwàʼrì ze ne mbi ŋwàʼri tikum bəd mbe ne biri jəg ìtḛ̀. Mə biri ghà imbìghè abə ìmə Mbaʼ bə̀ ghà imbìghè abə mbè angirə̀ məd gha mə kyèri tengàŋ.

Ɨnû 4:4

Itən ifɔn ndəŋ ìghum ibe chɔ̀b ikwè ya ywìrì kad atən ifɔn ze chuʼ. Itog bəd mɔ̀ʼɔ ìghum ibe chɔ̀b ikwè ne ya zì ndwi fu fu bə̀ zì ighi itog ifɔn ne mbi tangi ane gol ya yaʼ ichughi igun itən ifɔn mbe.

Ɨnû 6:11

Ane, mbi ya nàʼ ndwi màʼi fu fu abə wə̀d imɔʼ imɔʼ abɔ̀ʼ inɔb. Mbi ya bə̀ ghà inɔb gha, mbe ywìrì ghɔ̀m ane iki nyumə̀ iki piʼì ni ghì gha bəd fə màna zwèti inun bəd àfàʼì mbe ne yaʼi icheg inɔb, bə̀ zweti ìmbɔb məfi mbe ne kòʼi ni ku.

Ɨnû 7:9

Anyumə̀ ne anatì njə̀m ze yaya chè, mə yaya nḛ̀, bàd inɔ̰ bəd ne ya yaʼi kwàʼ ìwi kyen, ne chəyi icheg ne tì wə̀d ya taŋ. Bəd mbe yaya nɔ̀ʼɔ̀ inga iben ijìm, inga tinəbi ijìm, inga isiŋi ijìm bə̀ fɔrɔ inga tìngam ijìm. Mbi ya təm imbìghè abə atən ifɔn bə̀ təm imbìghè abə Ŋwan njə̀g. Mbi ya zì ndwi maʼi fu fu bə̀ nyìmi izaŋ.