Ɨnû 3:17 - Ikan feg

¹⁷ Àghò we gha, ‹Mo ya wə̀d ighi. Mə bèrì ighi nɔʼ nɔʼ. Chəyi mə̀ cheʼi aghi mɔ̀ʼɔ›. Si ya gha, chəyi àghò kyèri gha àghò ya wə̀d ngəʼ, ne bəd mbe nḛ̀ kə̀nə̀. Chəyi àghò bə kyèri gha àghò ya wə̀d fum ne yaʼi ifəg bə̀ yaʼ tì ìkyèri ikye.

Meta’

¹⁷ À wɨə ghàə̀ ni, 'Mə yɨə wə̀d mbɔ̂n, mə berɨ ɨghɨ nɔnɔʼ, chəi mə kwaŋ əghɨ ə mɔʼɔ.' Àyɨə chəi à kyerɨ ni tə yɨə wə̀d ŋgəʼ, ni tə yɨə wə̀d nɨ bə̂d ə neŋə kə̀nə̀, ni tə yɨə wə̀d ɨkwaŋ, ni tə yɨ ɨfɨgɨ fɔrɨ ni tə wɨ rɨ̀sɔ̀ʼ ɨkyerɨ.

Ɨnû 3:17 ပူးပေါင်းရင်းမြစ်များ

Matìyò 5:3

“Ŋwiye zì àbɔrɔ̀bɔd igun bəd mbe ne saŋi ìmbɔb inug ijìm ibo ikye abo, imbə̀ʼ icheg ne mbɔb biri jəg anug ìfɔ̀n ikaŋ.

Matìyò 9:12

Yeso ya zug anug ne mbɔb biri si ywìtì gha, “Bəd ne kə̀bə̀ wə̀d ifuʼ kayi bəd ne yaʼi icheg chɔm. À ya bəd ne ghɔ̰̀.

Lk 1:53

Wè nàʼ ighi chɔm abə bəd njèg, si kàmni bəd ighi, mbi ghò ibo zɔbi.

Lk 6:24

Yeso ya bə̀ gha, “Ngəʼ kyen biri nyi igun inən mbə̰ mbe ne àzən yaʼi angu, imbə̀ʼ icheg ne mbə̰ fə jəg ìwən ìchɔ̀mì.

Rm 11:20

À ya kwàʼ tesiʼ, si ya gha, aton ne mbi ya sɔbi awɔb icheg tìtab chì ya imbə̀ʼ icheg ne chəyi mbɔb ya nɔŋi ibḛfiŋ igun Kristo. Àsi awən, mbə̀ nyimi ìwən ibḛfiŋ icheg chɔm. Imbə̀ʼ mbə̰ nɔrɔ awən nyɔd. Mbə̰ ya se bèrè yaʼ ibɔ ane anug ne tì ze dù.

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

Rm 12:3

Ane, icheg ne Ŋwiye fə ghi ìchɔ̀mì inum gha mə yaʼ wə̀dtɔm Kristo, mə̀ ya anìŋ ghà abə wə̀d ijìm ne abɔ̀ʼ inən gha, imbə̀ʼ wə̀d nìŋə yi ìwi nyɔd ane wə̀d kyen chè icheg ne wì yaʼi. Wə̀d ijìm nɔŋɔ ikɔndi yaʼ ni swi ìwi nyɔd aseg. Wə̀d imɔʼ imɔʼ məgri ìwi nyɔd ane ibḛfiŋ we ne Ŋwiye nàʼi ibo.

Rm 7:24

Wo wə̀d ngəʼ icheg inum! Àkə we biri chì amə inga nyàmnyɔd inug tibɔ̀ŋ ìzo̰ ne zwète mə?

2 Pità 1:9

Wə̀d ne chəyi we ghìyə̀ inug mbo̰, tengàŋ ya icheg wə̀d ne aghə ze fḭ̀yḛ̀, ne chəyi wì ya bàrà isiŋi. Wì fə nèbì gha Ŋwiye fə sò inug tibɔ̀ŋ məd chì.

Ɨnû 16:15

Anɔŋisəg Yeso gha, “Mbə̀ nḛ, mə biri yeʼe icheg iji! Ŋwiye ziye àbɔrɔ̀bɔd igun wə̀d ne chughi ikyèʼi bə̀ tàngi ìti ndwi nɔ̀ŋì ni gha imbə̀ʼ wì nɔʼ yèn tì ìkyèrikye si bèrì tìnìrètog inga bəd!”

Ɨnû 2:9

Mə kyèri icheg ne àghò we zə̰ ngəʼ bə̀ kyèri icheg ne àghò fùmi. Si ya gha, àghò ya wə̀d ikab. Bəd mbe ne gha mbɔb ya mə̀Ju, ne chəyi mbi yaʼi kwàʼ mə̀Ju, mə kyèri inug mbe ne mbɔb mbe ghà ni chìkì ìwe ikum. Mbɔb ya bəd inga ifeti Sàtàn.

Ɨnû 3:16

Ane, icheg ne àghò yaʼi awe yaʼ azabi azabi, ne chəyi àghò we nɔ̀mɔ̀ kə̀ zùyə̀, mə biri chì ìmbum ibo igun ine.›