Ɨnû 3:10 - Ikan feg

¹⁰ Icheg ne àghò fə nyimi fìŋ nyìʼ inug icheg ne mə̀ ya gha ine, mə biri nə̀m awe ane nyùmə̀ we ne ngəʼ biri yeʼe igun isəg ijìm ni kwàʼrì bəd mbe ne yaʼi igun isəg.

Meta’

¹⁰ Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.

Ɨnû 3:10 ပူးပေါင်းရင်းမြစ်များ

Matìyò 24:14

Mbi biri chètì ikən chɔm imbə̀ʼ anug ìfɔ̀n ikaŋ inga isəg ijìm, ni gha bəd məjìm zug. Anyumə̀ ne mbi fə chètì ikən chɔm gho̰ inga isəg ijìm, nyumə̀ ne isəg biri nwḭ̀yḛ̀ biri pè.”

Matìyò 26:41

Mbə̀ chughi ikyèʼi chàʼra Ŋwiye ni gha imbə̀ʼ mbə̰ nɔ̀ʼ nyi inga àkwàʼrì. Fìŋ ze kə̀bə̀ gha mbə̀ ghiyə anug ne koʼi, si ya gha, nyàmnyɔd bɔd.”

Matìyò 6:13

Imbə̀ʼ àghò saŋa awe gha àkwàʼrì nyi igun ina. Chìye awa ikye abo abə Wə̀d Tibɔ̀ŋ.›

Mk 14:9

Mə gha tesiʼ inən gha, isiŋi ijìm mbe ne mbi biri ghà ikən chɔm gho̰ inga isəg, mbi biri ghà anug ze ne àyi gho̰ ghi. Ane, bəd biri se kɔ̀ndɔ məd.”

Lk 2:1

Inga ineg mbe ne mbi ya gwi Jɔn we ne yaya nàʼà mənib, ifɔn kyen igun iben məRom ya yaʼ Kayisà Àgɔstò. Məd ya niŋ isɔbi anug gha mbe taŋ bəd məjìm inga iben məRom ijìm

Jn 17:6

Yeso ya bə̀ chè imbìghè ni ghà abə Ŋwiye gha, “Bəd mbe ne àghò ya chi inga isəg nàʼ inum, mə fə ghì mbi kyeri awe. À ya ìmbe bəd ne àghò ya nàʼi awɔb inum. Mbɔb fə bə̀ zùgri ìwe ìngam.

Rm 1:8

Anug mbègtog ya gha, mə nàʼ məyakà abə ìmə Ŋwiye imbə̀ʼ awən anjìm Yeso Kristo imbə̀ʼ icheg ne bəd inga isəg ijìm mbe ghàmà inug chɔm imbə̀ʼ ìwən ibḛfiŋ we ne mbə̀ beri.

1 Kɔrèn 10:13

Chəyi anug mɔ̀ʼɔ ne kwàʼrà awən ne chəyi ze kweʼì kwàʼrì bəd ndəŋ. Ŋwiye we fàʼà anug ze ne wì kàʼi. Ane, chəyi wì biri sàŋì gha àkwàʼrì ne ka chè awən ze nyi igun inən. Anyumə̀ ne mbi kwaʼri awən, wì biri chwi inɔnjì inən ne mbə̀ biri nyìʼ fìŋ anene dù inga àkwàʼrì ze.

Efesùs 6:13

Ane, mbə̀ niŋ ighi ibid mbe ne Ŋwiye we nàʼà kwàʼ ijìm. Àze ya ni ghì gha, anyumə̀ ne inug tibɔ̀ŋ yeʼe, mbə biri kyeri icheg ni zɔ̀ŋ ghò mànì ne ìwən ibḛfiŋ kiri təm kà.

2 Timotì 2:12

Tì mə nyìʼ, tì biri bə jəg anug ìfɔ̀n tì məd. Tì mə to̰ awa məd, wì biri bə to̰ yi awa.

Jems 3:12

Ìmbum məfi fɔrɔ ìtum njàbi, chəyi tì azed mangò ko akwebì kə̀ azed namchì ko mə̀mangò. Chəyi tì àdùrì ne ŋwàŋà nàʼ mənib zùti zùti ka.

1 Pità 4:12

Ìmbum məfi fɔrɔ ìtum njàbi ne mə̀ taŋ kɔ̀ŋ, imbə̀ʼ anug si che yi awən gha mbə̰ mbe chè inga ngəʼ ka ka. Ngəʼ ka ka ìto̰ ya ni zweʼri ìwən ibḛfiŋ. Imbə̀ʼ mbə̰ bə kɔndɔ awən gha à ya kwàʼ tìsɔ̀ʼ anug mɔ̀ʼɔ ne dùwə̀ igun inən.

2 Pità 2:9

Ane, Anɔŋisəg kyèri icheg ni pumni bəd mbe ne zùgrə aməd bə̀ chì awɔb inga àkwàʼrì. Wì bə̀ kyèri icheg ni nyimi bəd mbe ne ghìyə̀ tìzughə̀, nɔ̀ŋì awɔb inga ngəʼ ni si saʼ awɔb igun aneg ze ne məd biri saʼ isəg.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.

Ɨnû 11:10

Bəd igun isəg biri taŋ gyendi bə̀ kɔd tiboʼ abə mə̀mbin imbə̀ʼ icheg ne bədkə̀n mbo̰ ne ku yaya chə bəd ne yaʼi igun isəg.

Ɨnû 13:10

Wə̀d ne mbi fə beri ni gwì aməd mbi biri bə gwì aməd. Wə̀d ne mbi beri ni zweti aməd ane ibeg ibid, wì biri bə̀ ku ane ibeg ibid. Anug azo̰ ya kə̀bə̀ gha bəd Ŋwiye nyimbi fìŋ bə̀ bèrì ibḛfiŋ.

Ɨnû 13:14

Zì ya tambi bəd məjìm igun isəg ane iyeti inug ne zì yaya ghìyə̀ icheg ne nyam kyen mbègtog ze ya nàʼi ika ibo. Nyam kyen ze ya ghà inɔb mbi tangi aghi-ŋwiye nɔ̀ŋì ni ghumni nyam kyen ze ne mbi ya zì ana̰ igun məd ane ibeg ibid, si ya gha chəyi zì ya ku.

Ɨnû 13:8

Bəd ne yaʼi igun isəg məjìm biri ghumni nyam kyen ze, chèyi ane bəd mbe ne Ŋwan njə̀g we ne mbi ya zweti ya fə ŋwàʼri ìtɔb tikum inga àŋwàʼrì ze ne wì ŋwàʼri tikum bəd mbe ne biri jəg ìtḛ̀. Wì ya fə ghum ŋwàʼri ane bɔŋ se tànga isəg.

Ɨnû 14:12

Ane ya gha, bəd Ŋwiye bèrì ni nyìʼ. Mbe bèrì ni nɔ̀ŋì mə̀nɔ̀ʼɔ̀ Ŋwiye bə̀ bèrì ni nɔ̀ŋì fìŋ igun Yeso.

Ɨnû 14:6

Mə ya bàd angirə̀ ndəŋ ne fìrè aton ikaŋ àbɔ̀ŋɔ. Angirə̀ we ya bèrì ikən chɔm we ne təmi ane ighə̀m imɔʼ ni ghà abə bəd mbe ne yaʼi igun isəg; abə bəd inga iben ijìm, abə bəd inga tinəbi ijìm, abə bəd inga tìngam aben tijìm bə̀ fɔrɔ abə bəd məjìm isiŋi ijìm.

Ɨnû 16:14

Izwighi mbo̰ ya izwighi tibɔ̀ŋ mbe ne ghìyə̀ inug yeti yeti. Mbi ya dù ghò abɔ̀ʼ məfɔn məjìm igun isəg, imbə̀ʼ feti awɔb ane imɔʼ gha mbe fɔti màʼ ibid igun aneg kyen ze ne Ŋwiyekɔʼ biri saʼ isəg.

Ɨnû 17:2

Məfɔn igun isəg fə nɔ̀kì tì məd abu abu. Bəd inga isəg fə no mənoʼ mbe ne wì ya nàʼi inɔb be. Mənoʼ mbe ya anug ni nɔ̀kì tì məd abu abu.”

Ɨnû 17:8

Nyam kyen ze ne àghò ya bàri ya kweʼì yaʼ izɔm. Si ya gha, amad anìŋ, zì fə ku. Zì biri kɔʼ dù inga ibighi kyen we ne chəyi ìnwḭ, si ghò inga asiŋi ze ne zì biri ku nim angu. Anug biri chè bəd mbe ne yaʼi igun isəg ne chəyi mbi ŋwaʼri ìtɔb tikum inga àŋwàʼrì ze ne bɔŋ Ŋwiye ya se tànga isəg wì ya fə ŋwàʼri tikum bəd mbe ne biri jəg ìtḛ̀ inga. Anug biri chè awɔb imbə̀ʼ icheg ne nyam ze ya kweʼì yaʼ izɔm, amad anìŋ zì fə ku. Si ya gha, zì biri ywiri dù.”

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Ɨnû 3:8

Mə kyèri inug mbe ne àghò we ghìyə̀. Nḛ, mə fə fìʼì inuʼ nəb ine ne chəyi tì wə̀d wubì. Mə kyèri gha ìwe ika kə yi, si ya gha, àghò fə ghì inug mbe ne mə̀ ya gha ine. Mə bə̀ kyèri gha, chəyi àghò to̰ amə .

Ɨnû 6:10

Mbɔb ya biri ane gì ka ka gha, “Atumbisəg, àghò ya Ŋwiye ìzḛzḛ bə̀ Ŋwiye tesiʼ. Agha kə ywìrì sà iye bɔŋ àghò sɔb isaʼi igun bəd igun isəg bə̀ chə awɔb imbə̀ʼ icheg ne mbi ya zweti awa?”

Ɨnû 8:13

Ane, mə̀ ya nɔ̀ atog bàd fìnən kyen mɔ̀ʼɔ icheg izam ne yaya bàrà ibə̀m ikaŋ nè dèghè kwàʼ ane gì ka ka gha, “Wo ngəʼə! Wo ngəʼə! Wo ngəʼ kyen ne biri nyi igun bəd igun isəg anyumə̀ ne mbè angirə̀ mətad mbe ne si nwḭ̀yḛ̀ biri fə ìtɔb tì tàŋ!”