Ɨnû 3:1 - Ikan feg

¹ Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Sadìs gha, ‹Ìngam gho̰ nɔ̀ʼ abə wə̀d we ne nyìme izwighi Ŋwiye mbe ìsàmbe bə̀ nyìme titəm iməg te ìsàmbe. Mə kyèri inug mbe ne àghò we ghìyə̀; mə kyèri gha àghò we ghìyə̀ icheg ni gha àghò we kiri biri izɔm, si ya gha, àghò fə ku.

Meta’

¹ Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we ɨŋga ɨfetɨ bə̂d Kristo we rɨ ə Sadìs ni, 'Ɨŋgam wɔ̂ yɨ rɨ əmbɨ wə̀d we nɨ yɨm ɨzwî Ŋwiə̀ mbe sambe bə̀ yim rɨtəmɨ te sambe. Ɨ wɨə ghàə̀ ni, mə kyerɨ ɨnû mbe nɨ àwɔ̀ ə ghɨ̀ə̀: mə kyerɨ ni à wɨə ghɨ̀ ɨghabɨ ni à wɨə kɨrɨ ɨkǎ, àyɨə à fə kwɨ.

Ɨnû 3:1 ပူးပေါင်းရင်းမြစ်များ

Lk 15:24

Mbaʼ ŋwan we ya gha, ‹Tì gyendi imbə̀ʼ icheg ne ìmə ŋwan gho̰ ya ku, wè ywìrì zwème iwu. Wì ya nim, wè ywìrì yèʼe.› Ane, mbi ya ko se jə̀ghə gyènde.

Lk 15:32

Aton ne tì beri ni jəg gyèndi ya gha, ìwe ifi gho̰ ya ku, we ywìrì zwème. Wì ya nim, tè ywìrì bàd aməd.›”

Jn 1:16

Ìchɔ̀mì məd sweg mànì. Wè ghì gha tì ya jəghə ìchɔ̀mì we mà nyumə̀ ijìm. Məd we bə̀ zìye àbɔrɔ̀bɔd igun ina mà nyumə̀ ijìm anjìm fìŋ chɔm məd ne wì beri igun ina.

Jn 1:33

Chəyi mo inum ya bi kyèri gha məd ya Wə̀d we ne Ŋwiye ya kàʼi ni chà. Si ya gha, anyumə̀ ne Ŋwiye ya tɔmi amə gha mə̀ yeʼe se nàʼà mənib abə bəd, wì ya ghà inum gha, ‹Wə̀d we ne àghò biri bàd Azwighi ze swiʼi ikaŋ àbɔ̀ŋɔ nàŋa igun məd, kyeri gha à ya wə̀d we ne biri nàʼ Azwighi Ŋwiye abə bəd›.

Jn 20:22

Wì ya ghàm ane si zwèg igun inɔb, ghà inɔb gha, “Azwighi Ŋwiye yeʼe igun inən.

Jn 3:34

Wə̀d gho̰ ne Ŋwiye cha ya ghàmà Ìngam Ŋwiye imbə̀ʼ icheg ne Ŋwiye we nàʼà àzi Azwighi ibo ne chəyi tì mbi mə̀grì.

Ɨ̀fàʼì 2:33

Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Efesùs 2:1

Anjìm ìmbən inug tibɔ̀ŋ fɔrɔ ìwən tìzughə̀, mbə̰ ya fə yaʼ icheg bəd ku.

Efesùs 2:5

ka ìmba inug tibɔ̀ŋ ya ghì tì si yaʼ icheg bəd ku, tè ywìrì yaʼ izɔm icheg ne tì yaʼi ane ifɔti tì Kristo. À ya anjìm ìchɔ̀mì Ŋwiye ne mbə̀ fə pumi.

Kòlosè 2:13

Chəyi mbi ya kiri ŋwed ìtən nyàmnyɔd anyumə̀ we ne mbə yaya kiri iwu bəd anjìm ìmbən inug tibɔ̀ŋ. Si ya gha, Ŋwiye ya ghì mbə si bèrì ìtḛ̀ feg icheg ne mbə̀ yaʼi ane ifɔti tì Kristo. Wì ya waʼ ìmba inug tibɔ̀ŋ mba məjìm.

1 Timotì 5:6

Àsi iku-àyi ne jə̀ghə isəg, wì fə ku, ka məd we kiri yi izɔm.

Jems 2:26

Icheg ne nyàmnyɔd ne chəyi azwighi inga yaʼi ati ako, à ya bə̀ ane ne ibḛfiŋ ne chəyi wə̀d we ghìyə̀ inug chɔm bə yaʼ ati ako.

1 Pità 1:11

Mbi ya bə̀ taŋ nwèndi inug mbe ne Azwighi Kristo ne ya yaʼi inga inɔb ya gha imbə̀ʼ Yeso Kristo. Azwighi Kristo ya ghà inug imbə̀ʼ icheg ne Kristo beri ni zən ngəʼ si bèrì ighumni kyen anjìm. Mbi ya bə̀ taŋ nwèndi wə̀d we ne Azwighi Ŋwiye yaya ghà inug mbo̰ imbə̀ʼ aməd fɔrɔ nyùmə̀ we ne inug mbo̰ biri dù.

Jûd 1:12

Anyumə̀ ne tiku bəd ìto̰ chughi aseg ane iteri àkɔ̀ŋì abɔ̀ʼ inən, mbi ya icheg ànaŋ amɔʼ ne chìkə̀ aban. Mbɔb ya tàŋà ighi məyi ni zì inga àzɔb àbàn. Mbɔb ya icheg pàʼ zɔ̀bi ne afim ze chè bèʼì ne chəyi mbə̀ŋ. Mbɔb ya icheg ized ne chəyi mbe ko titam, ka bèyi abɔ̀ʼ ichi. Mbɔb ya icheg ized ne mbi fə chɔ̀ʼi kwàʼ ane ighaŋ, mbi ku.

Ɨnû 1:11

“Ŋwàʼra inug mbe ne àghò we bàrà inga àŋwàʼrì. Àghò ŋwaʼra inug mbe chà abə tifeti bəd Kristo te ìsàmbe ne yaʼi a Efesùs, tì Sìmayinà, tì Pègamùm, tì Tìyàtirà, tì Sadìs, tì Fìlàdefìyà fɔrɔ Làwùdisìyà.”

Ɨnû 1:16

Wì ya nyimi titəm iməg ìsàmbe inga àzi abo jəghi. Ibeg ibid ne tɔ iba ijìm ya dù ibo inga ichug. Ìfe məd yaya zùʼə kwàʼ icheg ne nyùmə̀ we zùʼə ane àngɔŋ tisi.

Ɨnû 1:20

Anug ze ne yaʼi inə̀mbi imbə̀ʼ titəm iməg te ìsàmbe ne àghò bàri inga àmə abo jəghi bə̀ fɔrɔ imbə̀ʼ ìtən inam mbe ìsàmbe ne mbi tangi ane gol ya gha: Titəm-məg te ìsàmbe ya mbè angirə̀ mbe ne kyèʼè tifeti bəd Kristo te ìsàmbe. Itən inam mbe ìsàmbe ya tifeti bəd Kristo te ìsàmbe.”

Ɨnû 1:4

À ya mo Jɔn ŋwàʼri àŋwàʼrì azo̰ abə tifeti bəd Kristo te ìsàmbe ne yaʼi inga aba aben ze a Esìyà. Məd we ne yaʼi amad anìŋ, ne ya bi yaʼ, ne biri ywìri yèʼe, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Izwighi mbe ìsàmbe ne yaʼi imbìghè atən ifɔn məd mbe bə ghì ìchɔ̀mì inən bə̀ ghì mbə̀ chughi ane àbɔrɔ̀bɔd.

Ɨnû 2:13

Mə kyèri asiŋi ze ne àghò we chùghə angu. À ya asiŋi ze ne atən ifɔn àzi Sàtàn yaʼi angu. Si ya gha, àghò nyìmi ìmə ikum ane ìze fìŋ ijìm. Chəyi àghò ya waʼi anug ni nɔŋi fìŋ igun inum, ka bèyi ane nyùmə̀ Antipàs we ne yaya ghà inug imbə̀ʼ amə ane ìzi fìŋ ijìm. Mbi ya zweti aməd inga àzən aben, asiŋi ne Sàtàn we chùghə.

Ɨnû 2:19

Mə kyèri inug mbe ne àghò we ghìyə̀. Mə kyèri icheg ne àghò kɔ̀ŋi ìmbe məfi fɔrɔ ìte njàbi bə̀ kyèri gha àghò fə nɔ̀ŋì ìze fìŋ igun inum. Mə bə̀ kyèri gha àghò we fàʼà bə̀ nyìʼè inug aton ngəʼ. Ìfàʼì mbe ne àghò si nwḭ̀yḛ̀ fàʼ, mbe chè mbi mbègtog.

Ɨnû 2:2

mə kyèri inug mbe ne àghò we ghìyə̀. Mə kyèri icheg ne àghò fə fàʼi ane ika bə̀ kyèri icheg ne àghò fə nyìʼi inug aton ngəʼ. Mə kyèri gha chəyi àghò kɔ̀ŋi ni bàd bəd mbe ne ghìyə̀ inug tibɔ̀ŋ. Mə bə̀ kyèri gha àghò fə kwàʼrì bəd mbe ne gha mbɔb ya bədtɔm ne mbɔb kayi bədtɔm. Àghò fə kwàʼrì ane bàd gha mbɔb ya bəd inug ako.

Ɨnû 2:9

Mə kyèri icheg ne àghò we zə̰ ngəʼ bə̀ kyèri icheg ne àghò fùmi. Si ya gha, àghò ya wə̀d ikab. Bəd mbe ne gha mbɔb ya mə̀Ju, ne chəyi mbi yaʼi kwàʼ mə̀Ju, mə kyèri inug mbe ne mbɔb mbe ghà ni chìkì ìwe ikum. Mbɔb ya bəd inga ifeti Sàtàn.

Ɨnû 3:15

Mə kyèri inug mbe ne àghò we ghìyə̀. Chəyi àghò we nɔ̀mɔ̀ kə̀ bə̀ zùyə̀. Mə kə̀b gha àghò ya nɔ̀mɔ̀ kə̀ gha àghò ya zùyə̀!

Ɨnû 3:2

Nɔ̀ʼɔ angwḛ, ghì gha aghi ze ne si bùʼ inga ine imbə̀ʼ ze ku yi imbə̀ʼ icheg ne mə fə bàd gha chəyi inug mbe ne àghò we ghìyə̀ kiri bɔŋi mànì imbìghè abə ìmə Ŋwiye.

Ɨnû 3:8

Mə kyèri inug mbe ne àghò we ghìyə̀. Nḛ, mə fə fìʼì inuʼ nəb ine ne chəyi tì wə̀d wubì. Mə kyèri gha ìwe ika kə yi, si ya gha, àghò fə ghì inug mbe ne mə̀ ya gha ine. Mə bə̀ kyèri gha, chəyi àghò to̰ amə .

Ɨnû 4:5

Àŋwàŋwaŋ yaya ŋwàŋà, gì mbə̀ŋ bə̀ kùmə̀ ane atən ifɔn ze. Inam mɔ̀ʼɔ ìsàmbe yaya bère imbìghè abə atən ifɔn ze. Inam mbe ìsàmbe ya izwighi ìsàmbe mbe ne Ŋwiye bèri.

Ɨnû 5:6

Mə ya bàd Ŋwan njə̀g ne ya təmi inga fìghàra atən ifɔn, inga fìghàra abə ighi izɔm mbe ikwè fɔrɔ itog bəd mbe. Ze ya chwi kwàʼ icheg ni gha mbi ya fə kyemi Ŋwan njə̀g we, si ya gha, wì ya yi izɔm. Wì ya bèrì ndɔŋ ìsàmbe tì aghə ìsàmbe. Aghə ze ìsàmbe ya izwighi mbe ìsàmbe ne fàʼà abə Ŋwiye, ne Ŋwiye ya chà inga isəg ijìm.