Ɨnû 22:2 - Ikan feg

² Wi yaya kɔ̀ŋɔ chè inga fìghàra inɔnjì we ne yaʼi inga ikye aben we. Azed ze ne nàʼà ìtḛ̀ ya yaʼ iban igyi kyen we iba ijìm. Azed ze ya ko titam aghəm ìghum chɔ̀b ibe igun fituʼ. Ze ya ko ighəm imɔʼ igun iməg. Ibo azed ze ya ghùyə̀ bəd inga iben ijìm.

Meta’

² Ɨ wɨə nyaʼə koŋ ɨŋga mɨgharə̀ ɨnə̂njɨ̀ kyeŋ we rɨŋga əsɨ ze. Əzed ze nɨə nàʼ ɨ̀tènɨ̀ zɨə nyaʼə əŋgo ɨgyɨ̂ kyeŋ we ɨba jìm. Əzed ze zɨə nyaʼə kɔə rɨtam ɨghəm wum chɔ̀b rɨ̀be ɨŋga əghəm əwu. Əne yɨ ɨghəm mɔʼ ɨŋga ɨmɨg. Tɨfuʼ rɨ əzed te tɨə nyaʼə vɨ̀ə̀ bə̂d rɨŋga ɨbeŋ jìm.

Ɨnû 22:2 ပူးပေါင်းရင်းမြစ်များ

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

1 Pità 2:24

Kristo zìye ya bèʼì ìmba inug tibɔ̀ŋ igun ìwi nyɔd anyumə̀ ne wì ya yaʼi igun azed abaʼri. Wì ya niŋ ìmba inug tibɔ̀ŋ ni ghì gha, imbə̀ʼ tì ywiri ghiyə awa inug tibɔ̀ŋ. Tì se ghìyə̀ yaʼ inug ne təmi kòʼ. Ina̰ mbe ne məd ya bèʼi fə ghì ìmbən ighɔn mèg.

Ɨnû 2:7

Wə̀d ne tì wì zug anug, wì zug anug ne Azwighi Ŋwiye ze ghà abə tifeti bəd Kristo. Mə biri nàʼ ika abə bəd mbe ne bà̰ inug tibɔ̀ŋ gha mbe jəg ane azed ze ne ghìyə̀ gha bəd jəg ìtḛ̀. Azed ze ya inga Paràdayìs Ŋwiye.”

Ɨnû 21:21

Tinuʼ ikam te ìghum chɔ̀b ibe ya yaʼ mə̀pə ìghum chɔ̀b ibe. Inuʼ ikam imɔʼ ya mbi tangi ane pə imɔʼ. Mbi ya tangi inɔnjì kyen we inga ikye aben we məyi ane gol ne zḛ ŋwaŋ. Gol we ya yaʼ icheg manə̀m ne tì wə̀d bàd ighi ne yaʼi anjìm ìzin.

Ɨnû 21:24

Bəd inga iben ijìm biri se yḛ̀ ane ìzḛzḛ we ne zùʼə inga ikye aben we. Məfɔn mbe igun isəg biri niŋ ìmbɔb ighi àka inun ijìm ghò inga ikye aben we.

Ɨnû 22:1

Angirə̀ we ya chwi igyi kyen we ne mənib məd mbe nàʼà ìtḛ̀. Igyi we ya zḛ njànda kwàʼ icheg kristà. Wi yaya dùwə̀ aton atən ifɔn àzi Ŋwiye tì Ŋwan njə̀g.

Ɨnû 22:14

Ŋwiye zì àbɔrɔ̀bɔd igun bəd mbe ne fə so ìtɔb ndwi ti zen. Ane, mbɔb fə kòʼ ni chè inuʼ ikam nyi inga ikye aben we, jəg titam ane azed ze ne nàʼà ìtḛ̀.

Ɨnû 22:19

Wə̀d mɔ̀ʼɔ mə̀ chì anug mɔ̀ʼɔ inga inug mbe ne mbi ŋwaʼri inga àŋwàʼrì azo̰, chəyi Ŋwiye biri bḛ gha tengàŋ jəg titam ane azed ze ne nàʼà ìtḛ̀. Chəyi Ŋwiye biri bə bḛ gha tengàŋ nyi inga ikye aben ìzḛzḛ we ne mbi ŋwaʼri inga àŋwàʼrì azo̰.