Ɨnû 22:16 - Ikan feg

¹⁶ Mo Yeso, mə chà ìmə angirə̀ gha wì chete inug mbo̰ inən inga tifeti bəd Ŋwiye. Mo ya aghaŋ inga inəbi ifɔn Dèvid. Mo ya icheg Fitəm-məg fe ne zùʼə ane achəg ituʼ.

Meta’

¹⁶ “Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”

Ɨnû 22:16 ပူးပေါင်းရင်းမြစ်များ

Matìyò 1:1

Aŋa ya iwaŋ inəbi ìwi Yeso Kristo ŋwan ifɔn Dèvid ni ko ane Abràham:

Matìyò 2:2

Mbɔb ya pè angu bìri gha, “Ŋwan we ne mbi gwi ne yaʼi ifɔn mə̀Ju àkə aya? Tì kə̀ bàd fitəm iməg məd aba ze ne nyùmə̀ we dùwə̀ angu. Ane, tì yèʼe ni ghumni aməd.”

Matìyò 22:42

“Mbə̀ kə kɔ̀ndɔ gha imbə̀ʼ Wə̀d we ne Ŋwiye zɔ̀ʼi? Məd kə ŋwan we?” Mbi ya ywìtì gha, “À ya ŋwan inga inəbi ifɔn Dèvid.”

Matìyò 22:45

Àmə yaʼ aghi ne ifɔn Dèvid ya kàri aməd ane ‹Anɔŋisəg›, mbi kə ywirì si chè iye kàrì aməd ane ŋwan inga inəbi ifɔn Dèvid?”

Lk 1:78

Ìwa Ŋwiye ya bɔ̀tɔ bə̀ bèrè àsɔ̀mnəfiŋ. Wì biri ghì gha aneg ni pumni bəd ze zuʼ tikaŋ igun ina icheg ne ituʼ we chə̀ghə,

Lk 20:44

Ifɔn Dèvid ya kàrì aməd ane ‹Anɔŋisəg›, məd kə ywìri yaʼ ŋwan məd iye?

Rm 15:12

Wə̀dkə̀n Ŋwiye Àzayà ya bə̀ ywìrì gha, “Ŋwan biri dù ane aghaŋ inəbi Jesè ne biri tùmbì bəd ne kayi mə̀Ju. Mbɔb biri nɔ̀ŋì ìtɔb tikɔndi igun məd.”

Rm 9:5

Mbɔb ya bəd inga inəbi mə̀mbaʼ mbe te aneg. Mbi ya gwi Wə̀d we ne Ŋwiye zɔ̀ʼi inga inəbi bəd Izre. Məd ya Ŋwiye abə bəd məjìm. Tì ghumnə Ŋwiye ane ighə̀m imɔʼ. À ya ane!

2 Pità 1:19

Ane, tì fə kyeri gha ìngam gho̰ ne bədkə̀n Ŋwiye ya ghàmi imbə̀ʼ aməd ya tesiʼ. Mbə̀ taŋ zì atog ane ìngam gho̰ imbə̀ʼ icheg ne wi ya anam ne zùʼə inga isəg afub. Mbə̀ ya ghìyə̀ inug mbe ne ìngam gho̰ we ghà inən ghò pè isusu we ne Kristo biri zuʼ inən inga fìŋ icheg fitəm-məg fe ne zùʼə a achəg ituʼ.

Ɨnû 1:1

Aŋa ya inug mbe ne biri zàmbì dù ne Ŋwiye ya gha abə Yeso Kristo gha wì chwi abə ìmbi bəd àfàʼì. Yeso Kristo ya tɔm ìwi angirə̀ abə ìwi wə̀d àfàʼì ne ikum məd ya Jɔn gha wì ghiyə bəd kyeri inug mbo̰.

Ɨnû 1:11

“Ŋwàʼra inug mbe ne àghò we bàrà inga àŋwàʼrì. Àghò ŋwaʼra inug mbe chà abə tifeti bəd Kristo te ìsàmbe ne yaʼi a Efesùs, tì Sìmayinà, tì Pègamùm, tì Tìyàtirà, tì Sadìs, tì Fìlàdefìyà fɔrɔ Làwùdisìyà.”

Ɨnû 1:4

À ya mo Jɔn ŋwàʼri àŋwàʼrì azo̰ abə tifeti bəd Kristo te ìsàmbe ne yaʼi inga aba aben ze a Esìyà. Məd we ne yaʼi amad anìŋ, ne ya bi yaʼ, ne biri ywìri yèʼe, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Izwighi mbe ìsàmbe ne yaʼi imbìghè atən ifɔn məd mbe bə ghì ìchɔ̀mì inən bə̀ ghì mbə̀ chughi ane àbɔrɔ̀bɔd.

Ɨnû 2:11

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo. Wə̀d ne che àkwàʼrì, chəyi iwu we ne pè ane ibe biri bètì aməd.›”

Ɨnû 2:17

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo. Mə biri nàʼ manà mɔ̀ʼɔ abɔ̀ʼ we ne yaʼi inə̀mbi abə wə̀d ijìm ne che àkwàʼrì. Mə biri nàʼ iteg fu fu ne mbi ŋwàʼri ikum feg igun abə tengàŋ. Chəyi wə̀d mɔ̀ʼɔ ne kyeri ikum we chèyi ane wə̀d we ne nìŋə iteg angu.›”

Ɨnû 2:7

Wə̀d ne tì wì zug anug, wì zug anug ne Azwighi Ŋwiye ze ghà abə tifeti bəd Kristo. Mə biri nàʼ ika abə bəd mbe ne bà̰ inug tibɔ̀ŋ gha mbe jəg ane azed ze ne ghìyə̀ gha bəd jəg ìtḛ̀. Azed ze ya inga Paràdayìs Ŋwiye.”

Ɨnû 22:1

Angirə̀ we ya chwi igyi kyen we ne mənib məd mbe nàʼà ìtḛ̀. Igyi we ya zḛ njànda kwàʼ icheg kristà. Wi yaya dùwə̀ aton atən ifɔn àzi Ŋwiye tì Ŋwan njə̀g.

Ɨnû 22:11

Wə̀d ne ghìyə̀ inug tibɔ̀ŋ, wì chè yi imbìghè inga ìmbi inug tibɔ̀ŋ. Wə̀d ne ghìyə̀ izṵ inug, wì bə chè yi imbìghè inga ìmbi izṵ inug. Àsi wə̀d ne ghìyə̀ inug ne təmi kòʼ, wì chè yi imbìghè inga ìmbi inug ne təmi kòʼ. Wə̀d ne ghìyə̀ inug inga ìzḛzḛ, wì bə chè yi imbìghè inga ìmbi inug ìzḛzḛ.”

Ɨnû 22:20

Wə̀d we ne ghà inug mbo̰ ijìm, wì gha, “À ya tesiʼ! Mə biri zàmbi yeʼe!” À ya ane, Anɔŋisəg Yeso yeʼe!

Ɨnû 22:6

Angirə̀ we ya ywìrì ghà inum gha, “Ŋwiye we ghà tesiʼ. Ane, tì kòʼ ni bḛ ìngam məd. Anɔŋisəg Ŋwiye ne nàʼà àzi Azwighi abə ìmbi bədkə̀n fə chà ìwi angirə̀ gha wì chwi inug ne biri zàmbi dù abə ìmbi bəd àfàʼì”.

Ɨnû 3:13

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo.›”

Ɨnû 3:22

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo.”

Ɨnû 3:6

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo.›”

Ɨnû 5:5

Ane, wə̀d mɔ̀ʼɔ abɔ̀ʼ itog bəd mbe ya ghà inum gha, “Imbə̀ʼ àghò dèghe awe. Nḛ, wə̀d we ne yaʼi icheg Àfɔn inga inəbi Judà, ne yaʼi aghaŋ inga inəbi ifɔn Dèvid, wì fə chè ìmbi bəd ìpàb. Ane, məd kòʼ ni chì isiŋi ìnen mbe ìsàmbe, fìʼì àŋwàʼrì ze.”