Ɨnû 22:14 - Ikan feg

¹⁴ Ŋwiye zì àbɔrɔ̀bɔd igun bəd mbe ne fə so ìtɔb ndwi ti zen. Ane, mbɔb fə kòʼ ni chè inuʼ ikam nyi inga ikye aben we, jəg titam ane azed ze ne nàʼà ìtḛ̀.

Meta’

¹⁴ Ŋwìə̀ zɨ əbɔrəbɔd ɨgun ə bə̂d mbe nɨ fə so tə ngywɨ tɨ zeŋ, ɨmbə̀ʼ ɨ mbe tɨ mbɨ chè ənɨ mɨchû ɨkam nyɨ ɨŋga əsɨ ze, əne jɨg rɨtam tɨ ənɨ əzed ze nɨə nàʼ ɨ̀tènɨ̀.

Ɨnû 22:14 ပူးပေါင်းရင်းမြစ်များ

Jn 10:7

Yeso ya ywìrì ghà abə mə̀mə̀nənùg məd gha, “Mə ghà kwàʼ tesiʼ inən gha, mo ya kwàʼ inuʼ ikam njə̀g.

Jn 10:9

Mo ya inuʼ ikam. Wə̀d we ne chè inga inum, wì biri pum. Wì biri ya nyḭ̀yḛ, bə̀ chè dùwə̀ ghò kə̀bə̀ agyen.

Jn 14:15

Yeso ya chè imbìghè ni gha, “Mbə̰ mə̀ kɔ̀ŋ amə, mbə̰ biri zugri ìtum tikə.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 4:12

Àghò kə ijiʼi wə̀d ne che Jàkɔb, ìwa mbaʼ kyen ne ya tɔŋi ibighi mənib gho̰ nàʼ ina? Məd zìye ya no inga. Bɔn məd fɔrɔ nyam məd ya bə̀ no inga.”

1 Kɔrèn 7:19

Kə̀ mbe ŋwed wə̀d kə̀ chəyi, àze kayi anug mɔ̀ʼɔ. Anug ne koʼi ya gha wə̀d ijìm ya nɔ̀ŋɔ̀ tikə Ŋwiye.

1 Kɔrèn 8:9

Ane, mbə̀ we awən, imbə̀ʼ mbə̰ nɔ̀ʼ niŋ icheg ne chəyi mbə̰ mbe jə̀ghə aghi mɔ̀ʼɔ, kə̀ niŋ icheg ne mbə̰ mbe jə̀ghə aghi mɔ̀ʼɔ si ghì bəd mbe ne ìwɔb ibḛfiŋ bɔri, mbi gùg anug.

1 Kɔrèn 9:5

Àkə kayi àza ati ni bə nam àyi ne nɔŋi ibḛfiŋ igun Yeso Kristo bə̀ ya yḛ̀ tì məd icheg bədtɔm mbin, tì məfi ìmbi Anɔŋisəg fɔrɔ Pità.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

1 Jɔn 3:3

Wə̀d ijìm ne nɔŋi ikɔndi igun məd tengàŋ ya ghìyə̀ ìwi ikuchèg wi zḛ bə̀ kwàʼ icheg ne Kristo bə zen.

1 Jɔn 5:3

Ni kɔ̀ŋ Ŋwiye ya ni nɔ̀ŋì tikə məd. Chəyi tikə məd ka ina ni nɔ̀ŋì.

Ɨnû 2:7

Wə̀d ne tì wì zug anug, wì zug anug ne Azwighi Ŋwiye ze ghà abə tifeti bəd Kristo. Mə biri nàʼ ika abə bəd mbe ne bà̰ inug tibɔ̀ŋ gha mbe jəg ane azed ze ne ghìyə̀ gha bəd jəg ìtḛ̀. Azed ze ya inga Paràdayìs Ŋwiye.”

Ɨnû 21:12

Aben kyen ze ya bèrì ikam kyen ne ya taŋ sà ikaŋ. Ikam we ya bèrì tinuʼ ikam ìghum chɔ̀b ibe. Mbè angirə̀ ìghum chɔ̀b ibe mbe yaya kyèʼrè tinuʼ ikam te. Mbi ya ŋwàʼrì tikum tinəbi mə̀Izre te ìghum chɔ̀b ibe igun tinuʼ ikam te.

Ɨnû 21:27

Chəyi aghi mɔ̀ʼɔ ne chəyi ze zḛ biri nɔʼ nyi inga aben ze, kə̀ àkə wə̀d ne ghìyə̀ inug ne nàʼà tìnìrètog, kə̀ wə̀d ne ghà inug ako. À ya məyi bəd mbe ne mbi ŋwaʼri ìtɔb tikum inga àŋwàʼrì Ŋwan njə̀g ze ne mbi ŋwaʼri tikum bəd mbe ne biri jəg ìtḛ̀ biri nyi inga aben ze.

Ɨnû 22:2

Wi yaya kɔ̀ŋɔ chè inga fìghàra inɔnjì we ne yaʼi inga ikye aben we. Azed ze ne nàʼà ìtḛ̀ ya yaʼ iban igyi kyen we iba ijìm. Azed ze ya ko titam aghəm ìghum chɔ̀b ibe igun fituʼ. Ze ya ko ighəm imɔʼ igun iməg. Ibo azed ze ya ghùyə̀ bəd inga iben ijìm.

Ɨnû 22:7

Yeso gha, “Mbə̀ zug, mə biri zàmbi yeʼe! Ŋwiye zì àbɔrɔ̀bɔd igun bəd mbe ne zùgrə inug mbe ne mbi ŋwaʼri inga àŋwàʼrì azo̰”.

Ɨnû 7:14

Mə ya ywìtì ibo gha, “Masà, Chəyi mə̀ kyeri. À ya àghò kyèri.” Wì ya ghà inum gha, “Aŋa ya bəd mbe ne fə che inga ngəʼ ze ne chè abo, si ya gha, chəyi mbi ku. Mbi fə sò ìtɔb ndwi maʼi inga anəm ze Ŋwan njə̀g ti se fùyə.