Ɨnû 22:1 - Ikan feg

¹ Angirə̀ we ya chwi igyi kyen we ne mənib məd mbe nàʼà ìtḛ̀. Igyi we ya zḛ njànda kwàʼ icheg kristà. Wi yaya dùwə̀ aton atən ifɔn àzi Ŋwiye tì Ŋwan njə̀g.

Meta’

¹ Aŋgɨrə̀ we nyaʼa chwi ɨgyɨ̂ kyeŋ we nɨ mɨnib məd ə nàʼ ɨ̀tènɨ̀. Ɨgyɨ̂ we wɨə nyaʼə zeŋ ɨghabɨ ə kristal. Ɨ wɨə nyaʼə jwɨ̀ rɨ əton ətən ɨfɔ̀n ə Ŋwìə̀ mbɨ Wan njɨ̀g.

Ɨnû 22:1 ပူးပေါင်းရင်းမြစ်များ

Jn 13:32

Mbi mə̀ fə ghumni Ŋwiye anjìm məd, ane ya gha, Ŋwiye biri bə ghumni aməd anjìm inug mbe ne we ghìyə̀. Wì biri ghì ane, məyi kwàʼ amad anìŋ.”

Jn 15:26

Wì ya chè imbìghè ni gha, “Àwètìbə̀d biri yeʼe . Mə biri ghì ìmə Mbaʼ chà aməd inən. Məd ya Azwighi ne nɔ̀ʼɔ̀ abə ìmə Mbaʼ. Wì ya gha tesiʼ. Anyumə̀ ne wì yèʼe, wì biri tòʼrì inug imbə̀ʼ amə abə bəd.

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Ɨ̀fàʼì 2:33

Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Ɨnû 1:1

Aŋa ya inug mbe ne biri zàmbì dù ne Ŋwiye ya gha abə Yeso Kristo gha wì chwi abə ìmbi bəd àfàʼì. Yeso Kristo ya tɔm ìwi angirə̀ abə ìwi wə̀d àfàʼì ne ikum məd ya Jɔn gha wì ghiyə bəd kyeri inug mbo̰.

Ɨnû 21:11

Ìzḛzḛ njandi njandi Ŋwiye yaya zùʼə inga aben ze. Aben ze yaya zùʼə njànda icheg ndəŋ àka inun bə̀ zùʼə njànda icheg jaspà. Aben ze yaya bə̀ zḛ icheg kristà.

Ɨnû 21:6

Wì ya ghà inum gha, “Inug ijìm fə mèg, Mo ya Iko bə̀ yaʼ Ìnwḭ. Mo ya Wə̀d mbègtog bə̀ yaʼ Wə̀d ne si nwìyḛ̀. Mə biri nàʼ mənib ane àdùrì ze ne mənib məd mbe nàʼà ìtḛ̀ abə wə̀d we ne adɔʼ mənib ze ko aməd. Wì biri niŋ kwàʼ ako ne chəyi wì nàʼi ikab.

Ɨnû 21:9

Angirə̀ mɔ̀ʼɔ abɔ̀ʼ mbè angirə̀ mbe ìsàmbe ne ya nyimi ikaŋ mbe ìsàmbe ne ngəʼ ka ka te ìsàmbe ne si nwḭ̀yḛ̀ ya sweghi inga, ya yèʼe ghà inum gha, “Yeʼe, mə biri chwi àyi igən we ne yaʼi iweg Ŋwan njə̀g ine.”

Ɨnû 22:17

Azwighi Ŋwiye tì Àyi igən gha, “Yeʼe!” Wə̀d ijìm ne zughi anug azo̰ mənyìʼ bə̀ gha “Yeʼe!” Wə̀d ne adɔʼ mənib ze ko aməd, wì yeʼe no ane mənib mbe ne nàʼà ìtḛ̀. Wì yeʼe no kwàʼ ako ne chəyi wì nàʼi ikab

Ɨnû 22:6

Angirə̀ we ya ywìrì ghà inum gha, “Ŋwiye we ghà tesiʼ. Ane, tì kòʼ ni bḛ ìngam məd. Anɔŋisəg Ŋwiye ne nàʼà àzi Azwighi abə ìmbi bədkə̀n fə chà ìwi angirə̀ gha wì chwi inug ne biri zàmbi dù abə ìmbi bəd àfàʼì”.

Ɨnû 3:21

Mə biri bḛ gha wə̀d we ne che àkwàʼrì, wì chughi igun atən ifɔn iban inum, kwàʼ icheg ne mə̀ ya bə chè àkwàʼrì bə̀ ghò si chùghi iban ìmə Mbaʼ igun atən ifɔn məd.

Ɨnû 5:13

Mə ya zug gì ighi ijìm mbe ne Ŋwiye ya tangi ikaŋ àbɔ̀ŋɔ, tangi igun isəg, tangi aton isəg, tangi inga tìbà. Mə ya bə̀ zug gì ighi izɔm ijìm mbe ne yaʼi inga inɔb. Ighi mbe yaya zə̀ʼə̀ ikyeg gha, “Mbə̀ nàʼ ighumni, nàʼ məyakà bə̀ nàʼ ika ibo, məd we ne chughi igun atən ifɔn. Mbə̀ bə ghì ane abə Ŋwan njə̀g kwàʼ ane ighə̀m imɔʼ.”

Ɨnû 5:6

Mə ya bàd Ŋwan njə̀g ne ya təmi inga fìghàra atən ifɔn, inga fìghàra abə ighi izɔm mbe ikwè fɔrɔ itog bəd mbe. Ze ya chwi kwàʼ icheg ni gha mbi ya fə kyemi Ŋwan njə̀g we, si ya gha, wì ya yi izɔm. Wì ya bèrì ndɔŋ ìsàmbe tì aghə ìsàmbe. Aghə ze ìsàmbe ya izwighi mbe ìsàmbe ne fàʼà abə Ŋwiye, ne Ŋwiye ya chà inga isəg ijìm.

Ɨnû 7:17

imbə̀ʼ icheg ne Ŋwan njə̀g we ne yaʼi inga fìghàra atən ifɔn ze biri kyèʼì awɔb icheg wə̀d ne kyèʼè njə̀g; wì biri niŋ awɔb ghò ane àdùrì ne dùwə̀ mənib ne nàʼà ìtḛ̀. Ŋwiye biri fug məsi ijìm ane àzɔb aghə.”