Ɨnû 21:6 - Ikan feg

⁶ Wì ya ghà inum gha, “Inug ijìm fə mèg, Mo ya Iko bə̀ yaʼ Ìnwḭ. Mo ya Wə̀d mbègtog bə̀ yaʼ Wə̀d ne si nwìyḛ̀. Mə biri nàʼ mənib ane àdùrì ze ne mənib məd mbe nàʼà ìtḛ̀ abə wə̀d we ne adɔʼ mənib ze ko aməd. Wì biri niŋ kwàʼ ako ne chəyi wì nàʼi ikab.

Meta’

⁶ Wɨ̀ nyaʼa ghà ɨ num ni, “Ɨnû jìm fə mì i! Mɔ̌ yɨə Alfà mbɨ ə Omegà. Mɔ̌ yɨ ɨkɔ bə̀ yeʼ ɨnwǐ. Mə bɨrɨ naʼ mɨnib rɨ ənɨ jwɨ̀-əmboŋ we nɨ mɨnib məd ə nàʼ ɨ̀tènɨ̀ əmbɨ wə̀d we nɨ ədɔʼ ə ne əməd. Wɨ̀ bɨrɨ nɨŋ əko nɨ chəi wɨ̀ naʼ ɨkab.

Ɨnû 21:6 ပူးပေါင်းရင်းမြစ်များ

Jn 4:10

Yeso ya ywìtì ibo gha, “Àkə aghi ne àghò kyèri ineʼi we ne Ŋwiye we nàʼà bə̀ kyèri wə̀d we ne bìre mənib ine, nji à ya àghò bìri ibo, wì si nàʼ mənib ne nàʼà ìtḛ̀ ine.”

Jn 4:11

Àyi we ya zug ane, si gha, “Masà, chəyi àghò beri aghi mənib ni toʼ mənib. Ibighi mənib bə̀ sà inga. Mənib ne nàʼà ìtḛ̀ kə àghò biri niŋ aya?

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Rm 3:24

Ŋwiye fə ghì gha mbe təm kòʼ icheg ne wì bə̀ ghì ìchɔ̀mì inɔb. Ìchɔ̀mì we ya ineʼi ne wì nàʼi inɔb anjìm Yeso Kristo ne wì ya chɔʼi gha wì zeri awɔb.

Rm 8:32

Ŋwiye kə mə̀ chəyi wì ya to̰ ni nàʼ Ŋwan məd gha wì yeʼe ku atog ina mba məjìm, mbə kɔ̀ndi gha chəyi wì biri kɔ̀ŋ ni nàʼ ighi ndəŋ ijìm ina?

1 Kɔrèn 2:12

Amad anìŋ, Azwighi ze ne tì beri ze nɔ̀ʼ yaʼ abə Ŋwiye kayi inga isəg. À ya Azwighi ze ze wètè awa gha tè kyeri tineʼi te ne Ŋwiye fə nàʼi ina.

1 Kɔrèn 3:12

Bəd mɔ̀ʼɔ mbe kɔ̀rɔ igun ati ze ane gol. Bəd mɔ̀ʼɔ mbe kɔ̀rɔ ane sibà. Bəd mɔ̀ʼɔ mbe kɔ̀rɔ ane ateg àka inun. Mə̀mbin mbe kɔ̀rɔ ane ized. Bəd mɔ̀ʼɔ mbe kɔ̀rɔ ane agyen. Mə̀mbin mbe kɔ̀rɔ ane izaŋ.

1 Kɔrèn 3:21

Ane, imbə̀ʼ wə̀d mɔ̀ʼɔ kɔmɔ yi igo gha zìye ya bène abɔ̀ʼ wə̀d-aku mɔ̀ʼɔ imbə̀ʼ icheg ne Ŋwiye fə nàʼ ighi ijìm inən.

1 Kɔrèn 3:5

Mbə̀ si mə̀ taŋ bìri inən. Àpolòs kə bè we? Kə̀ Pɔl kə bè we? Mba məjìm ya bəd àfàʼì Ŋwiye. Mbə̰ ya chè ina anjìm ni nɔ̀ŋì ìwən ibḛfiŋ igun Kristo. Wə̀d imɔʼ imɔʼ abɔ̀ʼ ina ya fàʼà àfàʼì ne Anɔŋisəg zi ibo ikye abo.

Ɨnû 1:11

“Ŋwàʼra inug mbe ne àghò we bàrà inga àŋwàʼrì. Àghò ŋwaʼra inug mbe chà abə tifeti bəd Kristo te ìsàmbe ne yaʼi a Efesùs, tì Sìmayinà, tì Pègamùm, tì Tìyàtirà, tì Sadìs, tì Fìlàdefìyà fɔrɔ Làwùdisìyà.”

Ɨnû 1:17

Anyumə̀ ne mə̀ ya bàri aməd, mə̀ ya gùg aseg ibo imbìghè si yaʼ icheg awu wə̀d. Wì ya si nɔ̀ŋì àzi abo jəghi igun inum ghà inum gha, “Imbə̀ʼ àghò bɔ awe, mo ya wə̀d mbègtog bə̀ yaʼ wə̀d ne si nwḭ̀yḛ̀.

Ɨnû 1:8

“Anɔŋisəg Ŋwiyekɔʼ we ne yaʼi amad anìŋ, ne ya bi yaʼ, ni biri ywiri yeʼe, ghà gha, ‹Mo ya Iko fɔrɔ Ìnwḭ.›”

Ɨnû 10:6

Wì ya nɔ̰ abo ikaŋ ane, bḛ zɔ̀m gha, “Chəyi mbi biri ywìri chìkì nyumə̀.” Wì ya ghàm ane ane ikum Ŋwiye we ne yaʼi izɔm kwàʼ ane ighə̀m imɔʼ, ne ya tangi ikaŋ fɔrɔ ìseg bə̀ tàngi igyi tìbà bə̀ tàngi ighi ijìm mbe ne yaʼi inga isiŋi mbo̰ ijìm.

Ɨnû 16:17

Angirə̀ we ne pè ane ìsàmbe ya kwebi agaŋ ze ne ya yaʼi inga akaŋ məd inga ifə. Anyumə̀ ne wì ya kwebi ane, gì ka ka ya dù inga atən ifɔn ze ne yaʼi inga mbàn Ŋwiye. Zì ya gha, “Inug ijìm fə mèg!”

Ɨnû 22:13

Mo ya Afà bə̀ yaʼ Omegà. Mo ya Wə̀d mbègtog bə̀ yaʼ Wə̀d ne si nwìyḛ̀. Mo ya Iko bə̀ yaʼ Ìnwḭ”.

Ɨnû 22:17

Azwighi Ŋwiye tì Àyi igən gha, “Yeʼe!” Wə̀d ijìm ne zughi anug azo̰ mənyìʼ bə̀ gha “Yeʼe!” Wə̀d ne adɔʼ mənib ze ko aməd, wì yeʼe no ane mənib mbe ne nàʼà ìtḛ̀. Wì yeʼe no kwàʼ ako ne chəyi wì nàʼi ikab

Ɨnû 3:14

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼrè ifeti bəd Kristo we a Làwùdisìyà gha, ‹Ìngam gho̰ nɔ̀ʼ abə wə̀d we ne ikum məd ya À ya ane. Məd ya ghàmà tesiʼ. Məd ya bə̀ ghìyə̀ inug mbe ne wì gha. Ŋwiye ya chè anjìm məd tàngi ighi ijìm.

Ɨnû 7:17

imbə̀ʼ icheg ne Ŋwan njə̀g we ne yaʼi inga fìghàra atən ifɔn ze biri kyèʼì awɔb icheg wə̀d ne kyèʼè njə̀g; wì biri niŋ awɔb ghò ane àdùrì ne dùwə̀ mənib ne nàʼà ìtḛ̀. Ŋwiye biri fug məsi ijìm ane àzɔb aghə.”