Ɨnû 21:3 - Ikan feg

³ Mə ya bə̀ zug gì ne dùwə̀ ane atən ifɔn ze. Gì ze yaya gha, “Mbə̀ nḛ, amad anìŋ, Ŋwiye ya fə se chùghə yi abɔ̀ʼ bəd. Ane, mbɔb biri si yaʼ bəd Ŋwiye. Ŋwiye zìye, ne yaʼi ìwɔb Ŋwiye, biri chughi tì inɔb.

Meta’

³ Mə nyaʼa zu gɨ̂ rɨ ənɨ ətən ɨfɔ̀n ze. Gɨ̂ ze zɨə nyaʼə ghàə̀ ni, “Mbə̀ zə, tɨ̀nîn əsɨ nɨ Ŋwìə̀ ə chubə ə zɨ əkaʼ ə bə̂d. Wɨ̀ bɨrɨ chubɨ mbɨ mɨ̀mə̌d əne mbɨ bɨrɨ yeʼ bə̂d ɨməd. Ŋwìə̀ ziə, nɨ yeʼ Ŋwìə̀ mɨ̀mə̌d, bɨrɨ chubɨ mbɨ mɨ̀mə̌d.

Ɨnû 21:3 ပူးပေါင်းရင်းမြစ်များ

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 14:23

Yeso ya ywìtì gha, “Wə̀d mə kɔ̀ŋi amə, wi biri zugri ìtum tikə. Ìmə Mbaʼ biri kɔ̀ŋ aməd. Ìmə Mbaʼ tì inum, tì biri yeʼe chùghi tì məd.

2 Kɔrèn 6:16

Àkə anug zeg ne mbàn Ŋwiye beri tì mə̀ŋwiye? Mba ya mbàn ne Ŋwiye we ne yaʼi izɔm we chùghə inga. Ŋwiye zìye fə ghà gha, “Mə biri chughi tì inɔb bə̀ yèn abɔ̀ʼ inɔb. Mə biri yaʼ ìwɔb Ŋwiye, mbɔb bə̀ yaʼ ìmbum bəd.”

2 Kɔrèn 6:18

“Mə biri yaʼ Mbaʼ inən, mbə̰ si yaʼ ìmbum bɔn mbaŋà tì ìmbum bɔn àyi. Aŋa ya anug ne Anɔŋisəg Ŋwiyekɔʼ gha.”

1 Tèsàlonikà 3:11

Ŋwiye zìye ne yaʼi ìwa Mbaʼ tì Anɔŋisəg Yeso, mbe ghiyə inɔnjì fiʼe tì yeʼe bàd awən.

Mə̀Hibrù 11:16

Ane, mbɔb yaya kə̀bə̀ yaʼ aben ze ne taŋ bɔŋ chè, aben ne yaʼi ikaŋ àbɔ̀ŋɔ. À ya aton ne chəyi Ŋwiye we bèrè tìnìrètog anyumə̀ ne mbɔb mbe kàrà aməd ane ìwɔb Ŋwiye. À ya ane imbə̀ʼ icheg ne Ŋwiye ya fə tangi aben kyen nɔ̀ŋì inɔb.

Mə̀Hibrù 8:10

Aŋa ya ikan ne mə̀ biri sɔb tì mə̀Izre igun aneg ze. Mə biri ghì mbi se kɔ̀ndɔ ìmbum mə̀nɔ̀ʼɔ̀ bə̀ ghì mbi se nɔ̀ŋɔ̀ ìmbum mə̀nɔ̀ʼɔ̀ inɔb inga fìŋ. Mə biri yaʼ ìwɔb Ŋwiye. Mbɔb bə̀ si yaʼ ìmbum bəd.

Mə̀Hibrù 8:2

Atog wə̀d azo̰ ya fàʼà inga asiŋi ze ne zḛ mànì. Asiŋi ze ya azuŋ tesiʼ ne Anɔŋisəg zìye kɔri, ne kayi wə̀d-aku kɔ̀ri.

Ɨnû 10:4

Anyumə̀ ne mbə̀ŋ ze ya kùmi aghəm ìsàmbe, mə̀ ya fə ŋa ŋwàʼrà inug mbe ne mbə̀ŋ ze yaya kùmə̀ ghà inum. Si ya gha, mə̀ ya zug gì mɔ̀ʼɔ ne ya ghàmi ikaŋ àbɔ̀ŋɔ. Gì ze ya gha, “Nɔ̀ŋɔ inug mbe ne mbə̀ŋ ze kùmi ghà ine, ine inga fìŋ. Imbə̀ʼ àghò ŋwaʼra awe aseg, imbə̀ʼ àghò bə gha awe abə wə̀d!”

Ɨnû 10:8

Ane, gì ze ne mə̀ ya zughi zì ghàmi ikaŋ àbɔ̀ŋɔ ya ywìrì ghàm inum gha, “Ndò niŋ àŋwàʼrì ze ne mbe kàri kari ne yaʼi ifìʼi ikye abo abə angirə̀ we ne təmi igun igyi tìbà fɔrɔ igun ìseg.”

Ɨnû 12:10

Mə ya zug gì ne ka ikaŋ àbɔ̀ŋɔ. Gì ze ya ghà gha, “Amad anìŋ, Ŋwiye fə chì ìmbi bəd inga ngəʼ. Wì fə chwi ìwi ika. Məd we tùmbə̀ bəd məjìm icheg ifɔn! Amad anìŋ, wə̀d we ne Ŋwiye zɔ̀ʼi fə chwi ìwi ika imbə̀ʼ icheg ne mbi fə chì wə̀d we ne ya təmi imbìghè abə Ŋwiye màʼ igun aseg. Məd ya wə̀d we ne zìyè isaʼi igun ìmba məfi fɔrɔ ìta njàbi ne bḛ Kristo. Məd ya zìyè isaʼi igun inɔb tisi fɔrɔ tizimi.

Ɨnû 21:7

Wə̀d ne bà̰ inug tibɔ̀ŋ biri jəg ighi mbo̰ ijìm. Mə biri yaʼ Ŋwiye məd, məd bə̀ yaʼ ìmə ŋwan.

Ɨnû 22:3

Chəyi aghi ne ndɔ̀n Ŋwiye yaʼi igun biri yaʼ inga ikye aben we. Atən ifɔn àzi Ŋwiye tì Ŋwan njə̀g biri yaʼ inga ikye aben we. Ane, bəd àfàʼì məd biri ghumni aməd.

Ɨnû 7:15

Ane, mbɔb mbe itəmi imbìghè abə atən ifɔn Ŋwiye fàʼà ibo tisi fɔrɔ tizimi inga mbàn məd. Məd we ne chùghə igun atən ifɔn biri kùbri awɔb.