Ɨnû 21:2 - Ikan feg

² Mə ya bàd aben ìzḛzḛ ne ya nɔ̀ʼi abə Ŋwiye swìʼi tì ikaŋ àbɔ̀ŋɔ. Aben ìzḛzḛ ze ya Jèrusalèm feg. Mbi fə tangi aməd wì yaʼ icheg ne mbe ghìyə̀ ngwèn igun àyi igən ne mbe ghò ni chà abə inɔm məd.

Meta’

² Mə nyaʼa zə əsɨ ə zeŋɨ nɨ nyaʼə swiʼə rɨkaŋ tɨ əmbɨ ə Ŋwiə̀. Əsɨ ə zeŋɨ ze yɨə Jèrusalèm fi. Mbɨ nyaʼa fə tekɨ əməd bə̀ yèʼ ɨchî nɨ mbɨə yèʼ ɨgən nɨ mbɨə wo chà əmbɨ ɨnom məd.

Ɨnû 21:2 ပူးပေါင်းရင်းမြစ်များ

Jn 3:29

Mbaʼ igən ya wə̀d ne beri àyi igən. Àsi ìsə̀ʼ mbaʼ igən ya gyènde icheg ne wì chùghi iban se zùghə icheg ne mbaʼ igən we ghàmà. À ya icheg ne mo we bə̀ se gyènde.

2 Kɔrèn 11:2

Mə we ghə̀ʼrə̀ awən, icheg ne Ŋwiye we bə̀ ghə̀ʼrə̀. Aton ya gha mbə̰ ya icheg fɔ̀d ŋwan àyi zḛ zḛ ni mə nàʼi ane inam abə inɔm fìbì. Inɔm we ya Kristo.

Mə̀Hibrù 11:10

Abràham yaya nḛ̀ imbìghè ni nyi inga asiŋi ze ne Ŋwiye zìye ya ŋwaʼi, zèg ati bə̀ bɔm ane ìmbi ibo.

Mə̀Hibrù 11:16

Ane, mbɔb yaya kə̀bə̀ yaʼ aben ze ne taŋ bɔŋ chè, aben ne yaʼi ikaŋ àbɔ̀ŋɔ. À ya aton ne chəyi Ŋwiye we bèrè tìnìrètog anyumə̀ ne mbɔb mbe kàrà aməd ane ìwɔb Ŋwiye. À ya ane imbə̀ʼ icheg ne Ŋwiye ya fə tangi aben kyen nɔ̀ŋì inɔb.

Mə̀Hibrù 12:22

Àsi mbə̰, asiŋi ne mbə̀ yeʼe angu ya ikaŋ iwum Zayɔ̀n, a Jèrusalèm we ne yaʼi ikaŋ àbɔ̀ŋɔ, aben Ŋwiye we ne yaʼi izɔm. À ya asiŋi ne mbè angirə̀ chuʼ tì chuʼ fə fete se gyènde.

Mə̀Hibrù 13:14

Icheg ne chəyi tì beri aben ne yaʼi ane ighəm imɔʼ igun isəg gho̰, tì ya nḛ̀ imbìghè ni ghò nyi yaʼ inga aben feg ze ne yèʼe.

Ɨnû 1:1

Aŋa ya inug mbe ne biri zàmbì dù ne Ŋwiye ya gha abə Yeso Kristo gha wì chwi abə ìmbi bəd àfàʼì. Yeso Kristo ya tɔm ìwi angirə̀ abə ìwi wə̀d àfàʼì ne ikum məd ya Jɔn gha wì ghiyə bəd kyeri inug mbo̰.

Ɨnû 1:4

À ya mo Jɔn ŋwàʼri àŋwàʼrì azo̰ abə tifeti bəd Kristo te ìsàmbe ne yaʼi inga aba aben ze a Esìyà. Məd we ne yaʼi amad anìŋ, ne ya bi yaʼ, ne biri ywìri yèʼe, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Izwighi mbe ìsàmbe ne yaʼi imbìghè atən ifɔn məd mbe bə ghì ìchɔ̀mì inən bə̀ ghì mbə̀ chughi ane àbɔrɔ̀bɔd.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.

Ɨnû 11:2

Si ya gha, imbə̀ʼ àghò məghrə awe ikye ikam mbàn Ŋwiye ze imbə̀ʼ icheg ne mbi fə nàʼ asiŋi ze abə bəd ne kayi mə̀Ju. Mbɔb biri tə̀ʼrì asiŋi ìzḛzḛ ane aməg ìghum ikwè chɔ̀b ibe.

Ɨnû 21:10

Azwighi ya nyi inga inum. Ane, angirə̀ we ya si niŋ amə tì kɔʼ ghò ikaŋ iwum kyen mɔ̀ʼɔ ne ya taŋ sà ikaŋ. Wì ya pè angu, chwi Jèrusalèm, aben ìzḛzḛ ne Ŋwiye we swìye ikaŋ àbɔ̀ŋɔ.

Ɨnû 21:9

Angirə̀ mɔ̀ʼɔ abɔ̀ʼ mbè angirə̀ mbe ìsàmbe ne ya nyimi ikaŋ mbe ìsàmbe ne ngəʼ ka ka te ìsàmbe ne si nwḭ̀yḛ̀ ya sweghi inga, ya yèʼe ghà inum gha, “Yeʼe, mə biri chwi àyi igən we ne yaʼi iweg Ŋwan njə̀g ine.”

Ɨnû 22:17

Azwighi Ŋwiye tì Àyi igən gha, “Yeʼe!” Wə̀d ijìm ne zughi anug azo̰ mənyìʼ bə̀ gha “Yeʼe!” Wə̀d ne adɔʼ mənib ze ko aməd, wì yeʼe no ane mənib mbe ne nàʼà ìtḛ̀. Wì yeʼe no kwàʼ ako ne chəyi wì nàʼi ikab

Ɨnû 22:19

Wə̀d mɔ̀ʼɔ mə̀ chì anug mɔ̀ʼɔ inga inug mbe ne mbi ŋwaʼri inga àŋwàʼrì azo̰, chəyi Ŋwiye biri bḛ gha tengàŋ jəg titam ane azed ze ne nàʼà ìtḛ̀. Chəyi Ŋwiye biri bə bḛ gha tengàŋ nyi inga ikye aben ìzḛzḛ we ne mbi ŋwaʼri inga àŋwàʼrì azo̰.

Ɨnû 3:12

Mə biri nɔ̀ŋì wə̀d ne che àkwàʼrì wì yaʼ icheg ìte inga mbàn ìmə Ŋwiye. Chəyi wì biri nɔʼ dù inga mbàn ze. Mə biri ŋwàʼrì ikum ìmə Ŋwiye fɔrɔ ikum ikye aben Ŋwiye igun məd. Ikye aben we ya Jèrusalèm feg we ne Ŋwiye swi ikaŋ àbɔ̀ŋɔ. Mə biri bə ŋwàʼrì ìmə ikum feg igun məd.