Ɨnû 20:4 - Ikan feg

⁴ Mə ya bàd itən ifɔn ne bəd mbe ne mbi ya nàʼi ika inɔb ni saʼ bəd ya chughi igun. Mə ya bə̀ bàd bəd mbe ne mbi ya sɔpi ìmbɔb itog imbə̀ʼ icheg ne mbɔb mbe bḛ Yeso fɔrɔ imbə̀ʼ icheg ne mbɔb mbe ghàmà Ìngam Ŋwiye. Chəyi bəd mbo̰ ya ghumni nyam kyen ze kə̀ ghumni aghi-ŋwiye məd. Chəyi mbi ya bə̀ niŋ aneni aməd igun ìmbɔb ikəŋi isi kə̀ igun ìmbɔb ibo. Mbi ya zweme ane iwu bə̀ tùmbì iben tì Kristo ane tituʼ chuʼ ifibì.

Meta’

⁴ Mə nyaʼa zə ɨtən ɨfɔ̀n. Mbɨ nyaʼa nàʼ ɨka əmbɨ ə bə̂d mbe nɨ nyaʼa chub ɨgun ɨtən mbe ni mbɨ saʼ ɨsɨg. Mə nyaʼa bə̀ zə ɨ̀tènɨ̀ bə̂d mbe nɨ mbɨ nyaʼa sopɨ ɨtu mɨ̀mə̌d ɨmbə̀ʼ ɨghəm nɨ mbɨ nyaʼə ghà rəsìʼ ɨmbə̀ʼ ə Yeso bə̀ fɔrɨ ɨmbə̀ʼ ɨghəm nɨ mbɨ nyaʼə ghà ɨŋgam Ŋwiə̀. Chəi mbɨ nyaʼa wumnɨ nyam kyeŋ rɨtu ze kɨ̀ bè ə anèŋ məd. Chəi mbɨ nyaʼa zɨ ənweenɨ ə nyam kyeŋ ze ənɨ ɨkəŋ ɨsɨ mɨ̀mə̌d, kɨ̀ ɨgun ɨbɔ mɨ̀mə̌d. Mbɨ nyaʼa zwemə əne tùmbɨ̀ ɨsɨg mbɨ Kristo ɨghəm ɨwu chuʼ fibɨ̀.

Ɨnû 20:4 ပူးပေါင်းရင်းမြစ်များ

Matìyò 19:28

Yeso ya ghà inɔb gha, “Mə ghà tesiʼ inən, anyumə̀ ne Ŋwiye biri bə̀ŋì ighi ijìm ane mbi feg, Ŋwan Wə̀d biri chùghi igun atən ifɔn ìzḛzḛ məd. Mbə̰ mbo̰ ìghum chɔ̀b ibe ne beni abɔ̀ʼ inum biri si chùghi igun itən ifɔn se sàʼa tinəbi Izre te ìghum chɔ̀b ibe.

Matìyò 24:10

Ibḛfiŋ abə bəd nɔʼ nɔʼ biri bɔd. Mbɔb biri se tàŋa mənaŋ igun mə̀mbin bə̀ pàbà mə̀mbin.

Mk 6:16

Ane, anyumə̀ ne Erɔ̀d ya zughi inug mbo̰, wì ya gha, “Jɔn we ne mə̀ ya sɔbi atog məd we zwemni iwu!”

Mk 6:27

Wì ya cha sogyì bə̀ kwàʼ ati ati gha wì sɔb atog abə Jɔn yèʼe tì àzewən. Sogyì we ya ghò inga nəb ndəŋ pè sɔb atog abə Jɔn.

Mk 9:11

Mbi ya bə̀ bìri abə Yeso gha, “Aton ne mə̀chwitì mə̀nɔ̀ʼɔ̀ gha Èlayijà bèrì ni bi yèʼe àkə imbə̀ʼ aghə?”

Lk 1:17

Wì biri chè imbìghè abə Anɔŋisəg tì azwighi fɔrɔ ika we ne Wə̀dkə̀n Ŋwiye Èlayijà ya bèri. Wì biri ywiri fɔti mə̀mbaʼ tì bɔn. Wì biri ghì bəd tìzughə̀ bə̀ŋì fìŋ, si bèrì ikɔndi icheg bəd ne təmi kòʼ. Wì biri ghì bəd chuʼri nyɔd se ghɔ̀mɔ̀ Anɔŋisəg.”

Lk 14:14

Ŋwiye biri si nàʼ chùd ine anyumə̀ ne wì biri zwemni bəd ne təmi kòʼ. Wì biri zì àbɔrɔ̀bɔd igun ine imbə̀ʼ icheg ne chəyi tì bəd mbe ywì ìmbe ighi.”

Lk 22:30

Ane, mbə̰ biri jəg bə̀ no inga àmə anug ìfɔ̀n. Mbə̰ biri bə chughi tì inum igun itən ifɔn se sàʼa tinəbi Izre te ìghum chɔ̀b ibe.”

Jn 14:19

Àsi bùʼ məyi ikə nyumə̀ ne chəyi bəd igun isəg biri ywiri bàd amə. Si ya gha, mbə̰ biri bàd amə. Icheg ne mə̀ yaʼi izɔm, à ya bə̀ icheg ne mbə biri yaʼ izɔm.

Rm 11:15

Anyumə̀ ne Ŋwiye ya to̰ awɔb, bəd igun isəg ne ya yaʼi bəd ìpàb Ŋwiye ya kɔpɔ si mə̀sə̀ʼ məd. Ŋwiye kə mə̀ ywìrì bḛ awɔb, inug biri si yaʼ iye? Ze biri yaʼ icheg wə̀d ne zweme ane iwu.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

2 Timotì 2:12

Tì mə nyìʼ, tì biri bə jəg anug ìfɔ̀n tì məd. Tì mə to̰ awa məd, wì biri bə to̰ yi awa.

Ɨnû 1:2

Jɔn fə ŋwàʼrì inug ijìm mbe ne wì ya bàri ne ya inug imbə̀ʼ Ìngam Ŋwiye tì inug imbə̀ʼ Yeso Kristo.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.

Ɨnû 11:11

Anyumə̀ ne ineg mbe itad tì aba ya che, Ŋwiye ya chà Azwighi ne nàʼ ìtḛ̀, ze yeʼe nyi inga iwu bədkə̀n mbe, mbi gàd nɔ̀ʼ təm titighe. Bəd ne ya bàri bədkə̀n mbo̰ ya bɔ se bìnde.

Ɨnû 11:15

Angirə̀ we ne pè ane ìsàmbe ya fə ìzi tì tàŋ. Gì ka ka ti nɔʼ nɔʼ si ghàm ikaŋ àbɔ̀ŋɔ gha, “À ya ìwa Anɔŋisəg fɔrɔ Wə̀d məd we ne məd zɔ̀ʼi si bèrì ika ijìm amad anìŋ ni tùmbì isəg ijìm kwàʼ ane ighə̀m imɔʼ.”

Ɨnû 11:3

Mə biri nàʼ ika abə ìmbum bəd məbe mbe ne ya zə̰ ati. Mbɔb biri zì ndwi ni chwi gha mbɔb ya inga ngəʼ ghò dènì ikən we ne mə̀ biri chà awɔb gha mbe dène ane tituʼ titad tì aba.”

Ɨnû 11:7

Anyumə̀ ne mbɔb fə màni ni ghà ikən we, nyam kyen ze ne dùwə̀ inga ibighi kyen we ne chəyi ìnwḭ ya yèʼe màʼ ibid chè awɔb bə̀ zwèti awɔb.

Ɨnû 12:11

Mbɔb fə màʼ ibid chè aməd anjìm iwu Ŋwan njə̀g bə̀ fɔrɔ anjìm ikən chɔm we ne mbɔb yaya ghà. Chəyi mbi yaya bɔ iwu, ka ya bè anyumə̀ ne mbi yaya kə̀bə̀ ni zweti awɔb.

Ɨnû 14:11

Ndiʼ ane iywid we ne Ŋwiye we chə awɔb biri se kɔ̀ʼɔ ghò ikaŋ àbɔ̀ŋɔ kwàʼ ane ighə̀m imɔʼ. Kə̀ àkə tisi kə̀ izimi, chəyi àzwètì biri yaʼ abə bəd mbe ne ghùmnə nyam kyen ze bə̀ ghùmnə aghi-ŋwiye məd. Chəyi àzwètì biri bə yaʼ abə wə̀d we ne zi aneni ze ne ya ikum nyam ze igun ìwi nyɔd.”

Ɨnû 15:2

Mə ya bàd aghi mɔ̀ʼɔ inga igyi tìbà ne yaya ŋwàŋnà icheg manə̀m tì iywid. Bəd mbe ne ya màʼi ibid chè nyam kyen tɔ tɔ ze ya təm iban igyi tìbà we. À ya mbɔb mbe ne chəyi mbi ya ghumni nyam kyen ze kə̀ aghi-ŋwiye məd. Chəyi mbi ya bə niŋ aneni ane ikum məd. Mbɔb ya nyimi mənɔnjì ne Ŋwiye ya nàʼi inɔb.

Ɨnû 17:8

Nyam kyen ze ne àghò ya bàri ya kweʼì yaʼ izɔm. Si ya gha, amad anìŋ, zì fə ku. Zì biri kɔʼ dù inga ibighi kyen we ne chəyi ìnwḭ, si ghò inga asiŋi ze ne zì biri ku nim angu. Anug biri chè bəd mbe ne yaʼi igun isəg ne chəyi mbi ŋwaʼri ìtɔb tikum inga àŋwàʼrì ze ne bɔŋ Ŋwiye ya se tànga isəg wì ya fə ŋwàʼri tikum bəd mbe ne biri jəg ìtḛ̀ inga. Anug biri chè awɔb imbə̀ʼ icheg ne nyam ze ya kweʼì yaʼ izɔm, amad anìŋ zì fə ku. Si ya gha, zì biri ywiri dù.”

Ɨnû 2:26

Mə biri nàʼ ika ni tùmbì iben ijìm abə wə̀d ne che àkwàʼrì bə̀ se ghìyə̀ inug mbe ne mə̀ kəbi anene ghò pè ane ìnwḭ.

Ɨnû 20:6

Ŋwiye zì àbɔrɔ̀bɔd igun bəd mbe ne biri zweme ane iwu inga ighəm mbègtog gho̰. Wì biri bə ghì mbi chughi inga ìzḛzḛ. Chəyi iwu ne pè ane ibe beri ika igun inɔb. Mbɔb biri si yaʼ bəd mbàn Ŋwiye tì Kristo bə̀ se tùmbə̀ isəg tì Kristo ane tituʼ chuʼ ifibì.

Ɨnû 22:5

Chəyi izimi biri ywìri yaʼ angu. Chəyi bəd biri ywìri kə̀b anam kə̀ achwi imbə̀ʼ icheg ne Anɔŋisəg Ŋwiye biri yaʼ ìwɔb ìzḛzḛ. Mbɔb biri tùmbì isəg icheg məfɔn kwàʼ ane ighə̀m imɔʼ.

Ɨnû 3:21

Mə biri bḛ gha wə̀d we ne che àkwàʼrì, wì chughi igun atən ifɔn iban inum, kwàʼ icheg ne mə̀ ya bə chè àkwàʼrì bə̀ ghò si chùghi iban ìmə Mbaʼ igun atən ifɔn məd.

Ɨnû 4:4

Itən ifɔn ndəŋ ìghum ibe chɔ̀b ikwè ya ywìrì kad atən ifɔn ze chuʼ. Itog bəd mɔ̀ʼɔ ìghum ibe chɔ̀b ikwè ne ya zì ndwi fu fu bə̀ zì ighi itog ifɔn ne mbi tangi ane gol ya yaʼ ichughi igun itən ifɔn mbe.

Ɨnû 6:9

Anyumə̀ ne wì ya fìʼì afeni ìnen ne pè ane ità̰, mə̀ ya nèn aton ikwijə̀ŋ àfàtì, bàd izwighi abə bəd mbe ne mbi ya zweti awɔb anjìm icheg ne mbi yaya chètè Ìngam Ŋwiye fɔrɔ anjìm icheg ne mbɔb ya nyimi anug ni chètì Ìngam Ŋwiye kwàʼ icheg chɔm.

Ɨnû 7:3

Wì yaya kyḛ ghà inɔb gha, “Imbə̀ʼ mbə̰ ziye awən anə ane ìseg kə̀ ane tìbà kə̀ ane ized ghò pè ane nyumə̀ ne tì fə zi aneni igun ikəŋi isi abə bəd mbe ne fàʼà abə Ŋwiye.”