Ɨnû 20:2 - Ikan feg

² Wì ya gwì tìsɔ̀ʼ jo ze te aneg ne ya Debrə̀ kə̀ Sàtàn kɔd ane tituʼ chuʼ ifibì.

Meta’

² Wɨ̀ nyaʼa gywɨ̀ tɨ̀sɔ̀ʼɔ̀ jɔ ze, nɨ yeʼ jɔ ze nɨ nyaʼa rəŋwe, əne yɨə Debɨ̀rə̀ kɨ ə Satàn, əne kod əməd ɨghəm ɨwu chuʼ fibɨ̀.

Ɨnû 20:2 ပူးပေါင်းရင်းမြစ်များ

Matìyò 19:29

Wə̀d ijìm ne sàŋì nəb kə̀ məfi kə̀ njàbi kə̀ mbaʼ kə̀ ngɔb kə̀ iweg kə̀ bɔn kə̀ bèyi mben məd imbə̀ʼ ìmə ikum, wì biri bèrì ighi mbo̰ ijìm achug iki ifibì bə̀ ywìrì jəg ìtḛ̀ ighə̀m imɔʼ.

Matìyò 8:29

Icheg ne mbi ya bɔ̀mbi tì Yeso ane, mbi ya kyen gha, “Ŋwan Ŋwiye, àghò kə kə̀bə̀ aghə tì ina? Àghò kə̀ yèʼe anìŋ ni chə awa ne chəyi nyùmə̀ kiri koʼi.”

Mk 4:15

Bəd mɔ̀ʼɔ ya icheg ighi ngwèd mbe ne ya fendi igun inɔnjì. Mbɔb ya mə̀ zug Ìngam Ŋwiye, Sàtàn ghò chì ìngam we ne mbi nyɔ̀ʼi inɔb inga fìŋ kwàʼ məyi ati ati.

Mk 5:7

kyen ane gì ka ka gha, “Yeso Ŋwan Ŋwiyekɔʼ, àghò kə̀ beri anug ye ni ghì tì inum? Mə boʼ ibo ine ane ikum Ŋwiye gha imbə̀ʼ àghò chə awe aghum!”

Jn 12:31

Nyùmə̀ fə kòʼ ne Ŋwiye biri saʼ bəd igun isəg gho̰. Wì biri kamni wə̀d we ne sàʼa isəg gho̰, chì igun isəg.

Jn 16:11

Wì biri bə ghì mbə kyeri gha Ŋwiye we sàʼa bəd ane icheg ne koʼi imbə̀ʼ icheg ne wì fə sɔb isaʼi igun wə̀d we ne tùmbə̀ isəg gho̰.”

Rm 16:20

Chəyi agha biri sà, Ŋwiye we ne ghìyə̀ tì chùghə ane àbɔrɔ̀bɔd biri baŋi Sàtàn si ghì mbə bèrì ika igun məd. Anɔŋisəg Yeso Kristo ghiyə ìchɔ̀mì inən.

Mə̀Hibrù 2:14

Ane, icheg ne bɔn mbe ya bəd-aku, məd zìye ya bə̀ bə̀ŋə̀ si yaʼ wə̀d tì nyàmnyɔd icheg inɔb. Wì ya ghì ane imbə̀ʼ icheg ne à ya anjìm iwu we ne məd ku ne wì chi ika wə̀d ìpàb igun iwu. Wə̀d ìpàb we ya Debrə̀.

1 Pità 5:8

Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.

2 Pità 2:4

Chəyi Ŋwiye ya waʼi inug tibɔ̀ŋ ìmbi mbè angirə̀ anyumə̀ ne mbi ya ghi tìzughə ibo. Wì ya kɔd awɔb màʼ inga asiŋi ichə ne fḭ̀yḛ kyìm gha mbe chughi se ghɔ̀mɔ̀ aneg ze ne Ŋwiye biri saʼ isəg.

Jûd 1:6

Mbə̀ bə wèndi mbè angirə̀ mbe ne chəyi mbi ya nyimi ìmbɔb iti ìfàʼì mbe ne Ŋwiye ya nàʼi inɔb. Mbɔb ya sàŋì ìmbɔb iti ìfàʼì. Ane, Ŋwiye ya fə kɔd awɔb nɔ̀ŋì inga isəg afub ane ighə̀m imɔʼ gha mbe chughi ghɔ̀m Aneg kyen ze ne Ŋwiye biri saʼ awɔb.

Ɨnû 12:13

Anyumə̀ ne tìsɔ̀ʼ jo ze ya bàri gha mbi fə màʼ aməd igun isəg, zì ya ko ni kamni àyi we ne ya gwi ŋwan mbaŋà we.

Ɨnû 12:15

Tìsɔ̀ʼ jo ze ya tù mənib ibo inga ichug kwàʼ icheg igyi kyen ni ghì gha wi beʼe àyi we ghò.

Ɨnû 12:17

Tìsɔ̀ʼ jo ze ya gaŋ abɔ̀ʼ àyi we. Ane, zì ya ghò ko ni màʼ ibid tì bɔn ne si bùʼ abə àyi we. Bɔn mbe ya bəd mbe ne nɔ̀ŋɔ̀ mə̀nɔ̀ʼɔ̀ Ŋwiye bə̀ nyìme tesiʼ imbə̀ʼ Yeso kwàʼ icheg chɔm. [

Ɨnû 12:3

Ayeti anug ndəŋ ya ywìrì dù ikaŋ àbɔ̀ŋɔ. Tìsɔ̀ʼ jo bàghi mɔ̀ʼɔ ya yaʼ angu. Zì ya bèrì itog ìsàmbe, bèrì ndɔŋ ìghum bə̀ bèrì ighi atog ifɔn ìsàmbe igun itog məd mbe.

Ɨnû 12:4

Ikɔn məd ya sìmì aba titəm iməg afibì inga iba itad, màʼ igun isəg. Tìsɔ̀ʼ jo ze ya təm imbìghè abə àyi we ne yaya nɔ̀mbɔ, ni gha wì mə gwi, zìye kud ŋwan məd.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Ɨnû 13:2

Nyam kyen ze ya yaʼ icheg imaŋ. Ighog məd ya yaʼ icheg ìmbi bog baʼ. Ichug məd ya yaʼ icheg ìwi àfɔn. Tìsɔ̀ʼ jo ze ya nàʼ ìwi ika tì àzi atən ifɔn fɔrɔ àzi ati wə̀d kyen abə nyam ze.

Ɨnû 13:4

Wə̀d ijìm ya ghumni tìsɔ̀ʼ jo imbə̀ʼ icheg ne zì ya nàʼ ìwi ika abə nyam kyen ze. Bəd ya bə̀ ghùmni nyam kyen ze gha, “Àkə we yaʼi icheg nyam kyen izo̰? Àkə we ne tì wì zɔŋ tì nyam kyen izo̰?”

Ɨnû 20:10

Mbi ya màʼ Debrə̀ we ne yaya tàmba bəd inga iywid kyen we ne bère tì sɔfɔ̀. À ya inga angu ne mbi ya bə màʼ nyam kyen ze fɔrɔ wə̀dkə̀n we ne ghà inug ako. Mbi biri chə awɔb inga angu ineg ijìm kwàʼ ane ighə̀m imɔʼ.

Ɨnû 20:7

Anyumə̀ ne tituʼ te chuʼ ifibì biri fə chè, mbi biri chì Sàtàn inga ndəŋ məd.

Ɨnû 9:11

Angirə̀ we ne ya yaʼi ìwɔb ifɔn ne sàʼa awɔb ya we ne yaya nḛ̀ ibighi kyen we ne chəyi ìnwḭ. Ikum we angirə̀ we inga ìngam Hibrù ya Abadòn; àsi ane ìngam bəd ne kayi mə̀Ju ya Àpolìyòn. Àpolìyòn ya ni gha, “Wə̀d ne chìkə̀”