Ɨnû 20:12 - Ikan feg

¹² Mə ya bàd bəd ne ya fə ku, mbi kwa kwa fɔrɔ mbi kyen kyen. Mbi ya təm imbìghè abə atən ifɔn ze. Mbi ya fìʼì ìŋwàʼrì. Mbi ya bə̀ fìʼì àŋwàʼrì ndəŋ. À ya àŋwàʼrì ne tikum bəd mbe ne biri jəg ìtḛ̀ yaʼi inga. Mbi ya saʼ bəd mbe ne ya fə ku icheg ne ìtɔb tìghinùg ya chwi inga ìŋwàʼrì mbe.

Meta’

¹² Mə nyaʼa zə ɨvɨ bə̂d, əne yɨ ɨvɨ bə̂d kyeŋ mbɨ ɨvɨ bə̂d kwa. Ɨvɨ bə̂d mbe nyaʼa təmbɨ ɨfě ətən ɨfɔ̀n ze. Mbɨ nyaʼa fìʼ ɨ̀ŋwàʼnɨ̀. Mbɨ nyaʼa bə̀ fìʼ ə̀ŋwàʼnɨ̀ ə cherə. Əze yɨ ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa saʼ ɨvɨ bə̂d mbe beenɨ əbɔʼ ɨnû mbe nɨ mbɨ nyaʼa ŋwaʼnɨ ɨŋga ɨ̀ŋwàʼnɨ̀ mbe, əne yɨ əbɔʼ ɨnû mbe nɨ mbɨ nyaʼa ghɨ̌.

Ɨnû 20:12 ပူးပေါင်းရင်းမြစ်များ

Matìyò 11:22

Tesiʼ ya gha, igun aneg ze ne Ŋwiye biri sɔb isaʼi igun bəd, wì biri dìgrì igun bəd mbe a Tayì tì bəd mbe a Sidòn chè icheg ne wì biri dìgrì igun inən!

Matìyò 16:27

Ŋwan Wə̀d tì ìmbi mbè angirə̀ biri yeʼe tì ighumni we ne Mbaʼ məd nàʼi ibo, pè nàʼ chùd abə wə̀d imɔʼ imɔʼ icheg ne ìfàʼì wə̀d chwi.

Lk 10:20

Ane, imbə̀ʼ mbə̰ si ya gyènde awən gha izwighi tibɔ̀ŋ mbe zùgrə awən. Mbə̀ ya gyènde gha Ŋwiye ŋwàʼrì ìtən tikum inga àŋwàʼrì ikaŋ àbɔ̀ŋɔ.”

Ɨ̀fàʼì 24:15

Mə nɔ̀ŋì ìmə ikɔndi se ghɔ̀mɔ̀ Wə̀d we ne Ŋwiye ya kàʼi icheg ne mbɔb mbe bə̀ ghɔ̀mɔ̀. Ikɔndi we ya gha, bəd ne təmi kòʼ imbìghè abə Ŋwiye fɔrɔ bəd mbe ne chəyi mbi təm kòʼ, mbi biri ghum zweme ane iwu.

Rm 2:6

Ŋwiye biri nàʼ chùd wə̀d imɔʼ imɔʼ icheg ne àfàʼì wə̀d chwi.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

2 Kɔrèn 5:10

Tì ya ghìyə̀ ane imbə̀ʼ icheg ne mba məjìm biri ghum təm imbìghè abə Kristo ane isaʼi. Wì biri saʼ awa, wə̀d imɔʼ imɔʼ si niŋ ìwi ineʼi ane icheg ne wì ya fàʼi inug igun isəg aŋa, kə̀ àkə inug chɔm kə̀ inug tibɔ̀ŋ.

Fìlipì 4:3

E! mə we bə̀ gha ine, àghò ne fàʼà tì inum ane ìze fìŋ ijìm gha àghò wete mə̀yi mbo̰ ghì mbe mana àzɔb achɔb. À ya mə̀yi ne yaya kìrə ika fàʼà tì inum anyumə̀ ne mə̀ yaya chètè ikən chɔm imbə̀ʼ Kristo. Anyumə̀ we, tì yaya fàʼà tì Klemèn fɔrɔ bəd àfàʼì ndəŋ. Ìtɔb tikum ti inga àŋwàʼrì ze ne mbi ŋwàʼrì tikum bəd mbe ne biri jəg ìtḛ̀.

Ɨnû 11:18

Bəd mbe ne kayi mə̀Ju məjìm yaya gàŋa. Nyumə̀ fə kòʼ ni chə̀ bəd mbe ne àghò we gàŋa inɔb. Nyùmə̀ fə kòʼ ne àghò biri saʼ bəd ne ya ku, bə̀ nàʼ chùd abə ìmbe bəd àfàʼì ne ya bədkə̀n fɔrɔ abə ìmbe bəd ne ghùmnə ìwe, kə̀ àkə bəd kyen kə̀ ìmbi kwa kwa; Nyùmə̀ fə kòʼ ni nimni bəd mbe ne chìkə̀ isəg.”

Ɨnû 13:8

Bəd ne yaʼi igun isəg məjìm biri ghumni nyam kyen ze, chèyi ane bəd mbe ne Ŋwan njə̀g we ne mbi ya zweti ya fə ŋwàʼri ìtɔb tikum inga àŋwàʼrì ze ne wì ŋwàʼri tikum bəd mbe ne biri jəg ìtḛ̀. Wì ya fə ghum ŋwàʼri ane bɔŋ se tànga isəg.

Ɨnû 17:8

Nyam kyen ze ne àghò ya bàri ya kweʼì yaʼ izɔm. Si ya gha, amad anìŋ, zì fə ku. Zì biri kɔʼ dù inga ibighi kyen we ne chəyi ìnwḭ, si ghò inga asiŋi ze ne zì biri ku nim angu. Anug biri chè bəd mbe ne yaʼi igun isəg ne chəyi mbi ŋwaʼri ìtɔb tikum inga àŋwàʼrì ze ne bɔŋ Ŋwiye ya se tànga isəg wì ya fə ŋwàʼri tikum bəd mbe ne biri jəg ìtḛ̀ inga. Anug biri chè awɔb imbə̀ʼ icheg ne nyam ze ya kweʼì yaʼ izɔm, amad anìŋ zì fə ku. Si ya gha, zì biri ywiri dù.”

Ɨnû 19:5

Gì ya ghàm ane atən ifɔn, ghà gha, “Mbə̀ ghumni ìwa Ŋwiye, mbə̰ bəd àfàʼì məd məjìm. Mbə̰ mbe ne ghùmnə aməd, wə̀d ijìm ghumni aməd, ni ko ane bəd kwa kwa ghò pè ane mbi kyen kyen!”

Ɨnû 2:23

Mə biri zweti bəd məd. Tifeti bəd Kristo tijìm biri kyeri gha mo ya wə̀d ne kyèʼrè tikɔndi bəd bə̀ kyèʼrè ìtɔb fìŋ. Mə biri nàʼ chùd abə wə̀d imɔʼ imɔʼ abɔ̀ʼ inən ane inug mbe ne wə̀d we ghìyə̀.

Ɨnû 20:11

Mə ya bàd atən ifɔn kyen mɔ̀ʼɔ ne fu fu fɔrɔ wə̀d ne ya chughi igun. Ìseg fɔrɔ ikaŋ àbɔ̀ŋɔ ya kye ibo imbìghè. Chəyi wə̀d mɔ̀ʼɔ ne ya ywìrè bàrà ìseg fɔrɔ àbɔ̀ŋɔ.

Ɨnû 20:13

Bəd mbe ne ya ku inga igyi tìbà ya zweme ane iwu. Iwu fɔrɔ aben iwu bəd ya sàŋì iwu bəd mbe ne ya yaʼi angu gha mbe zweme. Ŋwiye ya saʼ wə̀d imɔʼ imɔʼ icheg ne ìtɔb tìghinùg ya chwi.

Ɨnû 20:15

Wə̀d ne chəyi mbi ya bàri ikum məd inga àŋwàʼrì abɔ̀ʼ bəd mbe ne biri jəg ìtḛ̀, mbi ya màʼ aməd inga atəŋ iywid kyen ze.

Ɨnû 21:27

Chəyi aghi mɔ̀ʼɔ ne chəyi ze zḛ biri nɔʼ nyi inga aben ze, kə̀ àkə wə̀d ne ghìyə̀ inug ne nàʼà tìnìrètog, kə̀ wə̀d ne ghà inug ako. À ya məyi bəd mbe ne mbi ŋwaʼri ìtɔb tikum inga àŋwàʼrì Ŋwan njə̀g ze ne mbi ŋwaʼri tikum bəd mbe ne biri jəg ìtḛ̀ biri nyi inga aben ze.

Ɨnû 22:12

Yeso ya ghà inum gha, “Zug, mə we se zàmbi yeʼe! Mə biri yeʼe tì chùd ne mə̀ biri nàʼ abə wə̀d imɔʼ imɔʼ icheg ne ìfàʼì wə̀d chwi.

Ɨnû 3:5

Wə̀d ne che àkwàʼrì biri bə zì ndwi fu fu icheg inɔb. Chəyi mə̀ biri nimni ikum məd inga àŋwàʼrì ze ne mbi ŋwàʼri tikum bəd mbe ne biri jəg ìtḛ̀. Mə biri ghà imbìghè abə ìmə Mbaʼ bə̀ ghà imbìghè abə mbè angirə̀ məd gha mə kyèri tengàŋ.