Ɨnû 2:3 - Ikan feg

³ Mə bə̀ kyèri gha chəyi àghò kiri bɔri ni nyìʼ inug bə̀ zə̰ ngəʼ ka ka imbə̀ʼ amə.

Meta’

³ Mə kyerɨ ni à wɨə nyìʼə̀ bə̀ zəə ŋgəʼ əku ɨmbə̀ʼ əmɨ, àyɨə chəi à kɨrɨ bɔd.

Ɨnû 2:3 ပူးပေါင်းရင်းမြစ်များ

Mk 15:21

Mə̀sogyì mbe ya pè inɔnjì bàd mbaŋà mɔ̀ʼɔ ne nɔ̀ʼi a Sayirèn ne ikum məd ya Sayimùn. Wì yaya chè yi che. Wì ya nɔ̀ʼ a mben se ghò a Jèrusalèm. Ane, mbi ya nyə̀ŋ aməd gha wì niŋ azed abaʼri ze abə Yeso bèʼì. Sayimùn we ya yaʼ mbaʼ ìwi Àlèzandà tì Rufùs.

Lk 14:27

Wə̀d ne chəyi wì bèʼi àze azed abaʼri beni abɔ̀ʼ inum, chəyi wì koʼi ni yaʼ àmə àmə̀nənùg.

Lk 18:1

Yeso ya ghàm ìngam məgri abə mə̀mə̀nənùg ni chwiti gha, mbe kòʼ ni ya chàʼrà Ŋwiye mà nyumə̀ ijìm ywìtì mbi bɔd.

Lk 21:19

Mbə̰ mə̀ nyìʼ inug mbo̰, mbə biri jəg ìtḛ̀.”

Lk 5:5

Sayimùn Pità ya ywìtì gha, “Masà, tì neghi neghi ni fàʼ chəyi tì gwi su ka imɔʼ. Icheg ne à ya àghò gha mə ywirì màʼ kyə̀, mə biri màʼ.”

Lk 8:15

Titam te ne ya fendi igun ìseg chɔm ya chwìye bəd mbe ne beri fìŋ chɔ̀m. Mbɔb ya zùghə Ìngam Ŋwiye, nìŋə nyìme icheg chɔm, nyìʼè fìŋ ni fàʼ anug ne Ìngam Ŋwiye gha.”

Jn 15:21

Mbi biri ghì inug mbo̰ inən anìŋ, məyi imbə̀ʼ amə. Aton ya gha, chəyi mbi kyeri Wə̀d we ne cha amə.

Rm 12:12

Mbə̀ ya gyènde imbə̀ʼ inug mbe ne Anɔŋisəg kàʼi nɔ̀ŋì inən. Anyumə̀ ne mbə̰ mbe chè inga ngəʼ, mbə̀ ya nyìmbe fìŋ. Mbə̀ ya chàʼrà Ŋwiye mà nyumə̀ ijìm.

Rm 16:12

Mbə̀ chaʼra Trifenà tì Trìfosà. Mbɔb ya mə̀yi ne taŋ fàʼà abə Anɔŋisəg. Mbə̀ chaʼra Pesì ni yaʼi ìmə ìsə̀ʼ ne mə̀ taŋ kɔ̀ŋ. Məd ya bə̀ àyi ne ya taŋ zìye atog ni fàʼ abə Anɔŋisəg.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

Rm 8:25

Àmə yaʼ aghi ne tì nɔŋi ikɔndi ni ghɔ̀m aghi ne chəyi tì kiri beri, tì biri nyimbi fìŋ ni ghɔ̀m.

1 Kɔrèn 13:7

Àkɔ̀ŋì ya kə̀bə̀ gha bəd ya nyìmbe fìŋ ane inug ijìm. Àkɔ̀ŋì ya ghìyə̀ gha bəd ya bḛ anug ne bəd ndəŋ mbe ghà. Àkɔ̀ŋì ya ghìyə̀ gha bəd ya nɔ̀ŋɔ̀ ikɔndi ghɔ̀mɔ̀ inug ijìm ne mbɔb zi ibḛfiŋ igun. Àkɔ̀ŋì ya bə̀ ghìyə̀ gha bəd bere inyìʼfiŋ ghò pè ane ìnwḭ.

1 Kɔrèn 16:16

mbə̀ ya ghìyə̀ inug icheg inɔb. Mbə̀ zugri awɔb bə̀ zùgri bəd məjìm ne zìyè atog ane àfàʼì icheg inɔb.

2 Kɔrèn 10:15

Chəyi te chè ati se kɔ̀mɔ̀ igo imbə̀ʼ àfàʼì ne bəd ndəŋ faʼi. Ìwa ikɔndi ya gha, icheg ne ìwən ibḛfiŋ igun Ŋwiye we kwèghe, àza àfàʼì ne tì beri ni fàʼ inən biri yètè.

2 Kɔrèn 11:23

Mbɔb kə bəd àfàʼì Kristo? Mo inum ya bə̀ wə̀d àfàʼì Kristo ne beri ati chè awɔb. Mə ya ghàmà anìŋ icheg atəd: Mə kirə ika ane ìfàʼì chè awɔb. Mə nyi ndəŋ aghəm nɔʼ nɔʼ. Mbe bə̀ ywìri mə aghəm nɔʼ nɔʼ. Mə bə̀ ghò pè ichug iwu aghəm nɔʼ nɔʼ.

2 Kɔrèn 4:1

Icheg ne Ŋwiye chwi àzi àsɔ̀mnəfiŋ ina bə̀ nàʼ àfàʼì azo̰ ina, chəyi ìta fìŋ biri bɔd.

2 Kɔrèn 4:16

À ya aton ze ne chəyi ìta fìŋ te bɔ̀rɔ, ka ìta nyàmnyɔd te kùyə ghò. Ŋwiye we nàʼà ìtḛ̀ feg ina ineg ijìm.

2 Kɔrèn 5:9

Ane, kə̀ tì kə inga nyàmnyɔd ìzo̰ igun isəg aŋa, kə̀ abɔ̀ʼ Anɔŋisəg, tì ya ghìyə̀ ìwa ika ijìm gha Anɔŋisəg ya gyènde tì ina.

2 Kɔrèn 6:5

kə̀ nyùmə̀ ne mbe ywìre awa, kə̀ nyùmə̀ ne mbi zi awa inga nəb ndəŋ, kə̀ nyùmə̀ ne mbi bughi ndum ni zweti awa, kə̀ nyùmə̀ ne àfàʼì ze kà bə̀ nɔ̀ʼ, kə̀ nyùmə̀ ni neg ikyèʼi, kə̀ nyùmə̀ njèg.

Gàlesìyà 6:2

Wə̀d mɔ̀ʼɔ abɔ̀ʼ inən mə̀ yaʼ inga ngəʼ, mbə̀ wete aməd. Mbə̰ mə̀ ya ghìyə̀ ane, nji mbə fə nɔ̀ŋì nɔ̀ʼɔ̀ we ne Kristo ya nàʼi inən.

Gàlesìyà 6:9

Ane, imbə̀ʼ tì bɔd awa ni ghì inug chɔm. Àmə chəyi tì bɔri, nyùmə̀ we yèʼe ne tì biri jəg chùd.

Fìlipì 2:16

Mbə̀ nyimi ikən chɔm we ne nàʼà ìtḛ̀ ni ghì gha mə biri bèrì aton ni kɔ̀m igo ane aneg ze ne Kristo biri ywiri yeʼe gha chəyi mə̀ ya nòto atog ako, kə̀ fàʼ àfàʼì ako.

Fìlipì 4:3

E! mə we bə̀ gha ine, àghò ne fàʼà tì inum ane ìze fìŋ ijìm gha àghò wete mə̀yi mbo̰ ghì mbe mana àzɔb achɔb. À ya mə̀yi ne yaya kìrə ika fàʼà tì inum anyumə̀ ne mə̀ yaya chètè ikən chɔm imbə̀ʼ Kristo. Anyumə̀ we, tì yaya fàʼà tì Klemèn fɔrɔ bəd àfàʼì ndəŋ. Ìtɔb tikum ti inga àŋwàʼrì ze ne mbi ŋwàʼrì tikum bəd mbe ne biri jəg ìtḛ̀.

Kòlosè 1:11

Ŋwiye we ne beri ika ne che tika ijìm fə ghì gha mbə̀ beri ika ne ya nyìʼè fìŋ inga nyùmə̀ ngəʼ. Wì fə bə̀ ghì gha, mbə̀ beri inyimbifiŋ, se gyènde,

1 Tèsàlonikà 1:3

Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

1 Tèsàlonikà 2:9

Ìmba məfi fɔrɔ ìta njàbi, mbə̰ kyèri icheg ne tì yaya taŋ zìyè atog fàʼà kwàʼ ane ika. Tì yaya fàʼà ane tisi fɔrɔ izimi ni ghì gha anyumə̀ ne te ghà ikən chɔm imbə̀ʼ Ŋwiye inən, imbə̀ʼ tì yaʼ awa mbèʼ igun inən.

1 Tèsàlonikà 5:12

Ìmba məfi fɔrɔ ìta njàbi, tì we bòʼo ibo inən gha, mbə̀ ya ghùmnə itog bəd mbe ne taŋ fàʼà ni kyèʼì awən bə̀ chwìte icheg ne mbə̀ kòʼi ni chughi icheg bəd Kristo.

2 Tès 3:13

Àsi awən, ìmba məfi fɔrɔ ìta njàbi, imbə̀ʼ mbə̰ si bɔd awən ni ya fàʼà inug ne koʼi.

2 Tès 3:5

Tì we bə̀ chàʼrà Ŋwiye gha, Anɔŋisəg chè inən imbìghè ghì mbə̀ taŋ kyèri icheg ne Ŋwiye kɔ̀ŋi awən bə̀ kyèri icheg ni nyìʼ anyumə̀ ne mbə̀ yaʼi inga ngəʼ icheg ne Kristo ya bə nyìʼ.

2 Tès 3:8

Chəyi tì yaya jə̀ghə tijəg wə̀d mɔ̀ʼɔ witì nàʼ ikab. Tì yaya kìrə ika fàʼà tisi fɔrɔ tizimi ni ghì gha imbə̀ʼ tì nɔ̀ʼ zì yaʼ mbèʼ wən igun wə̀d mɔ̀ʼɔ abɔ̀ʼ inən.

1 Timotì 4:10

Tì ya ghìyə̀ ika ijìm ni taŋ fàʼ imbə̀ʼ icheg ne tè nɔ̀ŋì ìwa ikɔndi igun Ŋwiye ne yaʼi izɔm. Məd ya Ŋwiye we ne pùmnə bəd məjìm. Wì ya taŋ zìyè atog ni pumni bəd mbe ne bḛ aməd.

1 Timotì 5:17

Àghò nḛ gha bəd mbe nàʼà ighumni abə itog bəd mbe ne chà ifeti bəd Kristo bə̀ taŋ nàʼà ìwɔb ichɔʼ àfàʼì inɔb, ako ako ya bəd mbe ne taŋ fàʼà ni ghà Ìngam Ŋwiye bə̀ fɔrɔ ni chwìti inug imbə̀ʼ Kristo abə bəd.

Mə̀Hibrù 10:36

Mbə bèrì ni ya nyìmbe fìŋ ni fàʼ anug ze ne Ŋwiye kə̀bi imbə̀ʼ bèrì anug ze ne wì kàʼi.

Mə̀Hibrù 12:1

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.

Mə̀Hibrù 13:13

Ane, tì duwə inga aben ghò anjìm isəg abɔ̀ʼ məd ni bə bèrì tìnìrètog icheg məd.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

Mə̀Hibrù 6:12

Ane, chəyi tì kəbi gha wə̀d mɔ̀ʼɔ abɔ̀ʼ inən yaʼ igwed. Mbə̰ ya fàʼà inug icheg bəd mbe ne fə che anjìm ìwɔb ibḛfiŋ fɔrɔ ìwɔb inyimbifiŋ jəg anug ze ne Ŋwiye ya kàʼi inɔb.

Mə̀Hibrù 6:15

Abràham ya nyimi fìŋ ghɔ̀m anene bə̀ ghum bèrì aghi ze ne Ŋwiye ya kàʼi ibo.

2 Pità 1:6

Icheg ne mbə̰ kyèri inug imbə̀ʼ Ŋwiye, mbə̀ bə kirə ika ni ya nyìmbe nyɔd. Icheg ne mbə nyìmbe nyɔd, mbə̀ bə kirə ika ni ya nyìʼè inug. Icheg ne mbə̰ mbe nyìʼè inug, mbə̀ bə kirə ika ni ya ghùmnə Ŋwiye.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.

Ɨnû 3:10

Icheg ne àghò fə nyimi fìŋ nyìʼ inug icheg ne mə̀ ya gha ine, mə biri nə̀m awe ane nyùmə̀ we ne ngəʼ biri yeʼe igun isəg ijìm ni kwàʼrì bəd mbe ne yaʼi igun isəg.