Ɨnû 2:14 - Ikan feg

¹⁴ Si ya gha, mə bèrì inug mɔ̀ʼɔ iki piʼi imbə̀ʼ awe. Bəd mɔ̀ʼɔ mbe abɔ̀ʼ inən ne bène abɔ̀ʼ inug mbe ne Balàm yaya chwìte. Balàm ya chwìti ikuchèg abə Balàk ni gha wì febri mə̀Izre imbə̀ʼ mbi jəg ighi mbe ne mbi yaya nàʼà ane ighi àfàtì abə mə̀ŋwiye. Wì ya bə̀ fèbrì awɔb gha mbe nɔkɔ mə̀yi abu abu.

Meta’

¹⁴ Àyɨə mə berɨ ɨnû mɔʼɔ rɨpiî ɨmbə̀ʼ əwe. Bə̂d mɔʼɔ mbɨ əkaʼ nən nɨə beenɨ əbɔʼ ɨnû mbe nɨ Balàm nyaʼə chwiə. Balàm nyaʼa chwi ɨchî əmbɨ Balàk ni wɨ̀ febrɨ mɨ̀Izre ɨmbə̀ʼ mbɨ jɨg ɨghɨ mbe nɨ mbɨ nyaʼa naʼ ənɨ ɨghɨ ə̀fà əmbɨ mbɨ̀anèŋ. Wɨ̀ nyaʼa bə̀ febrɨ mɨ̀mə̌d ni mbɨ ghɨ̀ ɨfabrɨ ɨnû.

Ɨnû 2:14 ပူးပေါင်းရင်းမြစ်များ

Matìyò 18:7

Ngəʼ kyen biri yaʼ igun isəg gho̰ imbə̀ʼ inug mbe ne ghìyə̀ gha bəd se ghìyə̀ inug tibɔ̀ŋ. Inug icheg mbo̰ ya mənyìʼ yèʼe, si ya gha, ngəʼ kyen biri nyi igun wə̀d ne mbi biri yeʼe anjìm məd.

Ɨ̀fàʼì 15:29

Inug mbe ya gha: Imbə̀ʼ mbə̰ jəg awən ighijəg ne mbi naʼi ni jə mə̀ŋwiye. Imbə̀ʼ mbə̰ kud awən nyam ne mbi swḛni swḛni. Imbə̀ʼ mbə̰ jəg awɔb anəm. Imbə̀ʼ mbə̰ bə ghiyə awən anug ni nɔ̀kì mə̀yi kə̀ nɔ̀kì mbaŋà abu abu. Ze biri yaʼ anug chɔm inən anyumə̀ ne chəyi mbə̰ mbe ghìyə̀ inug mbo̰. Ane, mbə̀ si chùghi icheg chɔm.”

Ɨ̀fàʼì 21:25

Àsi bəd mbe ne kayi mə̀Ju ne bḛ Kristo, tì fə ŋwàʼrì àŋwàʼrì chà inɔb, mə̀tì isɔbi anug ne tì niŋi gha; imbə̀ʼ mbɔb jəg awɔb ane ighijəg mbe ne bəd jə mə̀ŋwiye, kə̀ jəg anəm, kə̀ kud nyam ne mbi swḛni zì ku. Tì bə̀ ŋwàʼrì gha, mbɔb sikə anug ni nɔ̀kì mə̀yi kə̀ nɔ̀kì mbaŋà abu abu.”

Rm 11:9

Ifɔn Dèvid ya gha; “Ìwɔb Iteri bəŋə ane itam mbe ne biri gwì awɔb. Wì bə ghi gha mbe gùg anug. À ya angu ne mbi biri chə awɔb.

Rm 14:13

Ane, imbə̀ʼ tì ywiri sɔ̀bɔ awa isaʼi igun wə̀d gha wè gùg anug. Mbə̀ nɔŋɔ inga ìtən fìŋ gha chəyi mbə̀ biri ghì wə̀d mɔ̀ʼɔ abɔ̀ʼ inən gùg anug, kə̀ ghì ìwən ifi kùn feg.

Rm 14:21

Ze bɔ̀ŋ ni chughi witì kud nyam, kə̀ chùghi witì no mənoʼ, kə̀ chùghi witì ghì aghi ndəŋ ne biri ghì ìwe ifi gùg anug.

Rm 9:32

Aton ya gha, chəyi mbɔb ya nɔŋi ibḛfiŋ igun Ŋwiye. Mbɔb ya nɔ̀ŋì ibḛfiŋ yaʼ igun inug mbe ne mbɔb yaya ghìyə̀. Ìtɔb tìghinùg ghì mbi gùg igun “iteg we ne ghìyə̀ bəd gùghə̀”.

1 Kɔrèn 1:23

Si ya gha, tì ya ghàmà imbə̀ʼ Kristo we ne mbi ya kɔ̀mbi igun azed abaʼri, ne chəyi mə̀Ju mɔ̀ʼɔ ya kɔ̀ŋi ni zug. Bəd ne kayi mə̀Ju ya nìŋə ane anug ne chəyi iwe inga.

1 Kɔrèn 7:2

Si ya gha, icheg ne mbaŋà nɔʼ nɔʼ te nɔ̀kɔ̀ mə̀yi abu abu, mə̀yi nɔʼ nɔʼ bə̀ nɔ̀kɔ̀ mbaŋà abu abu, ze bɔ̀ŋ gha mbaŋà beri ìwi iweg, àyi bə bèrì ìwi inɔm.

Mə̀Hibrù 13:4

Wə̀d ijìm ghumni inam. Imbə̀ʼ wə̀d waʼ yi ìwi iweg kə̀b àyi ndəŋ. Imbə̀ʼ àyi bə waʼ yi ìwi inɔm kə̀b mbaŋà ndəŋ. Tesiʼ ya gha, Ŋwiye biri sɔb isaʼi zì ngəʼ igun bəd mbe ne fànà.

1 Pità 2:8

A ze bə̀ inga Àŋwàʼrì Ŋwiye gha, “Iteg gho̰ ya we ne biri ghì bəd tə̀ngə̀. À ya bə̀ igho ne biri ghì bəd gùg.” Mbɔb biri gùg imbə̀ʼ icheg ne chəyi mbɔb bḛ ìngam we. À ya icheg ne Ŋwiye ya fə nɔ̀ŋì gha ze biri yaʼ.

2 Pità 2:15

Mbɔb fə waʼ ikuchèg chɔm, fèbè, si niŋ yaʼ ikuchèg tibɔ̀ŋ we abə Balàm, ŋwan Beyò. Balàm ya wə̀d ne ya kɔ̀ŋi ikab we ne wì yaya ghìyə̀ inug tibɔ̀ŋ bèrè.

Jûd 1:11

Ngəʼ kyen biri nyi igun inɔb! À ya ane imbə̀ʼ icheg ne mbɔb mbe ghìyə̀ inug icheg Ken ne ya zweti ìwi ifi. Mbɔb ya bə̀ ghìyə̀ inug icheg Balàm ne yaya ghìyə̀ tiku inug ijìm ni bèrì ikab. Mbɔb ya ghìyə̀ tìzughə̀ abə Ŋwiye icheg Korà. Ane, mbɔb biri ku nim icheg Korà.

Ɨnû 2:20

Si ya gha, mə beri anug mɔ̀ʼɔ imbə̀ʼ awe. Anug ze ya gha, chəyi àghò chɔ̀ʼri inug ìmbi àyi we ne mbe kàrà ane Jesebè. Məd we gha zìye ya wə̀dkə̀n àyi. Məd we chwìte inug ni fèbrì ìmbum bəd àfàʼì gha mbe ghi ifanì inug bə̀ ghì gha mbe jəg tijəg te ne mbe nàʼà ane ighi àfàtì abə mə̀ŋwiye.

Ɨnû 2:4

Si ya gha, mə bèrì anug azo̰ imbə̀ʼ awe. Anug ze ya gha, chəyi àghò we ywìrè kɔ̀ŋɔ̀ amə bə̀ kɔ̀ŋɔ̀ bəd icheg ne àghò yaya bè kɔ̀ŋɔ̀.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 22:15

Bəd mbe ne yaʼi anjìm isəg ane asiŋi ze ya bəd inug tibɔ̀ŋ tì bəd ne ghìyə̀ tikaŋì tì bəd ne nɔ̀kɔ̀ mə̀yi kə̀ nɔ̀kɔ̀ mbaŋà abu abu tì bəd ne zwète mə̀mbin, tì bəd ne ghùmnə mə̀ŋwiye fɔrɔ bəd ne kɔ̀ŋɔ̀ ni ghà inug ako bə̀ kɔ̀ŋɔ̀ ni ghì inug iji.