Ɨnû 2:10 - Ikan feg

¹⁰ Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Meta’

¹⁰ Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.

Ɨnû 2:10 ပူးပေါင်းရင်းမြစ်များ

Matìyò 10:22

Bəd məjìm biri pàb awən imbə̀ʼ amə, si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 10:28

Imbə̀ʼ mbə̰ bɔ awən bəd mbe ne zwète nyàmnyɔd ne chəyi tì mbi zweti azwighi. Mbə̀ bɔ yaʼ Məd we ne tì wì nìmni nyàmnyɔd bə̀ nìmni azwighi inga asiŋi ichə.

Matìyò 24:13

Si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Mk 13:13

Bəd məjìm biri bàn awən imbə̀ʼ amə, si ya gha, wə̀d we ne nyìʼi ghò pè ane ìnwḭ, Ŋwiye biri chì aməd inga ngəʼ.”

Mk 8:35

À ya ane imbə̀ʼ icheg ne wə̀d ne kə̀bə̀ ni nɔ̀ŋì ìwi ìtḛ̀, tengàŋ biri sam ìtḛ̀ we. Àsi wə̀d ne sami ìwi ìtḛ̀ imbə̀ʼ ikən chɔm, tengàŋ biri ywiri jəg ìtḛ̀ we.

Lk 21:12

Si ya gha, bɔŋ inug mbo̰ ijìm se dùwə̀, mbi biri gwìtì awən bə̀ chə awən. Mbi biri bə sìmì awən ghò inga məchamì Ŋwiye, bə̀ zì awən inga nəb ndəŋ . Mbi biri bə niŋ awən ghò abə məfɔn tì abə bəd ne sàʼa aben. Inug mbo̰ ijìm ya məyi imbə̀ʼ ìmə ikum.

Jn 12:25

Wə̀d we ne ghə̀ʼrə̀ ìwi ìtḛ̀, tengàŋ biri nim ìtḛ̀ we. Àsi wə̀d ne chəyi we ghə̀ʼrə̀ ìwi ìtḛ̀ igun isəg aŋa, tengàŋ biri jəg ìtḛ̀ ighə̀m imɔʼ.

Jn 13:2

Yeso tì ìmbi mə̀mə̀nənùg yaya jə̀ghə anyumə̀ ikwìri. Ane, Debrə̀ ya fə zì ikɔndi inga fìŋ abə Judàs Ikarìyɔ̀d, ŋwan Sayimùn gha wì fḛ Yeso.

Jn 13:27

Kwàʼ icheg ne Judàs ya niŋi ngə̀ŋ ze, Sàtàn ya nyi bə̀ŋì fìŋ məd. Yeso ya si ghà ibo gha, “Zàmba ghì anug ze ne àghò we kə̀bə̀ ni ghì.”

Ɨ̀fàʼì 20:24

Ane, chəyi mə̀ nìŋə ìmə ìtḛ̀ ane aghi mɔ̀ʼɔ. Mə ya kə̀bə̀ ni màni àfàʼì ze ne Anɔŋisəg Yeso nàʼi inum. Àfàʼì ze ya ni ghà ikən chɔm imbə̀ʼ ìchɔ̀mì we ne Ŋwiye we fàʼà.

Ɨ̀fàʼì 21:13

Pɔl ya ywìtì gha, “Aton ne mbə dèghè anìŋ, chìkə̀ ìmə fìŋ àkə gha? Mə fə chuʼri ìmə nyɔd ni nyi ndəŋ fɔrɔ bèyi ni ku a Jèrusalèm imbə̀ʼ ikum Anɔŋisəg Yeso.”

1 Kɔrèn 9:25

Wə̀d ijìm ne chùʼrə nyɔd ni nòtò ya ghìyə̀ inug icheg ne mə̀nɔ̀ʼɔ̀ ànòtì chwi imbə̀ʼ niŋ ineʼi wə̀d mbègtog. Ineʼi ne mbe nàʼà ibo ya ineʼi ne chəyi we tà̰. Àsi awa, ineʼi ne te nḛ̀ ni niŋ ya ineʼi ne biri yaʼ ane ighə̀m imɔʼ.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

Efesùs 6:12

Chəyi tì ya zɔ̀ŋɔ̀ yaʼ bəd. Tì ya zɔ̀ŋɔ̀ yaʼ izwighi tibɔ̀ŋ fɔrɔ tika afub te ne tùmbə̀ ikaŋ. Tì ya bə̀ zɔ̀ŋɔ̀ yaʼ tika te ne yaʼi inga isəg inug tibɔ̀ŋ gho̰ fɔrɔ tika te ne yaʼi ikaŋ àbɔ̀ŋɔ ne chəyi tì ya bàrà.

Jems 1:12

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

1 Pità 5:4

Anyumə̀ ne Àjənjə̀g kyen biri yeʼe, wì biri nàʼ ichɔʼi àfàʼì njandi njandi ne chəyi wi biri nɔʼ chə̀.

1 Pità 5:8

Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.

Ɨnû 13:14

Zì ya tambi bəd məjìm igun isəg ane iyeti inug ne zì yaya ghìyə̀ icheg ne nyam kyen mbègtog ze ya nàʼi ika ibo. Nyam kyen ze ya ghà inɔb mbi tangi aghi-ŋwiye nɔ̀ŋì ni ghumni nyam kyen ze ne mbi ya zì ana̰ igun məd ane ibeg ibid, si ya gha chəyi zì ya ku.

Ɨnû 13:2

Nyam kyen ze ya yaʼ icheg imaŋ. Ighog məd ya yaʼ icheg ìmbi bog baʼ. Ichug məd ya yaʼ icheg ìwi àfɔn. Tìsɔ̀ʼ jo ze ya nàʼ ìwi ika tì àzi atən ifɔn fɔrɔ àzi ati wə̀d kyen abə nyam ze.

Ɨnû 13:7

Mbi ya sàŋì gha zì zɔŋɔ bəd Ŋwiye bə̀ chè awɔb. Mbi ya bə̀ nàʼ ika ibo igun tinəbi tijìm te ne yaʼi inga iben ijìm tì tìngam bəd məjìm fɔrɔ igun aku bəd ajìm.

Ɨnû 17:14

Mbi biri màʼ ibid tì Ŋwan njə̀g. Si ya gha, Ŋwan njə̀g tì bəd mbe ne wì kàrì awɔb bə̀ chɔʼ awɔb fɔrɔ bəd mbe ne nɔ̀ŋɔ̀ fìŋ igun məd biri màʼ ibid chè awɔb. Mbi biri màʼ ibid chè imbə̀ʼ icheg ne məd ya Anɔŋisəg abə itog bəd ijìm fɔrɔ Ifɔn abə məfɔn.”

Ɨnû 2:13

Mə kyèri asiŋi ze ne àghò we chùghə angu. À ya asiŋi ze ne atən ifɔn àzi Sàtàn yaʼi angu. Si ya gha, àghò nyìmi ìmə ikum ane ìze fìŋ ijìm. Chəyi àghò ya waʼi anug ni nɔŋi fìŋ igun inum, ka bèyi ane nyùmə̀ Antipàs we ne yaya ghà inug imbə̀ʼ amə ane ìzi fìŋ ijìm. Mbi ya zweti aməd inga àzən aben, asiŋi ne Sàtàn we chùghə.

Ɨnû 2:9

Mə kyèri icheg ne àghò we zə̰ ngəʼ bə̀ kyèri icheg ne àghò fùmi. Si ya gha, àghò ya wə̀d ikab. Bəd mbe ne gha mbɔb ya mə̀Ju, ne chəyi mbi yaʼi kwàʼ mə̀Ju, mə kyèri inug mbe ne mbɔb mbe ghà ni chìkì ìwe ikum. Mbɔb ya bəd inga ifeti Sàtàn.