Ɨnû 19:14 - Ikan feg

¹⁴ Tinɔ̰ mə̀sogyì mbe ne yaʼi ikaŋ àbɔ̀ŋɔ ya zì ndwi àka inun ne mbi tangi ane linèn ne zḛ bə̀ fùyə. Mbɔb ya kɔʼ igun nyam mə̀kara fu fu si bèni abɔ̀ʼ məd.

Meta’

¹⁴ Mɨnɔ̂n mɨ̀sɔgyɨ̀ mbe nɨ yeʼ ɨkaŋ nɨ nyaʼa zɨ̀ ngywɨ̌ rɨ̀fɨ əka ɨnun nɨ nyaʼa zeŋɨ, mbɨə nyaʼə beenɨ əbɔʼ məd ɨgun ə ngyi tɨ rɨ̀fɨ.

Ɨnû 19:14 ပူးပေါင်းရင်းမြစ်များ

Matìyò 21:5

“Mbə̀ gha abə bəd mbe ne chùghə a Zayɔ̀n gha, mbə̀ nḛ, ìwən ifɔn we yèʼe inən! Məd ya wə̀d àbɔrɔ̀bɔd ne yḛ̀ igun jàkas. Wì bə̀ kɔʼ ŋwan jàkas.”

Matìyò 26:53

Chəyi mbə̀ kyeri gha mə we tì mə dèg abə ìmə Mbaʼ, wì zambi chà tinɔ̰ mbè angirə̀ ne che tinɔ̰ ìghum chɔ̀b ibe gha mbe yeʼe wètì amə?

Matìyò 28:3

Ìfe abə angirə̀ we yaya zḛ njànda njandi kwàʼ icheg àŋwàŋwaŋ. Ndwi məd yaya bə̀ fùyə kwàʼ icheg awḛ.

2 Tès 1:7

Àsi mbə̰ mbe ne zə̰ ngəʼ imbə̀ʼ aməd, wì biri ghì gha mbə̀ bere àzùtì. Wì biri bə ghì mba ina bə bèrì àzùtì. Wì biri ghum ghì ane anyumə̀ ne Anɔŋisəg Yeso Kristo biri swiʼi ikaŋ àbɔ̀ŋɔ inga ìkìmi iywid tì ìmbi mbè angirə̀ ka ka.

Jûd 1:14

Enɔ̀g ne mbi ya gwi aməd inga ikəri bəd ne pè ane ìsàmbe nɔ̀ʼ ane Adàm, ya ghà ikən Ŋwiye imbə̀ʼ bəd mbo̰ gha, “Nḛ! Anɔŋisəg biri yeʼe tì mbè angirə̀ ìzḛzḛ məd chuʼ tì chuʼ

Ɨnû 14:1

Mə ya nèn inum imbìghè bàd Ŋwan njə̀g ne ya təmi ikaŋ iwum Zayɔ̀n. Məd ya yaʼ tì bəd chuʼ iki ifibì tì ìghum ikwè chɔ̀b ikwè. Mbi ya ŋwàʼrì ikum Ŋwan njə̀g bə̀ ŋwàʼrì ikum Mbaʼ məd ane ìmbɔb ikəŋi isi.

Ɨnû 14:20

Mbi ya mḭ̀yḛ̀ titam vayìn te inga asiŋi ze ne mbe mḭ̀yḛ̀ mənoʼ vayìn ne kayi inga ikye aben ze. À ya anəm ya du inga titam vayìn te. Anəm ne ya kɔŋi igun asiŋi ze ya yèn icheg mə̀kìlometà aki atad, bə̀ sà ikaŋ icheg metà imɔʼ tì aba.

Ɨnû 17:14

Mbi biri màʼ ibid tì Ŋwan njə̀g. Si ya gha, Ŋwan njə̀g tì bəd mbe ne wì kàrì awɔb bə̀ chɔʼ awɔb fɔrɔ bəd mbe ne nɔ̀ŋɔ̀ fìŋ igun məd biri màʼ ibid chè awɔb. Mbi biri màʼ ibid chè imbə̀ʼ icheg ne məd ya Anɔŋisəg abə itog bəd ijìm fɔrɔ Ifɔn abə məfɔn.”

Ɨnû 19:11

Mə ya bàd icheg ne ikaŋ àbɔ̀ŋɔ fiʼe, bə̀ bàd nyam mə̀kara fu fu mɔ̀ʼɔ angu. Mbi ya kàrà mbaŋà ze ne kɔ̀ʼɔ nyam mə̀kara ze ane Wə̀d inug tesiʼ bə̀ kàrà ane Wə̀d ne ghà anug bə̀ fàʼà. À ya wə̀d ne sàʼa bəd bə̀ màʼà ibid ane icheg ne koʼi.

Ɨnû 19:8

Ŋwiye fə nàʼ ndwi àka inun ne mbi tangi ane linèn ibo gha wì ziye. kwàʼ ndwi njàndi njàndi ne zḛ.” (Ndwi àka inun ze ya inug chɔm mbe ne bəd Ŋwiye mbe ne təmi zen mbe ghìyə̀.)

Ɨnû 3:4

Si ya gha, bəd Kristo mɔ̀ʼɔ iki piʼì mbe a Sadìs ne chəyi mbi kiri kɔpi ìwɔb ikuchèg. Mbi biri zì ndwi fu fu se yḛ̀ tì inum imbə̀ʼ icheg ne mbe taŋ kòʼ ni ghì ane.

Ɨnû 4:4

Itən ifɔn ndəŋ ìghum ibe chɔ̀b ikwè ya ywìrì kad atən ifɔn ze chuʼ. Itog bəd mɔ̀ʼɔ ìghum ibe chɔ̀b ikwè ne ya zì ndwi fu fu bə̀ zì ighi itog ifɔn ne mbi tangi ane gol ya yaʼ ichughi igun itən ifɔn mbe.

Ɨnû 7:9

Anyumə̀ ne anatì njə̀m ze yaya chè, mə yaya nḛ̀, bàd inɔ̰ bəd ne ya yaʼi kwàʼ ìwi kyen, ne chəyi icheg ne tì wə̀d ya taŋ. Bəd mbe yaya nɔ̀ʼɔ̀ inga iben ijìm, inga tinəbi ijìm, inga isiŋi ijìm bə̀ fɔrɔ inga tìngam ijìm. Mbi ya təm imbìghè abə atən ifɔn bə̀ təm imbìghè abə Ŋwan njə̀g. Mbi ya zì ndwi maʼi fu fu bə̀ nyìmi izaŋ.