Ɨnû 17:8 - Ikan feg

⁸ Nyam kyen ze ne àghò ya bàri ya kweʼì yaʼ izɔm. Si ya gha, amad anìŋ, zì fə ku. Zì biri kɔʼ dù inga ibighi kyen we ne chəyi ìnwḭ, si ghò inga asiŋi ze ne zì biri ku nim angu. Anug biri chè bəd mbe ne yaʼi igun isəg ne chəyi mbi ŋwaʼri ìtɔb tikum inga àŋwàʼrì ze ne bɔŋ Ŋwiye ya se tànga isəg wì ya fə ŋwàʼri tikum bəd mbe ne biri jəg ìtḛ̀ inga. Anug biri chè awɔb imbə̀ʼ icheg ne nyam ze ya kweʼì yaʼ izɔm, amad anìŋ zì fə ku. Si ya gha, zì biri ywiri dù.”

Meta’

⁸ Nyam kyeŋ ze nɨ à nyaʼa zə nyaʼa kweʼ yeʼ ɨkǎ, àyɨə rɨ̀nîn zɨ̀ fə kwɨ. Zɨ̀ bɨrɨ kɔʼ jwɨ̀ rɨŋga ɨbɨgɨ we nɨ chəi ɨnwǐ, sɨ wò əsɨ ze nɨ mbɨ bɨrɨ nimnɨ əməd. Bə̂d mbe rɨ ɨgwɨ ə si nɨ chəi mbɨ ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ bɔŋ ə Ŋwìə̀ nyaʼa sɨə tekɨ ɨsɨg, mbɨ nyaʼa fə ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, bɨrɨ yiirɨ. Mbɨ bɨrɨ yiirɨ ɨmbə̀ʼ ɨghəm nɨ nyam ze nyaʼa kweʼ yeʼ ɨkǎ, tɨ̀nîn zɨ̀ fə kwɨ i, àyɨə zɨ̀ bɨrɨ wɨrɨ jwɨ̀.

Ɨnû 17:8 ပူးပေါင်းရင်းမြစ်များ

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Lk 10:20

Ane, imbə̀ʼ mbə̰ si ya gyènde awən gha izwighi tibɔ̀ŋ mbe zùgrə awən. Mbə̀ ya gyènde gha Ŋwiye ŋwàʼrì ìtən tikum inga àŋwàʼrì ikaŋ àbɔ̀ŋɔ.”

Lk 8:31

Izwighi tibɔ̀ŋ mbe ya boʼ ibo abə Yeso aghəm nɔʼ nɔʼ gha, “Imbə̀ʼ àghò cha awe awa inga ibighi kyen we ne chəyi ìnwḭ.”

Jn 17:24

Ìmə Mbaʼ, mə kə̀b gha bəd mbe ne àghò ya nàʼi inum, mbe yaʼ tì inum inga asiŋi ne mə̀ yaʼi angu. Ane, mbi biri bàd ìmə ighumni, ne ya ighumni we ne àghò ya kɔ̀ŋi amə, nàʼ inum, bɔŋ se tànga isəg.

Ɨ̀fàʼì 15:18

bəd kyeri kwàʼ aneg aneg.› ”

Efesùs 1:4

Bɔŋ Ŋwiye ya se tànga isəg, wì ya fə chɔʼ awa gha tì zen bə̀ təm kòʼ ibo imbìghè icheg ne tì yaʼi ane ifɔti tì Kristo. Anjìm àkɔ̀ŋì,

Tayitùs 1:2

Tesiʼ gho̰ biri ghì tì nɔ̀ŋì ìta tikɔndi se ghɔ̀mɔ̀ ìtḛ̀ ighə̀m imɔʼ we ne Ŋwiye kaʼi. Chəyi Ŋwiye we kàʼà anug ze chè ako. Wì ya fə kàʼ anug azo̰ bɔŋ se tànga isəg.

1 Pità 1:20

Ŋwiye ya fə chɔʼ Yeso Kristo bɔŋ se tànga isəg, si ya gha, à ya məyi inga ineg mbo̰ ne si nwìyḛ̀ ne Ŋwiye ghi gha bəd kyeri aməd. Wì ya ghì ane ni wètì awən.

Ɨnû 11:7

Anyumə̀ ne mbɔb fə màni ni ghà ikən we, nyam kyen ze ne dùwə̀ inga ibighi kyen we ne chəyi ìnwḭ ya yèʼe màʼ ibid chè awɔb bə̀ zwèti awɔb.

Ɨnû 17:11

Nyam kyen ze ne ya kweʼì yaʼ izɔm, si ya gha zì fə ku, ya ifɔn we ne pè ane ìfàmi. Məd ya ifɔn mɔ̀ʼɔ abɔ̀ʼ məfɔn mbe ìsàmbe. Wì biri ghò ane asiŋi ze ne mbi biri nimni aməd angu.

Ɨnû 17:2

Məfɔn igun isəg fə nɔ̀kì tì məd abu abu. Bəd inga isəg fə no mənoʼ mbe ne wì ya nàʼi inɔb be. Mənoʼ mbe ya anug ni nɔ̀kì tì məd abu abu.”

Ɨnû 20:10

Mbi ya màʼ Debrə̀ we ne yaya tàmba bəd inga iywid kyen we ne bère tì sɔfɔ̀. À ya inga angu ne mbi ya bə màʼ nyam kyen ze fɔrɔ wə̀dkə̀n we ne ghà inug ako. Mbi biri chə awɔb inga angu ineg ijìm kwàʼ ane ighə̀m imɔʼ.

Ɨnû 20:12

Mə ya bàd bəd ne ya fə ku, mbi kwa kwa fɔrɔ mbi kyen kyen. Mbi ya təm imbìghè abə atən ifɔn ze. Mbi ya fìʼì ìŋwàʼrì. Mbi ya bə̀ fìʼì àŋwàʼrì ndəŋ. À ya àŋwàʼrì ne tikum bəd mbe ne biri jəg ìtḛ̀ yaʼi inga. Mbi ya saʼ bəd mbe ne ya fə ku icheg ne ìtɔb tìghinùg ya chwi inga ìŋwàʼrì mbe.

Ɨnû 20:15

Wə̀d ne chəyi mbi ya bàri ikum məd inga àŋwàʼrì abɔ̀ʼ bəd mbe ne biri jəg ìtḛ̀, mbi ya màʼ aməd inga atəŋ iywid kyen ze.

Ɨnû 3:10

Icheg ne àghò fə nyimi fìŋ nyìʼ inug icheg ne mə̀ ya gha ine, mə biri nə̀m awe ane nyùmə̀ we ne ngəʼ biri yeʼe igun isəg ijìm ni kwàʼrì bəd mbe ne yaʼi igun isəg.

Ɨnû 3:5

Wə̀d ne che àkwàʼrì biri bə zì ndwi fu fu icheg inɔb. Chəyi mə̀ biri nimni ikum məd inga àŋwàʼrì ze ne mbi ŋwàʼri tikum bəd mbe ne biri jəg ìtḛ̀. Mə biri ghà imbìghè abə ìmə Mbaʼ bə̀ ghà imbìghè abə mbè angirə̀ məd gha mə kyèri tengàŋ.