Ɨnû 15:2 - Ikan feg

² Mə ya bàd aghi mɔ̀ʼɔ inga igyi tìbà ne yaya ŋwàŋnà icheg manə̀m tì iywid. Bəd mbe ne ya màʼi ibid chè nyam kyen tɔ tɔ ze ya təm iban igyi tìbà we. À ya mbɔb mbe ne chəyi mbi ya ghumni nyam kyen ze kə̀ aghi-ŋwiye məd. Chəyi mbi ya bə niŋ aneni ane ikum məd. Mbɔb ya nyimi mənɔnjì ne Ŋwiye ya nàʼi inɔb.

Meta’

² Mə nyaʼa zə əghɨ ə mɔʼɔ nɨ nyaʼa ɨghabɨ ə rɨ̀bàà mɨ̀manèm nɨ mbɨ nyamɨ mbɨ ɨwid. Mə nyaʼa bə̀ zə bə̂d mbe nɨ nyaʼa baŋ nyam kyeŋ rɨtu ze, baŋ anèŋ məd bə̀ baŋ ə nombà we nɨ təm ənɨ ɨkum məd. Mbɨ nyaʼa təm ɨban rɨ̀bàà mɨ̀manèm we mbɨ mɨnoŋɨ ŋgyi nɨ Ŋwìə̀ nyaʼa naʼ əmbɨ mɨ̀mə̌d.

Ɨnû 15:2 ပူးပေါင်းရင်းမြစ်များ

Matìyò 3:11

Mə ya nàʼà mənib inən ni chwi gha mbə̰ fə bə̀ŋì ìtən fìŋ sìkì inug tibɔ̀ŋ. Si ya gha, wə̀d we ne yèʼe inum anjìm wì bèrì ati chè amə. Chəyi mə̀ koʼi ni bèʼì itami məd. Məd biri chà Azwighi Ŋwiye igun inən bə̀ chà iywid igun inən.

1 Pità 1:7

Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

1 Pità 4:12

Ìmbum məfi fɔrɔ ìtum njàbi ne mə̀ taŋ kɔ̀ŋ, imbə̀ʼ anug si che yi awən gha mbə̰ mbe chè inga ngəʼ ka ka. Ngəʼ ka ka ìto̰ ya ni zweʼri ìwən ibḛfiŋ. Imbə̀ʼ mbə̰ bə kɔndɔ awən gha à ya kwàʼ tìsɔ̀ʼ anug mɔ̀ʼɔ ne dùwə̀ igun inən.

Ɨnû 12:11

Mbɔb fə màʼ ibid chè aməd anjìm iwu Ŋwan njə̀g bə̀ fɔrɔ anjìm ikən chɔm we ne mbɔb yaya ghà. Chəyi mbi yaya bɔ iwu, ka ya bè anyumə̀ ne mbi yaya kə̀bə̀ ni zweti awɔb.

Ɨnû 13:1

Mə ya ywìrì bàd iku nyam kyen mɔ̀ʼɔ ne ya du inga igyi tìbà. Zì ya bèrì ndɔŋ ìghum bə̀ bèrì itog ìsàmbe. Ndɔŋ te ìghum ya bèrì ighi atog ifɔn igun, ndɔŋ tì àzi ndɔŋ tì àzi. Itog mbe ìsàmbe ya bə̀ bèrì tikum ne chàpà Ŋwiye ne mbi ŋwàʼri igun, atog tì ìwi atog tì ìwi.

Ɨnû 13:14

Zì ya tambi bəd məjìm igun isəg ane iyeti inug ne zì yaya ghìyə̀ icheg ne nyam kyen mbègtog ze ya nàʼi ika ibo. Nyam kyen ze ya ghà inɔb mbi tangi aghi-ŋwiye nɔ̀ŋì ni ghumni nyam kyen ze ne mbi ya zì ana̰ igun məd ane ibeg ibid, si ya gha chəyi zì ya ku.

Ɨnû 13:17

Chəyi tì wə̀d zon aghi kə̀ fen aghi ne chəyi wì beri aneni ze. Aneni ze ya ikum nyam ze kə̀ à ya nɔmbà ne təmi ane ikum məd.

Ɨnû 21:18

Mbi ya tangi ikam we ane jaspà. Mbi ya bɔm aben ze məyi ane gol. Gol we yaya zḛ icheg manə̀m ne tì wə̀d bàd ighi ne yaʼi anjìm ìzin.

Ɨnû 4:6

Aghi mɔ̀ʼɔ ne yaya zùʼə icheg manə̀m bə̀ ŋwàŋi ŋwaŋi icheg aghi mɔ̀ʼɔ ne mbe kàrà ane kristà ya təm imbìghè abə atən ighumni ze. Ighi izɔm mɔ̀ʼɔ ikwè ya kam atən ifɔn ze iba ijìm. Ighi izɔm mbe ya bèrì aghə imbìghè fɔrɔ anjìm.

Ɨnû 5:8

Anyumə̀ ne wì ya niŋi àŋwàʼrì ze, ighi izɔm mbe ikwè tì itog bəd mbe ìghum ibe chɔ̀b ikwè, ya gundi aseg imbìghè abə Ŋwan njə̀g we. Wə̀d mɔ̀ʼɔ imɔʼ abɔ̀ʼ inɔb ya nyimi inɔŋi ngyeŋ bə̀ nyìmi ikaŋ ne mbi ya tangi ane gol. Ìnen ya sweg inga ikaŋ mbe. Ìnen we ya ichaʼri Ŋwiye ìwi bəd Ŋwiye.