Ɨnû 15:1 - Ikan feg

¹ Mə ya bàd aneni anug kyen ndəŋ ne chè ibo ikaŋ àbɔ̀ŋɔ. Aneni anug azo̰ yaya chwìye mbè angirə̀ ìsàmbe ne ya nyimi ngəʼ ka ka ìsàmbe. Ngəʼ ìto̰ ya yaʼ ngəʼ ka ka ne si nwḭ̀yḛ̀ imbə̀ʼ icheg ne tì mə̀ chè, ze chwi gha agaŋ Ŋwiye fə mèg.

Meta’

¹ Mə nyaʼa zə ənweenɨ-ənû ə cherə ɨkaŋ. Ənweeenɨ-ənû ze ə nyaʼa chè əbɔ. Mbɨ̀aŋgɨrə̀ sambe mbɨə nyaʼə əŋgu. Mbɨ nyaʼa yim ŋgəʼ rɨ kǎ kǎ sambe, nɨ yeʼ te nɨ sɨ nwìə̀. Ŋgəʼ te mɨ fə mì i, ka Ŋwìə̀ bɨrɨ wɨrɨ sə i ɨtəm.

Ɨnû 15:1 ပူးပေါင်းရင်းမြစ်များ

Ɨnû 10:3

Wì ya si kyen ane gì ka ka ne yaʼi kwàʼ icheg gì àfɔn. Wì ya kyen ane, mbə̀ŋ kum aghəm ìsàmbe.

Ɨnû 11:14

Ngəʼ kyen ne pè ane tibe ya mèg. Ngəʼ kyen ne pè ane itad ya se nḛ̀ ni yèʼe.

Ɨnû 14:10

Ŋwiye biri gaŋ abɔ̀ʼ məd si chə aməd. Ane ya icheg ni gha wì fə zì mənoʼ inga toʼ məd ne chəyi wì nyàmbi, ane ghì gha wì no. Ŋwiye biri chə tengàŋ ane iywid, inga sɔfɔ̀ imbìghè abə mbè angirə̀ ìzḛzḛ fɔrɔ imbìghè abə Ŋwan njə̀g.

Ɨnû 14:19

Ane, angirə̀ we ya nwḭ̀ ìwi ibeg, sɔ̀pi tìtab ane ized vayìn mbe ne yaʼi igun isəg. Wì ya feti titam te màʼ inga ibighi kyen ne mbe mḭ̀yḛ̀ mənoʼ inga. Aŋa ya ni chwi icheg ne Ŋwiye we gàŋa.

Ɨnû 16:1

Mə ya zug gì ka ka ne ya yaʼi inga mbàn Ŋwiye. Gì ze yaya ghà abə mbè angirə̀ mbe ìsàmbe gha, “Mbə̀ niŋ ikaŋ mbe ìsàmbe ne agaŋ Ŋwiye yaʼi inga ghò Kwèbi igun isəg.”

Ɨnû 17:1

Angirə̀ ifibì abɔ̀ʼ mbè angirə̀ mbe ìsàmbe ne ya nyimi ikaŋ mbe ìsàmbe ya yèʼe pè ghà inum gha, “Yeʼe, mə biri chwi icheg ne mbi biri chə àkwàrì ka ze ne chùghə iban tigyi kyen nɔʼ nɔʼ ine.

Ɨnû 19:15

Ibeg ibid tɔ tɔ ya dù ibo inga ichug. À ya ibeg ibid ne wì biri niŋ màʼ ibid chè iben ijìm angu. Wì biri tùmbì awɔb ane ika ijìm. Wì biri mḭ̀ titam vayìn inga asiŋi ze ne mbe mḭ̀yḛ̀ mənoʼ. Àzo̰ ya chwìye icheg ne Ŋwiyekɔʼ we taŋ gàŋa.

Ɨnû 21:9

Angirə̀ mɔ̀ʼɔ abɔ̀ʼ mbè angirə̀ mbe ìsàmbe ne ya nyimi ikaŋ mbe ìsàmbe ne ngəʼ ka ka te ìsàmbe ne si nwḭ̀yḛ̀ ya sweghi inga, ya yèʼe ghà inum gha, “Yeʼe, mə biri chwi àyi igən we ne yaʼi iweg Ŋwan njə̀g ine.”

Ɨnû 8:13

Ane, mə̀ ya nɔ̀ atog bàd fìnən kyen mɔ̀ʼɔ icheg izam ne yaya bàrà ibə̀m ikaŋ nè dèghè kwàʼ ane gì ka ka gha, “Wo ngəʼə! Wo ngəʼə! Wo ngəʼ kyen ne biri nyi igun bəd igun isəg anyumə̀ ne mbè angirə̀ mətad mbe ne si nwḭ̀yḛ̀ biri fə ìtɔb tì tàŋ!”

Ɨnû 8:2

Ane, mə̀ ya bàd mbè angirə̀ mbe ìsàmbe ne tə̀mə imbìghè abə Ŋwiye. Mbi ya nàʼ tàŋ ìsàmbe inɔb.

Ɨnû 8:6

Mbè angirə̀ mbe ìsàmbe ne ya nyimi tàŋ te ìsàmbe ya chuʼri nyɔd ni fə tàŋ te ìsàmbe.

Ɨnû 9:20

Àbùʼì bəd ze ne chəyi ngəʼ ka ka te ya zweti awɔb, ya kiri to̰ awɔb ni bə̀ŋì ìtɔb fìŋ chì ane ighi mbe ne mbi tangi ane ibo. Chəyi mbi ya to̰ anug ni ghumni izwighi tibɔ̀ŋ kə̀ mə̀ŋwiye ne mbi tangi ane gol, kə̀ sibà, kə̀ brons, kə̀ ane ateg kə̀ ane ized. Chəyi tì mə̀ŋwiye mbo̰ ijìm bàd isiŋi, kə̀ zug inug, kə̀ bə̀ yèn.