Ɨnû 14:10 - Ikan feg

¹⁰ Ŋwiye biri gaŋ abɔ̀ʼ məd si chə aməd. Ane ya icheg ni gha wì fə zì mənoʼ inga toʼ məd ne chəyi wì nyàmbi, ane ghì gha wì no. Ŋwiye biri chə tengàŋ ane iywid, inga sɔfɔ̀ imbìghè abə mbè angirə̀ ìzḛzḛ fɔrɔ imbìghè abə Ŋwan njə̀g.

Meta’

¹⁰ Ŋwìə̀ bɨrɨ sə ɨtəm əbɔʼ məd əne chə əməd. Əne yɨ ɨghabɨ ni wɨ̀ fə zɨ̀ mɨnoʼ ɨŋga toʼ məd nɨ chəi wɨ̀ nyamɨ, əne ghɨ̀ ni wɨ̀ nɔ. Ŋwìə̀ bɨrɨ chə wə̀d wɔ̂ ɨŋga ɨwid, ɨŋga sɔlfò ɨfě mbɨ̀aŋgɨrə̀ zeŋɨ fɔrɨ ɨfě Wan njɨ̀g.

Ɨnû 14:10 ပူးပေါင်းရင်းမြစ်များ

Matìyò 20:22

Yeso ya ywìtì gha, “Chəyi mbə̀ kyeri anug ne mbə̰ mbe bìre!” Anyumə̀ ne wì ya ywìtì ane, wì ya biri inɔb gha, “Tì mbə̰ zən iku ngəʼ ze ne mə̀ biri zən?” Mbɔb ya ywìtì gha, “Tì we tì tì zə̰ ngəʼ ze.”

Matìyò 25:41

Wì biri ghà abə bəd mbe ne yaʼi ibo aba abo təŋ gha, ‹Mbə̰ ya bəd ndɔ̀n! Mbə̀ nɔʼɔ iban inum ghò nyi inga iywid ighə̀m imɔʼ, ne ìmə Mbaʼ ya fə tangi nɔ̀ŋì abə Debrə̀ tì mbè angirə̀ məd.

Matìyò 26:39

Icheg ne wì ya gha ane, wì ya sùngì ghò imbìghè iki piʼì pè kùbri ìfe aseg, chàʼra Ŋwiye gha, “Ìmə Mbaʼ, icheg mə̀ yaʼ àghò chiye ngəʼ ìzo̰ igun inum. Si ya gha, àghò ghiyə yaʼ anug ne àghò kə̀bi, kayi àze ne mə̀ kəbi.”

Mk 8:38

Atog abə wə̀d mɔ̀ʼɔ mə̀ ya nìrè imbə̀ʼ amə fɔrɔ imbə̀ʼ ìmə ìngam inga ikəri bəd gho̰ ne chəyi we ghùmnə Ŋwiye, ne we bə̀ ghìyə̀ yaʼ inug tibɔ̀ŋ, nji atog abə Ŋwan Wə̀d biri bə nìd imbə̀ʼ tengàŋ anyumə̀ we ne wì ywirì yèʼe tì ìmbi mbè angirə̀ ìzḛzḛ tì ika we ne Mbaʼ nàʼi ibo gha wì tumbə isəg.”

Mk 9:44

[Inga angu, chəyi tègwìd te ne kùrə nyàmnyɔd bəd te kùyə. Iywid we ne tɔ̰̀ bəd, chəyi wì biri bə nɔʼ nime.]

Ɨ̀fàʼì 10:22

Mbaŋà te ya ywìtì ibo gha, “À ya Kònilìyùs we ne yaʼi atog wə̀d igun mə̀sogyì iki ifibì tɔmi awa ine. Məd ya wə̀d ne ghìyə̀ inug ne təmi kòʼ bə̀ ghùmnə Ŋwiye. Mə̀Ju məjìm mbe ghàmà inug chɔm imbə̀ʼ aməd. Angirə̀ Ŋwiye kə̀ ghà ibo gha, wì tɔm bəd ine mbe kara awe àghò yeʼe, imbə̀ʼ wì zug anug ze ne àghò beri ni ghà ibo.”

2 Tès 1:7

Àsi mbə̰ mbe ne zə̰ ngəʼ imbə̀ʼ aməd, wì biri ghì gha mbə̀ bere àzùtì. Wì biri bə ghì mba ina bə bèrì àzùtì. Wì biri ghum ghì ane anyumə̀ ne Anɔŋisəg Yeso Kristo biri swiʼi ikaŋ àbɔ̀ŋɔ inga ìkìmi iywid tì ìmbi mbè angirə̀ ka ka.

Jûd 1:7

Mbə̀ bə̀ wendi Sodòm tì Gòmorà fɔrɔ isiŋi mbe ne ya yaʼi iban inɔb, ne yaya ghìyə̀ ifanì inug fɔrɔ izunì inug. Ŋwiye ya zì awɔb inga atəŋ iywid ighə̀m imɔʼ ane aneni ni chwi gha wə̀d ijìm pati ìwi nyɔd.

Ɨnû 15:7

Ane, aghi azɔm mɔ̀ʼɔ abɔ̀ʼ ighi izɔm mbe ikwè ya nàʼ ikaŋ gol ìsàmbe abə mbè angirə̀ mbe ìsàmbe. Aghi ne ya sweghi inga ikaŋ mbe ya agaŋ Ŋwiye we ne yaʼi izɔm kwàʼ ane ighə̀m imɔʼ.

Ɨnû 16:19

Asiŋi kyen ze ya sanda iba itad. Iben kyen ijìm inga isəg ya buʼə. Ŋwiye ya kɔndi Babilɔ̀n kyen we, ane si nàʼ toʼ mənoʼ ibo. Mənoʼ mbe ya chwìye gha Ŋwiye ya fə taŋ.

Ɨnû 18:3

Bəd inga iben ijìm fə no mənoʼ ka ka məd. Mənoʼ mbe ya anug ni nɔ̀kì mə̀yi kə̀ nɔ̀kì mbaŋà abu abu. Məfɔn mbe igun isəg fə nɔ̀kì tì məd abu abu. Bəd məjìm igun isəg ne ghìyə̀ iywin fə fòʼ ikab ane ighi nɔʼ nɔʼ məd mbe ne we tàra nyɔd inga.”

Ɨnû 18:6

Mbə̀ ghiyə ibo kwàʼ icheg ne wì ya ghi abə bəd ndəŋ. Inug mbe ne wì ya ghi inən, mbə̀ ywite ibo achug abe. Mbə̀ nyamba mənoʼ ka ka aghəm abe nàʼ ibo. Mbə̀ naʼa məyi inga toʼ ze ne wì ya bə nàʼ inən.

Ɨnû 19:15

Ibeg ibid tɔ tɔ ya dù ibo inga ichug. À ya ibeg ibid ne wì biri niŋ màʼ ibid chè iben ijìm angu. Wì biri tùmbì awɔb ane ika ijìm. Wì biri mḭ̀ titam vayìn inga asiŋi ze ne mbe mḭ̀yḛ̀ mənoʼ. Àzo̰ ya chwìye icheg ne Ŋwiyekɔʼ we taŋ gàŋa.

Ɨnû 19:20

Mbi ya gwì nyam kyen ze bə̀ gwì wə̀dkə̀n we ne ghà inug ako ne yaya ghìyə̀ iyeti inug ane ìwi ikum. Wì ya chè anjìm iyeti inug mbe tàmbi bəd mbe ne mbi ya zi aneni ze abə nyam kyen ze igun inɔb bə̀ tàmbi bəd mbe ne yaya ghùmnə aghi-ŋwiye məd. Mbi ya màʼ nyam kyen ze bə̀ màʼ wə̀dkə̀n inug ako we izɔm inga asiŋi ne sɔfɔ̀ we ghìyə̀ iywid kyen bere.

Ɨnû 20:10

Mbi ya màʼ Debrə̀ we ne yaya tàmba bəd inga iywid kyen we ne bère tì sɔfɔ̀. À ya inga angu ne mbi ya bə màʼ nyam kyen ze fɔrɔ wə̀dkə̀n we ne ghà inug ako. Mbi biri chə awɔb inga angu ineg ijìm kwàʼ ane ighə̀m imɔʼ.

Ɨnû 20:14

Ane, mbi ya màʼ iwu fɔrɔ aben iwu bəd inga atəŋ iywid kyen. Atəŋ iywid kyen ze ya iwu we ne pè ane ibe.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”