Ɨnû 12:10 - Ikan feg

¹⁰ Mə ya zug gì ne ka ikaŋ àbɔ̀ŋɔ. Gì ze ya ghà gha, “Amad anìŋ, Ŋwiye fə chì ìmbi bəd inga ngəʼ. Wì fə chwi ìwi ika. Məd we tùmbə̀ bəd məjìm icheg ifɔn! Amad anìŋ, wə̀d we ne Ŋwiye zɔ̀ʼi fə chwi ìwi ika imbə̀ʼ icheg ne mbi fə chì wə̀d we ne ya təmi imbìghè abə Ŋwiye màʼ igun aseg. Məd ya wə̀d we ne zìyè isaʼi igun ìmba məfi fɔrɔ ìta njàbi ne bḛ Kristo. Məd ya zìyè isaʼi igun inɔb tisi fɔrɔ tizimi.

Meta’

¹⁰ Mə nyaʼa zu gɨ̂ nɨ kǎ ɨkaŋ. Gɨ̂ ze zɨə nyaʼə ghàə̀ ni, “Tɨ̀nîn Ŋwìə̀ fə chɨ̀ mbi bə̂d rəŋgəʼ, wɨ̀ fə chwi i ɨka. Ɨ wɨə tùmbɨ̀ə̀ bə̂d mɨ̀jìm ɨghabɨ ɨfɔ̀n! Tɨ̀nîn wə̀d we nɨ Ŋwìə̀ zɔʼɔ fə chwi i ɨka, ɨmbə̀ʼ ɨghəm nɨ mbɨ fə chɨ̀ wə̀d we nɨ nyaʼə təm ɨfě a Ŋwiə̀ màʼ ɨgwɨ ə si. Məd wɨə nyaʼə chuʼə mba bɔŋgɔb mbe nɨ nyaʼa ben ə Kristo. Ɨ wɨə nyaʼə chuʼə mɨ̀mə̌d əziə mbɨ ɨzimɨ.

Ɨnû 12:10 ပူးပေါင်းရင်းမြစ်များ

Matìyò 26:64

Yeso ya ywìtì ibo gha, “À ya icheg ne àghò gha. Mə ghà inən gha, nɔ̀ʼ tèchɔ̀ŋ, mbə biri bàd Ŋwan Wə̀d ne wì chùghi aba abo jəghi Ŋwiye we ne beri ika ijìm. Mbə̰ biri bə bàd icheg ne məd we yèʼe inga pàʼ ikaŋ àbɔ̀ŋɔ.”

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Matìyò 6:10

Àze anug ìfɔ̀n ze yeʼe, bəd igun isəg se ghìyə̀ inug mbe ne àghò kə̀bi icheg ne mbi yaʼi ikaŋ àbɔ̀ŋɔ.

Lk 11:2

Yeso ya ghà inɔb gha, “Anyumə̀ ne mbə̰ mbe chàʼrà Ŋwiye, mbə̀ gha gha, ‹Ìwa Mbaʼ, ghìyə gha bəd ghumni ìwe ikum. Àze anug ìfɔ̀n ze yeʼe.

Lk 22:31

Yeso ya gha, “Sayimùn, Sayimùn. Nḛ! Sàtàn fə biri abə Ŋwiye gha we nàʼ ika ibo wè kwàʼra awən, kùtə̀ awən icheg ne mbe kùtə̀ ngə̀ŋ.

1 Kɔrèn 5:4

Anyumə̀ ne mbə̀ fete aseg ane ikum Anɔŋisəg Yeso Kristo, àmə azwighi ze abɔ̀ʼ inən, ika we ne Anɔŋisəg Yeso nàʼi inən we bə̀ abɔ̀ʼ inən.

2 Kɔrèn 12:9

Si ya gha, aghəm atad ze ajìm, wì ya ywìtì gha, “Ìchɔ̀mì we ne mə ghi ine we kòʼ. Aton ya gha, wə̀d ya taŋ bàrà ìmə ika anyumə̀ ne wì bɔ̀ri.” Ane, mə gyen ni kɔ̀m igo imbə̀ʼ inug mbe ne chwìye gha mə bɔd. Anìŋ ya ni ghì gha ika Kristo se fàʼà inga inum.

Tayitùs 2:3

Àghò bə ghà abə mə̀yi kyen gha mbe ya ghìyə̀ inug ne chwìye ìzḛzḛ. Imbə̀ʼ mbi ya chàpà awɔb tikum bəd. Imbə̀ʼ mbi naʼa awɔb ìwɔb nyɔd abə mənoʼ. Mbi ya chwìte yaʼ inug chɔm abə bəd.

1 Pità 5:8

Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.

Ɨnû 11:15

Angirə̀ we ne pè ane ìsàmbe ya fə ìzi tì tàŋ. Gì ka ka ti nɔʼ nɔʼ si ghàm ikaŋ àbɔ̀ŋɔ gha, “À ya ìwa Anɔŋisəg fɔrɔ Wə̀d məd we ne məd zɔ̀ʼi si bèrì ika ijìm amad anìŋ ni tùmbì isəg ijìm kwàʼ ane ighə̀m imɔʼ.”

Ɨnû 2:26

Mə biri nàʼ ika ni tùmbì iben ijìm abə wə̀d ne che àkwàʼrì bə̀ se ghìyə̀ inug mbe ne mə̀ kəbi anene ghò pè ane ìnwḭ.

Ɨnû 7:10

Mbi yaya kyḛ ane gì ka ka gha, “Àghò, ìwa Ŋwiye we ne chughi igun atən ifɔn tì ìwe Ŋwan njə̀g fə chì awa inga ngəʼ!”