Ɨnû 12:1 - Ikan feg

¹ Iyeti inug ne che ibo ya dù ikaŋ àbɔ̀ŋɔ. Àyi mɔ̀ʼɔ ya yaʼ angu ne ya zi nyùmə̀ ane ìzi ndwi. Wì ya nɔ̀ŋì ìmbi ighog igun iməg bə̀ zì aghi atog ifɔn ne beri titəm iməg ìghum chɔ̀b ibe.

Meta’

¹ Ənweenɨ-ənû nɨ chè əbɔ ə nyaʼa jwɨ̀ ɨkaŋ: Əyi mɔʼɔ wɨə nyaʼa əŋgu, nɨ ngywɨ̌ məd yɨə nyaʼə nyùmə̀. Wɨ̀ nyaʼa nùŋ mbi ɨwu ɨgun ɨmɨg, bə̀ zɨ̀ ɨdəm ɨfɔ̀n nɨ berɨ tɨtəmɨ wum chɔ̀b rɨ̀be.

Ɨnû 12:1 ပူးပေါင်းရင်းမြစ်များ

Matìyò 12:38

Mə̀Farìsi mɔ̀ʼɔ tì mə̀chwitì mə̀nɔ̀ʼɔ̀ mɔ̀ʼɔ ya ghà abə Yeso gha, “Àchwitìnùg, ghìyə ayeti anug mɔ̀ʼɔ tè bara.”

Matìyò 24:30

Nyùmə̀ we mə̀ kòʼ, aneni ni chwi gha Ŋwan Wə̀d fə se yèʼe biri dù aton àbɔ̀ŋɔ. Bəd məjìm igun iseg biri zə̀ʼ anyumə̀ ne mbi biri bàd aməd ne we yèʼe inga pàʼ tì ika fɔrɔ ighumni kyen məd.

Mk 13:25

titəm biri nɔ̀ʼ ikaŋ fendi aseg. Ŋwiye bə chì izwighi ijìm mbe ne yaʼi ikaŋ.›

Lk 21:11

Isiŋi iseg biri ghùd kwàʼ ane ika. Nyùmə̀ njèg ka ka fɔrɔ ighɔn tibɔ̀ŋ biri niŋ iba iseg mɔ̀ʼɔ. Inug ne bəd ya bɔ tì ineni kyen kyen biri dù ikaŋ.

Lk 21:25

Yeso ya bə̀ ywìrì gha, “Ineni biri dù igun nyùmə̀ tì igun iməg fɔrɔ igun titəm iməg. Àsi igun isəg, iben biri yaʼ inga ngəʼ. Anug biri chè bəd imbə̀ʼ icheg ne igyi tìbà biri ya joʼò chè kɔ̀ʼɔ chè swìʼe.

Jn 3:29

Mbaʼ igən ya wə̀d ne beri àyi igən. Àsi ìsə̀ʼ mbaʼ igən ya gyènde icheg ne wì chùghi iban se zùghə icheg ne mbaʼ igən we ghàmà. À ya icheg ne mo we bə̀ se gyènde.

Ɨ̀fàʼì 2:19

Mə biri ghì inug yeti yeti ikaŋ àbɔ̀ŋɔ fɔrɔ igun isəg. Isiŋi biri bàŋ icheg anəm. Mbə̰ biri bàd iywid fɔrɔ ndiʼ nɔʼ nɔʼ.

Rm 13:14

Mbə̀ ghiyə gha Anɔŋisəg Yeso Kristo ya tùmbə̀ awən. Imbə̀ʼ mbə̰ nɔŋɔ awən ìtən fìŋ igun ighi mbe ne nyàmnyɔd ze ghə̀ʼrə̀.

Rm 3:22

Ŋwiye fə ghì gha bəd məjìm mbe ne nɔŋi ibḛfiŋ igun Yeso Kristo mbe təm kòʼ ibo imbìghè. Wì ghì ane imbə̀ʼ icheg ne chəyi məd we ghìyə̀ ighə igun bəd.

2 Kɔrèn 11:2

Mə we ghə̀ʼrə̀ awən, icheg ne Ŋwiye we bə̀ ghə̀ʼrə̀. Aton ya gha mbə̰ ya icheg fɔ̀d ŋwan àyi zḛ zḛ ni mə nàʼi ane inam abə inɔm fìbì. Inɔm we ya Kristo.

Gàlesìyà 3:27

Mbə̰ məjìm ne ya yaʼi ane ifɔti tì Kristo anyumə̀ ne mbə̀ ya niŋi mənib, mbə̰ fə si icheg məd.

Gàlesìyà 4:26

Àsi Sèra, məd kayi àbòʼì. Məd təm yaʼ ane Jèrusalèm we ne yaʼi ikaŋ àbɔ̀ŋɔ. Məd ya ìwa ngɔb.

Gàlesìyà 6:14

Àsi mo, chəyi anug mɔ̀ʼɔ ne mə̀ biri nɔʼ kɔ̀m igo igun chèyi ane anug ze ne iwu Anɔŋisəg Yeso Kristo igun azed abaʼri ya ghi. Icheg ne Yeso Kristo ya ku igun azed abaʼri, chəyi ighi inga isəg beri aghi mɔ̀ʼɔ ni ghì tì inum. Chəyi mə̀ bə bèrì aghi mɔ̀ʼɔ ni ghì tì ighi inga isəg.

Efesùs 5:32

Aŋa ya anug kyen ne yaʼi inə̀mbi. Ane, mə kyèri gha ze ya ghàmà yaʼ imbə̀ʼ Kristo tì ifeti bəd Kristo.

Ɨnû 1:20

Anug ze ne yaʼi inə̀mbi imbə̀ʼ titəm iməg te ìsàmbe ne àghò bàri inga àmə abo jəghi bə̀ fɔrɔ imbə̀ʼ ìtən inam mbe ìsàmbe ne mbi tangi ane gol ya gha: Titəm-məg te ìsàmbe ya mbè angirə̀ mbe ne kyèʼè tifeti bəd Kristo te ìsàmbe. Itən inam mbe ìsàmbe ya tifeti bəd Kristo te ìsàmbe.”

Ɨnû 11:19

Ane, mbi ya si fìʼì mbàn Ŋwiye ze ikaŋ àbɔ̀ŋɔ, bàd gha tìkub mə̀nɔ̀ʼɔ̀ Ŋwiye ya yaʼ angu. Àŋwàŋwaŋ ya ŋwàŋ, isiŋi kùm, mbə̀ŋ kum, isiŋi ghùd, afim ka ka chè, awḛ nɔʼ nɔʼ bə̀ fèndi.

Ɨnû 12:3

Ayeti anug ndəŋ ya ywìrì dù ikaŋ àbɔ̀ŋɔ. Tìsɔ̀ʼ jo bàghi mɔ̀ʼɔ ya yaʼ angu. Zì ya bèrì itog ìsàmbe, bèrì ndɔŋ ìghum bə̀ bèrì ighi atog ifɔn ìsàmbe igun itog məd mbe.

Ɨnû 15:1

Mə ya bàd aneni anug kyen ndəŋ ne chè ibo ikaŋ àbɔ̀ŋɔ. Aneni anug azo̰ yaya chwìye mbè angirə̀ ìsàmbe ne ya nyimi ngəʼ ka ka ìsàmbe. Ngəʼ ìto̰ ya yaʼ ngəʼ ka ka ne si nwḭ̀yḛ̀ imbə̀ʼ icheg ne tì mə̀ chè, ze chwi gha agaŋ Ŋwiye fə mèg.

Ɨnû 21:14

Mbi ya zèg ati ane ateg ìghum chɔ̀b ibe bɔm ikam we. Mbi ya bə̀ ŋwàʼrì tikum bədtɔm Ŋwan njə̀g mbe ìghum chɔ̀b ibe igun ateg ze.

Ɨnû 21:23

Chəyi aben ze ya ywirì kə̀b gha nyùmə̀ kə̀ iməg ywirì zuʼ igun məd imbə̀ʼ icheg ne ìzḛzḛ njandi njandi yaya dùwə̀ ane Ŋwiye zùʼə zḛ isiŋi ijìm. Ŋwan njə̀g yaya bə̀ zùʼə icheg anam.