Ɨnû 11:8 - Ikan feg

⁸ Ìmbɔb iwu biri bɔngɔ aseg igun inɔnjì ikye aben kyen. Mbi ya bə̀ kàrà aben kyen ze ane Sodòm tì Ijìb. À ya bə̀ angu ne mbi ya kɔ̀mbi Anɔŋisəg igun azed abaʼri.

Meta’

⁸ Ɨvɨ mɨ̀mə̌d bɨrɨ nokɨ ɨgun ɨnə̂njɨ̀ ɨŋga əbeŋ ə kyeŋ ze nɨ mbɨ nyaʼa kombɨ Ə̀nùŋɨ̀sɨg mɨ̀mə̌d əzed ə baʼnɨ. Bə̂d mbɨə tɔŋ əsɨ ze ənɨ ɨnə̂njɨ̀ cherə ni Sodòm fɔrɨ ə Ɨjìpt.

Ɨnû 11:8 ပူးပေါင်းရင်းမြစ်များ

Matìyò 10:15

Mə gha tesiʼ inən gha, igun aneg ze ne Ŋwiye biri sɔb isaʼi, wì biri dìgrì igun bəd a Sodòm bə̀ dìgrì igun bəd a Gòmorà chè icheg ne wì biri dìgrì igun bəd inga asiŋi ze ne to̰ awɔb ìwən ikən.”

Ɨ̀fàʼì 9:4

Wì ya bu igun nyam fen aseg si zug gì mɔ̀ʼɔ ne ya ghà ibo gha, “Sɔl! Sɔl! Aton ne àghò we chɔ̀ʼɔ ìmbum ibɔʼì ighog àkə gha?”

Mə̀Hibrù 13:12

À ya aton ne chəyi Yeso ya ku inga ikye aben a Jèrusalèm ne bəd mbe chùghə. Wì ya dù si zə̰ ngəʼ ku anjìm isəg ni sò inug tibɔ̀ŋ bəd ane àze anəm.

Mə̀Hibrù 6:6

Aton ya gha, icheg ne mbɔb mbe ywìrè bə̀ndə̀ anjìm ghìyə̀ inug tibɔ̀ŋ, ane ya gha, mbɔb mbe ywìrè kɔ̀mbɔ̀ Yeso ŋwan Ŋwiye igun azed abaʼri bə̀ ywìrè zìyè tìnìrètog igun məd asaŋ asaŋ ighəm ndəŋ.

2 Pità 2:6

Ŋwiye ya bə̀ chìkì bəd mbe a Sodòm tì Gòmorà ane iywid. Inug mbo̰ ya wì yaya chwìye icheg ne ze biri yaʼ abə bəd mbe ne chəyi mbe zùgrə Ŋwiye.

Jûd 1:7

Mbə̀ bə̀ wendi Sodòm tì Gòmorà fɔrɔ isiŋi mbe ne ya yaʼi iban inɔb, ne yaya ghìyə̀ ifanì inug fɔrɔ izunì inug. Ŋwiye ya zì awɔb inga atəŋ iywid ighə̀m imɔʼ ane aneni ni chwi gha wə̀d ijìm pati ìwi nyɔd.

Ɨnû 11:13

Kwàʼ anyumə̀ we, ìseg ya ghùd kwàʼ ane ika. Aba amɔʼ inga iba ìghum ane aben kyen ze ya sùyə̀. Bəd chuʼ ìsàmbe ya ku icheg ne isiŋi ya wùri sùyə̀. Àbùʼì bəd ze ne ya pumi yaya se bìnde nàʼà ighumni abə Ŋwiyekɔʼ ne yaʼi ikaŋ àbɔ̀ŋɔ.

Ɨnû 11:9

Bəd inga isiŋi ijìm tì inga tinəbi tijìm fɔrɔ bəd inga iben ijìm biri nèn ìmbɔb iwu bəd ane ineg itad tì aba. Chəyi mbi biri bḛ gha mbe twəŋi awɔb.

Ɨnû 14:20

Mbi ya mḭ̀yḛ̀ titam vayìn te inga asiŋi ze ne mbe mḭ̀yḛ̀ mənoʼ vayìn ne kayi inga ikye aben ze. À ya anəm ya du inga titam vayìn te. Anəm ne ya kɔŋi igun asiŋi ze ya yèn icheg mə̀kìlometà aki atad, bə̀ sà ikaŋ icheg metà imɔʼ tì aba.

Ɨnû 14:8

Angirə̀ ne pè ane ibe ya beni abɔ̀ʼ ìwi mbègtog we. Wì ya ghà gha, “Babilɔ̀n kyen fə buʼə! Wì fə buʼə! Wì ya ghì iben ijìm no mənoʼ ka ka. Mənoʼ mbe ya ikuchèg we ne mbɔb ya beri ni nɔ̀kì mə̀yi kə̀ nɔ̀kì mbaŋà abu abu.”

Ɨnû 16:19

Asiŋi kyen ze ya sanda iba itad. Iben kyen ijìm inga isəg ya buʼə. Ŋwiye ya kɔndi Babilɔ̀n kyen we, ane si nàʼ toʼ mənoʼ ibo. Mənoʼ mbe ya chwìye gha Ŋwiye ya fə taŋ.

Ɨnû 17:1

Angirə̀ ifibì abɔ̀ʼ mbè angirə̀ mbe ìsàmbe ne ya nyimi ikaŋ mbe ìsàmbe ya yèʼe pè ghà inum gha, “Yeʼe, mə biri chwi icheg ne mbi biri chə àkwàrì ka ze ne chùghə iban tigyi kyen nɔʼ nɔʼ ine.

Ɨnû 17:18

Àyi we ne àghò kə̀ bàri ya asiŋi kyen ze ne ìfɔ̀n məd we tùmbə̀ məfɔn məjìm igun isəg.”

Ɨnû 17:5

Mbi ya ŋwàʼrì ikum mɔ̀ʼɔ igun akəŋi isi məd ne chəyi wə̀d mɔ̀ʼɔ kyeri aton. Aton ane ikum we ya gha, “Babilɔ̀n kyen, ngɔb ìkwàrì ijìm tì ngɔb inug tibɔ̀ŋ yeti yeti mbe ne yaʼi igun isəg.”

Ɨnû 18:10

Ngəʼ kyen biri ghì mbɔb bɔ. Mbi biri si təm ane agha ne sa si gha, “Ngəʼ kyen fə nyi igun ine! Ngəʼ kyen fə nyi igun ine, àghò asiŋi kyen, àghò Babilɔ̀n ne yaʼi aben ne beri ika! Ŋwiye fə niŋ məyi awà ifibì chə awe!”

Ɨnû 18:18

si kyen ane gì ka ka anyumə̀ ne mbi ya bàri ndiʼ ane iywid we ne tɔ̰̀ aməd. Mbi biri bàd ane si gha, “Àkə aben zeg ne yaʼi icheg aben kyen azo̰?

Ɨnû 18:2

Wì ya kyen ane gì ka ka ghà gha, “Babilɔ̀n kyen fə buʼə! Wì fə buʼə! Wì fə bə̀ŋə̀ ane asiŋi ne izwighi tibɔ̀ŋ mbe chùghə angu, asiŋi ne izwighi mbe ne chəyi mbi zḛ mbe nə̀mbə̀ angu, asiŋi ne tìnən te ne chəyi ti zḛ tì nyam te ne bəd mbe bà̰ te nə̀mbə̀ angu.

Ɨnû 18:21

Angirə̀ ne beri ika ya bèʼì iteg kyen ne yaʼi icheg iteg ngə̀ŋ, màʼ inga igyi tìbà. Wì ya màʼ ane gha, “À ya icheg ne tì biri màʼ Babilɔ̀n aseg ane ika. Chəyi bəd biri nɔʼ ywiri bàd aməd.

Ɨnû 18:24

Anəm bədkə̀n Ŋwiye tì anəm bəd Ŋwiye fɔrɔ anəm bəd məjìm mbe ne mbi ya zweti igun isəg fə zɔʼ awe.”