Ɨnû 11:18 - Ikan feg

¹⁸ Bəd mbe ne kayi mə̀Ju məjìm yaya gàŋa. Nyumə̀ fə kòʼ ni chə̀ bəd mbe ne àghò we gàŋa inɔb. Nyùmə̀ fə kòʼ ne àghò biri saʼ bəd ne ya ku, bə̀ nàʼ chùd abə ìmbe bəd àfàʼì ne ya bədkə̀n fɔrɔ abə ìmbe bəd ne ghùmnə ìwe, kə̀ àkə bəd kyen kə̀ ìmbi kwa kwa; Nyùmə̀ fə kòʼ ni nimni bəd mbe ne chìkə̀ isəg.”

Meta’

¹⁸ Bə̂d nɨ kaʼi mɨ̀Jû nyaʼa sə ɨtəm kwàʼ rɨŋgəʼ, àyɨə nyùmə̀ we nɨ àwɔ̀ bɨrɨ chə mɨ̀mə̌d fə yeʼe. Nyùmə̀ fə kùʼi nɨ à bɨrɨ saʼ ɨvɨ bə̂d, nɨ à bɨrɨ naʼ ɨchɔʼ ə̀fàʼì əmbɨ mbe bə̂d ə̀fàʼì, əmbɨ mbe bə̂d ɨ̀kə̀n, əmbɨ mbe bə̂d fɔrɨ əmbɨ ə bə̂d mɨ̀jìm mbe nɨə wumnɨ əwe, əne yɨ mbɨ kwa mbɨ mbɨ kyeŋ. Nyùmə̀ fə kùʼi nɨ à bɨrɨ nimnɨ bə̂d mbe nɨə chə̀kɨ̀ ə si.”

Ɨnû 11:18 ပူးပေါင်းရင်းမြစ်များ

Matìyò 5:12

Mbə̀ taŋ gyèndi imbə̀ʼ icheg ne Ŋwiye biri nàʼ ineʼi kyen inən ikaŋ àbɔ̀ŋɔ. À ya bə̀ icheg ne bəd ya bə chɔʼ ibɔʼì ighog abə bədkə̀n Ŋwiye mbe ne ya bi yaʼ bɔŋ awən.”

Lk 1:50

Inga tiwaŋ bəd tijìm, Məd we bèrè àsɔ̀mnəfiŋ abə bəd mbe ne ghùmnə aməd.

Mə̀Hibrù 9:27

À ya icheg ne ze bə yaʼ gha, wə̀d ijìm mənyìʼ ku ighə̀m imɔʼ, si təm imbìghè abə Ŋwiye ane isaʼi, Ŋwiye saʼ aməd.

Ɨnû 10:7

“Si ya gha, anyumə̀ we ne angirə̀ we ne pè ane ìsàmbe biri fə ìzi tì tàŋ, Ŋwiye biri fàʼ ìmbi inug mbe ne ya yaʼi inə̀mbi icheg ne wì ya gha abə ìmbi bəd àfàʼì ne ya yaʼi bədkə̀n məd.”

Ɨnû 11:2

Si ya gha, imbə̀ʼ àghò məghrə awe ikye ikam mbàn Ŋwiye ze imbə̀ʼ icheg ne mbi fə nàʼ asiŋi ze abə bəd ne kayi mə̀Ju. Mbɔb biri tə̀ʼrì asiŋi ìzḛzḛ ane aməg ìghum ikwè chɔ̀b ibe.

Ɨnû 13:10

Wə̀d ne mbi fə beri ni gwì aməd mbi biri bə gwì aməd. Wə̀d ne mbi beri ni zweti aməd ane ibeg ibid, wì biri bə̀ ku ane ibeg ibid. Anug azo̰ ya kə̀bə̀ gha bəd Ŋwiye nyimbi fìŋ bə̀ bèrì ibḛfiŋ.

Ɨnû 13:16

Nyam kyen ze ya nyimi bəd məjìm ane ika, kə̀ àkə bəd fum kə̀ bəd ikab, kə̀ àkə məfeg kə bəd ne kayi məfeg, zì ya ghì məjìm bḛ ni zì aneni nyam ze igun ìmbɔb iba ibo jəghi kə̀ zì igun ìmbɔb ikəŋi isi.

Ɨnû 14:10

Ŋwiye biri gaŋ abɔ̀ʼ məd si chə aməd. Ane ya icheg ni gha wì fə zì mənoʼ inga toʼ məd ne chəyi wì nyàmbi, ane ghì gha wì no. Ŋwiye biri chə tengàŋ ane iywid, inga sɔfɔ̀ imbìghè abə mbè angirə̀ ìzḛzḛ fɔrɔ imbìghè abə Ŋwan njə̀g.

Ɨnû 15:1

Mə ya bàd aneni anug kyen ndəŋ ne chè ibo ikaŋ àbɔ̀ŋɔ. Aneni anug azo̰ yaya chwìye mbè angirə̀ ìsàmbe ne ya nyimi ngəʼ ka ka ìsàmbe. Ngəʼ ìto̰ ya yaʼ ngəʼ ka ka ne si nwḭ̀yḛ̀ imbə̀ʼ icheg ne tì mə̀ chè, ze chwi gha agaŋ Ŋwiye fə mèg.

Ɨnû 15:7

Ane, aghi azɔm mɔ̀ʼɔ abɔ̀ʼ ighi izɔm mbe ikwè ya nàʼ ikaŋ gol ìsàmbe abə mbè angirə̀ mbe ìsàmbe. Aghi ne ya sweghi inga ikaŋ mbe ya agaŋ Ŋwiye we ne yaʼi izɔm kwàʼ ane ighə̀m imɔʼ.

Ɨnû 18:6

Mbə̀ ghiyə ibo kwàʼ icheg ne wì ya ghi abə bəd ndəŋ. Inug mbe ne wì ya ghi inən, mbə̀ ywite ibo achug abe. Mbə̀ nyamba mənoʼ ka ka aghəm abe nàʼ ibo. Mbə̀ naʼa məyi inga toʼ ze ne wì ya bə nàʼ inən.

Ɨnû 19:15

Ibeg ibid tɔ tɔ ya dù ibo inga ichug. À ya ibeg ibid ne wì biri niŋ màʼ ibid chè iben ijìm angu. Wì biri tùmbì awɔb ane ika ijìm. Wì biri mḭ̀ titam vayìn inga asiŋi ze ne mbe mḭ̀yḛ̀ mənoʼ. Àzo̰ ya chwìye icheg ne Ŋwiyekɔʼ we taŋ gàŋa.

Ɨnû 19:18

Mbə̀ yeʼe kud məfɔn, kud itog bəd igun mə̀sogyì, kud mə̀sogyì, kud nyam mə̀kara, kud bəd mbe ne kɔ̀ʼɔ nyam mə̀kara te, bə̀ kud fɔrɔ bəd məjìm, kə̀ àkə ìbòʼì kə àkə bəd ne yaʼi awɔb ane ìwɔb ighəm, kə̀ àkə bəd kyen kyen kə̀ àkə bəd kwa kwa!”

Ɨnû 19:5

Gì ya ghàm ane atən ifɔn, ghà gha, “Mbə̀ ghumni ìwa Ŋwiye, mbə̰ bəd àfàʼì məd məjìm. Mbə̰ mbe ne ghùmnə aməd, wə̀d ijìm ghumni aməd, ni ko ane bəd kwa kwa ghò pè ane mbi kyen kyen!”

Ɨnû 20:12

Mə ya bàd bəd ne ya fə ku, mbi kwa kwa fɔrɔ mbi kyen kyen. Mbi ya təm imbìghè abə atən ifɔn ze. Mbi ya fìʼì ìŋwàʼrì. Mbi ya bə̀ fìʼì àŋwàʼrì ndəŋ. À ya àŋwàʼrì ne tikum bəd mbe ne biri jəg ìtḛ̀ yaʼi inga. Mbi ya saʼ bəd mbe ne ya fə ku icheg ne ìtɔb tìghinùg ya chwi inga ìŋwàʼrì mbe.

Ɨnû 20:15

Wə̀d ne chəyi mbi ya bàri ikum məd inga àŋwàʼrì abɔ̀ʼ bəd mbe ne biri jəg ìtḛ̀, mbi ya màʼ aməd inga atəŋ iywid kyen ze.

Ɨnû 22:12

Yeso ya ghà inum gha, “Zug, mə we se zàmbi yeʼe! Mə biri yeʼe tì chùd ne mə̀ biri nàʼ abə wə̀d imɔʼ imɔʼ icheg ne ìfàʼì wə̀d chwi.