Ɨnû 10:5 - Ikan feg

⁵ Ane, mə̀ ya si bàd angirə̀ we ne ya te àzi aba aghog jəghi igun igyi tìbà bə̀ te àzi aba aghog atəŋ igun ìseg ne wì nɔ̰ àzi abo jəghi ikaŋ àbɔ̀ŋɔ.

Meta’

⁵ Aŋgɨrə̀ we nɨ mə nyaʼa zə nɨ nyaʼa təm ɨgun rɨ̀bàà bə̀ təm ɨgun ə si nyaʼa nɔ̀ e əbɔ ə jɨgɨ ɨkaŋ

Ɨnû 10:5 ပူးပေါင်းရင်းမြစ်များ

Ɨ̀fàʼì 14:15

“Bəd mbo̰! Aton ne mbə̰ mbe ghìyə̀ inug mbo̰ ina anìŋ àkə gha? Mba ya bəd-aku icheg inən. Tì fə yèʼe tì ikən chɔm inən gha mbə̀ saŋa ighi ako mbo̰ bèni abɔ̀ʼ Ŋwiye we ne yaʼi izɔm. À ya məd ya tangi ikaŋ fɔrɔ ìseg bə̀ tàngi tìbà bə̀ tàngi fɔrɔ ighi ijìm mbe ne yaʼi inga inɔb.

Ɨ̀fàʼì 17:23

Icheg ne mə̀ kə̀ ŋa yḛ̀ inga àzən aben, mə bàd isiŋi mbe ne mbə̰ mbe ghùmnə mə̀ŋwiye. Mə bə̀ bàd ati ŋwiye mɔ̀ʼɔ ne mbi ŋwaʼri angu gha, ‹Abə Ŋwiye we ne chəyi tì kyeri.› Ane, Ŋwiye we ne mbə̰ mbe ghùmnə ne chəyi mbə̀ kyeri, à ya ìwiwən ne mə yeʼe ni ghà inug imbə̀ʼ aməd inən.

Rm 1:20

Nɔ̀ʼ ane nyumə̀ ne Ŋwiye ya tangi isəg, məd Ŋwiye fə ghì inug nɔʼ nɔʼ ni chwi abə bəd gha zìye Ŋwiye we angu. Ineni inug nɔʼ nɔʼ mbe bə̀ angu kwàʼ asaŋ inga ighi mbe ne Ŋwiye tàngi ne chwìye inug imbə̀ʼ aməd we ne chəyi te bàrà. Inug mbe ya; ikuchèg məd icheg Ŋwiye fɔrɔ ika məd ne yaʼi ane ighə̀m imɔʼ. Ane, chəyi wə̀d mɔ̀ʼɔ ne tì we gha chəyi zìye kyeri Ŋwiye tesiʼ.

Mə̀Hibrù 6:13

Anyumə̀ ne Ŋwiye ya kàʼi anug abə Abràham, wì ya ghàm zɔ̀m yi zìye ane ìwi ikum imbə̀ʼ icheg ne chəyi wə̀d mɔ̀ʼɔ ne che məd.

Ɨnû 1:18

Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.

Ɨnû 10:2

Wì ya nyimi àŋwàʼrì kwa kwa ne mbe kàri kari ibo ikye abo. Àŋwàʼrì ze ya yaʼ ifìʼi. Wì ya te àzi aba aghog jəghi igun igyi tìbà bə̀ te àzi aba aghog atəŋ igun ìseg.

Ɨnû 14:7

Wì ya ghà ane gì ka ka gha, “Mbə̀ bɔ Ŋwiye bə̀ nàʼ ighumni ibo imbə̀ʼ icheg ne nyùmə̀ we ne məd biri saʼ bəd fə kòʼ. Mbə̀ ghumni aməd we ne ya tangi ikaŋ àbɔ̀ŋɔ, tàngi ìseg, tàngi igyi tìbà bə̀ tàngi ìdùrì!”

Ɨnû 16:17

Angirə̀ we ne pè ane ìsàmbe ya kwebi agaŋ ze ne ya yaʼi inga akaŋ məd inga ifə. Anyumə̀ ne wì ya kwebi ane, gì ka ka ya dù inga atən ifɔn ze ne yaʼi inga mbàn Ŋwiye. Zì ya gha, “Inug ijìm fə mèg!”

Ɨnû 4:11

“Anɔŋisəg, ìwa Ŋwiye, Àghò kòʼ gha mbe ghumni awe bə̀ ghà gha Àghò bèrì ika imbə̀ʼ icheg ne à ya Àghò tàngi ighi ijìm. Ighi ijìm bə̀ yaʼ kwàʼ icheg ne àghò ya kə̀bi gha mbe yaʼ.”

Ɨnû 4:9

Ighəm ijìm, ighi izɔm mbo̰ ikwè ya zə̀ʼə̀ ikyeg ghùmnə wə̀d we ne chughi igun atən ifɔn ze bə̀ nàʼà məyakà ibo, məd we ne yaʼi izɔm kwàʼ ane ighə̀m imɔʼ.